Perfect Two

20

Minulat ko ang mga mata ko at bumungad saakin ang mukha ng taong inaasahan ko ngayon. Nanlaki ang mga mata nya ng makita akong dilat at buhay na buhay.

"C-Calliy?" Hindi makapaniwalang tanong nya. Nginitian ko lang sya bilang sagot at ng matauhan sya ay biglang sumigaw at tinawag sila kuya para sabihin na gising na ako.

"Oy! Okay ka lang ba? Ayos ka na ba? May masakit sayo?" Sinimangutan ko lang si kuya Jerry na alalang-alala sakin.

"Mukha bang hindi ayos yan?" Sinamaan naman ako ng tingin ni kuya Tom.

"Buti naman ayos ka na" napangiti lang ako kay Charlie. Thanks to him, nalaman ko na ang lahat. Speaking of that...

"Umalis na tayo dito at kating-kati na akong sabihin sa inyong lahat ang totoo."

"Pero—" hindi na natuloy nila kuya ang sasabihin ng bigla kong tanggalin ang dextrose na nakasuot sa kamay ko at tumayo.

"May dala ba kayong extrang damit?" Tanong ko kela kuya.

"Wala eh. Di mo naman sinabi" napairap nalang ako. Alam ko ba na maoospital ako? Alam ko ba na mangyayari to? At paano ko sasabihin sakanila eh tulog nga ako.

"Gamitin mo nalang muna tong hoodie ko" sabi saakin ni Ty-Ty este.. Tyrone.. hindi pa ngayon.. may tamang panahon para sabihin ko sakanya na naaalala ko na ang lahat..

"Paano yung pang-baba? Asaan ba kasi yung pants ko?" Inis na tanong ko sakanila. Nakaka-istress ah! Kung kelang nagmamadali talaga saka naman nagkakagulo-gulo.

"Nandito yung jogger ko, balak ko kasing mag-jogging ngayon. Gamitin mo muna, stress ka agad ei" biglang sabi naman ni Nick. Oh, ngayon ko lang napansin na nandito pala tong panget kong pinsan.

Kinuha ko yung hoodie ni Tyrone at yung jogger ni Nick saka dumiretso sa Banyo para magpalit. Nang makapagpalit ay nag-check out na rin kami sa ospital at lumabas na.

"Calliy, sakay na" sabi ni Kuya Jerry at sasakay na sana ako sa likod pero bigla akong hinila ni Nick palayo sa kotse.

"Dito ako. Doon ka kay Tyrone, wala syang kasama" sabi nya at nginuso si Kupal na nasa tabi ng lambhorgini nya at may kinakalkal sa cellphone.

"Ayoko nga! Ikaw doon!" Sabi ko pa at sumakay na sa likod. Pero, pilit nya parin akong pinapaalis doon.

"Bakit ba ayaw mong kasama si Ty-Ty?" Napatigil ako. So, naaalala nya rin? Bakit ba ako lang ang hindi nakakaalala kay Tyrone? Bakit hindi ko sya agad nakilala?

"Sabi ko nga eh" sabi ko at inirapan sya. Lumabas na ako ng mustang at dumiretso sakanya. Habang nakatalikod sya saakin at busy sa cellphone ay binatukan ko sya sa ulo.

"Ara—" tinaasan ko sya ng kilay. Magrereklamo pa eh, samantalang dati lagi nyang ginagawa saakin yun! Halos ma-bobo na nga ako kaka-batok nya saakin.