هلاووو شونكم ..
...
نبدي..
....
مينا.. احنه كاعدين ودك الجرص اربع مرات جنه كاعدين اني ونبأ بلمطبخ والباقي بلهول ندك الجرص اني صفنت واجه علي ركض مناك كال هاي شكو معقوله هاذ كرار كتله لا ماعتقد كرار ميسوي هيجج كلي خرب بلحض راح ركض ويزحلك بروحه بلطرمه نبأ كلتله ولك ضابط جيس حب انته ههههههه هوه ندارلها ضحك وفتح لباب لكه ابو بلباب علي حضنه قوي ابو طويل وضخم علي بطوله اجتي نبأ صاحت بااااباااااا وركضت عليه هوه كلها بنيتي وحضنها باوع عليه كلي شونج عمو كتله تمام بخير كله لعلي شنو ولك زوجت
علي.. لا يابه قصه طويله بعدين نتحاجه حول هاذ الموضوع
ابو علي.. صاير متكلم امشي تعال ههههه
علي.. هههههه يلا يابه يلا نتورط نحجي
دخل جوه ابو علي وسلم عليهم كلهم شفته حضن ام علي فدوه ربي يديمهم ابوه طكبعا جان مسافر خارج العراق صارله اكثر من سنه لمهم دخلت للمطبخ صراحه فرحت عل فرحتهم اجه علي للمطبخ ونبأ بلهول يعني بس احنه الثنين بلمطبخ باوعتله كمت وكفت يمه
مينا.. علي عادي احجي وياك
علي.. اي عيني ليش لا
مينا.. مو هنا
علي . لعد وين
مينا.. تعال بلحديقه
علي.. ماشي تعالي
طلعنه للحديقه الخلفيه وكف وباوعلي باستغراب هزلي بايده شكو
مينا نزلت عيني للكع واحاجي ..علي صراحه انتو مقصرتو ويايه وويه كرار واني اشكركم كللش كللش ونبي مانسالكم هل معروف ابد وحبيتكم مثل اهلي والله بس احنه منكدر نستقر هنا اول شي عيب ابوك اجه وكرار طاب طالع و
علي.. اششششش شنو هلحجي ؟؟
مينا.. شنو
علي.. هلحجي مااسمعه وابويه اني احاجي بهل موضوع زين بعد هل حجي مينعاد زين لو لاا
مينا.. ليش عصبت
علي. عل حجيج هاذ لواحد يكفر
مينا.. موو
علي.. اششش ماسمع اي حجي هاهيه هاذ بيتكم واي طلعه منا ماكو
مينا.. علي هاي شبيييك
علي.. اششش تعالي دخلي يله
مينا.. مادخل ماجي ماجي كعدت بلكع عل حشيش وكمت ابجي
علي كعد يمي وحجه بهدوء.. ولج لتبجين اسف عليت صوتي ادري بس حجيج نرفزني والله باعي احنه اهلج واذا علمود كرار كرار اخويه واخو نبأ ماكو فرق زين يلا كومي عيوني انتي ومسحي دموعج غاليه تره
مينا باوعتله ببرائه.. اوگ علي
علي.. ههههه عابت يلا كومي
كمت ويا للمطبخ جتف ايده ووكف
علي.. غسلي يلا
مينا غسلت وجهي ونداريت .. روح يم اهلك عيب
علي.. نجبي ممكن؟؟
مينا.. ليشش
علي.. اهلي واهلج لتعيديها وثاني شيييي انتي تجين ويانه تكعدين
مينا.. مااا استحي
علي.. هلو هلو دمشي استحي
مينا.. علي عليك الله عوفني استحي
علي.. دمشي صدك جذذذب
جرني ويا ودخلني للهول كلهم صفنو
ام علي.. شبيكم يوم يمه مينا وجهج احمر حبيبه
علي.. لا يمه بس تستحي تجي تكعد
ام علي .. لا حبيبتي تعالي كعدي انتي بنتي
علي.. تعالي يلا رتاحيتي كعدني عل كرسي وكعد بصفي وميسره تباوع تريد تملخ روحها وابو علي يضحك عل علي واني ميته خجل وكوه كاعده علي باوعلي وضحك ورفعلي تك حاجب باوعتله بخزره وهمستله كتله فشلتنيي. همسلي كلي ولج ربطي فيشه شبيج صاحت نبأ بنص لهول كافي تتهامسون صار عندي فضول يولو وجتي كعدت بالكع بين الكرسيين وتباوع بوجهي وبوجه علي خرب متت خجل كتلها انعل اليوم الي عرفتج بي ولكم انتو عدكم وراثه مال تفشل خرب رح ابجي ههههه علي باوع عل ميسره ورجع باوعلي وغمز اني باوعتله بغباء وثول وباوعت عل ميسره شفت ايدها تعصر بيها ههههه باوعت عل علي كمت ركض رحت للمطبخ بس محد منتبه احنه كاعدين يم الباب جانو ديسولفون فطلعت ركض رحت للمطبخ اريد اسكت من ضحك ماكدر طكيت يابه خرب يومك علي وره خمس دقايق اجه اتجه عل باب ويباوعلي ويضحك بهدوء
مينا.. تره ميصير هيج يمعود هههههههه
علي.. ونتي شبيج خرب شكد فطيره يلكعبه
نبأ.. هااااااا شدسووون
علي.. عرك طكج شبيج
نبأ.. مينا شبيج طلعتي ركض ضحكين
مينا.. ولج اخوج مبيكعد رااحححه
علي بابتسامه.. ليش اني شسويت بس غمزتلج
نبأ.. مطوره الامور يابه
مينا.. نجبي حيوانننه
دك الجرص .
علي.. ركضي فتحي لباب نبا هاذ كرار
مينا.. افتح اني
راحت نبأ قبلي دااروح وراهه داطلع من يم علي جرني من ايدي وكفني وصفن بعيني
مينا.. علي شدسوي عيب
علي.. اكلج هاي عيونج؟
مينا.. لاعيون جيران كراار
علي.. وسم شبيج
مينا.. اجه كرار ههخخ
اجه كرار للمطبخ هوه اطول من عندي كمزتله وحضنته هوه كام يضحك
مينا ضربته عل صدره بقبضه ايدي .. ليش تلفونك مغلق حكيير
علي.. اسفين مينا
كرار.. هههههه جاوبج علي يلا تعالي حبيبتي الجميله خله ايده عل جتفي ومشاني
احس علي مثل لضاج اجتي ميسره للمطبخ
ميسره.. هلو شنو هاذ شوفير مالتكم اكلك ممكن توصلني للسوك
كرار باوع عل علي باستغراب .. علي منو هاي
علي خال ايده بجيوبه ومثبت نضره عل ميسره غمض عينه وتنهد ..ميسره شوكت تبطلين سوالفج بس كوليلي شوكت تعقلين تره عيب يعني كبري عقلج شيسموها هاي ها شنو شوفير الزمي حدودج تره الباب مال بيت بعد مشوفي هواي جاوزتي اليوم
ميسره.. ليش اني شكلت شبيج وجع
علي تقرب عليها خطوه .. ولج عليمن وجع .بصيحه هاااااااا
ميسره.. موو احم
كرار وخر ايده من جتف مينا ولزم علي.. هدي يخوي هدي
علي.. ولج فهميني عليمن وجججععع شنو بكدج انيييي
ميسره.. داشاقه وياك
علي.. ونتي منو منطيج مجال دتشاقيييين احجيييييي
كرار.. هاي شبيك علي هدي حبيبي شو
علي.. لك هاي حتخبلنييي حتخبلني تجي ساعتين تكلب البيت وتسممنه وتطلع
ميسره.. عيني منو ليسممك اذا انته ويه بنت خالتك هيج تحجي ضل لم ببنات الشوارع هاي مينا وامثالها كبر
علي وخر كرار وراح عليها بسرعه .. ولج ادبسززز شنو هل حجي طرااااخ ركعها براجدي
كرار.. خرب بلحض هاي شسووويت تعال اكعد
ميسره كامت تبجي.. عل شنو ضربتني علمودهاااا
علي كام يصك باسنانه ويحجي.. ولجج الي يجيب طاري نبأ ومينا وكرار اشحته للشارع زينننننن فهمتييي
اجتي ام علي .. لك يمه شكوو
علي.. يوووم هاي شنووو مين جايبيها هااااا اشو مامربايه لا خلقهه لا اخلاق ولا اسلوب شنو جايبيها من زباله
ام علي.. عيب هلحجي يمه عيب
علي.. شوو وخري يوم خلاحجي ويه اخوها وابوها اريد اشوف منو بنت شارع هيه لو مينا وعلبمن لوجع
ام علي جلبت بعلي.. يوم لتفضحنه بس الزم اعصابك
مينا.. فدوه اكعددد
كرار.. حبيبي علاوي هدي ميصير هلعصبيه مو زين عليك
نبأ بهمس لمينا.. ولج عوفي خل يروح بلكي تنكتل
مينا.. ام لمشاكل ولي منا.
ميسره.. اكيد هاي ام لسحوره مسويتلك شي هه شبيك بابا
علي لزم راسه وكام يتافاف .. ولج جوزي عنييييي وينك حيدددرررر (اخو ميسره)
اجه حيدر يركض .. خير شبيك علي
علي.. تعال حبيبي شنو .هاي اختك
ميسرره.. حيييدررر كووولشي مسووويت
حيدر بخزره.. اشش ماسمعلج صوت ليش ماعرف سوالفج
ام علي.. يمه صلو عل نبي
علي بصيحه قويه.. اللللهم صلللي عل محمد بس خل تلزم حدددوودها
حيدر.. كلبي انته كلي شبيها واني احاسبها
ميسره.. حيددر ضربني براجدي
علي.. لييش ضرربتج كولي لييييش وين لسانج .بلعتي
حيدر .. احجي حبيبي كلي شبيها
علي.. مينا نبأ كرار بربكم شسوت هستوني
كرار.. دتجفه الشر يخووي
علي.. مينسكتت .عليها هااي .. حيدر بما انو اني اكبر منها تقبل تكلي وجع
حيدر.. ايا ادبسزز ياطايحه الحض لوجعج انشالله ياعار
علي.. وتكول انته تلم شكو ناس بشارع وتكول عل مينا بت شارع وتغلط وكبر ومدري شنو
حيدر.. ولج وين تربيتي بيج يا طايحه الحض اليوم الا افين حضج
راح عليها ديريد يضربها لزمه كرار وعلي هيه كامت تبجي نبأ تباوع باستهزاء ضحكت عل نضرتها والله
حيدر.. ولج اني اعلمج ليوم وين امي
علي.. دنجب مكنالك اكتلها بس علمها عل اصول
حيدر.. امسحها بوجهي يخوي واعتذر منك بدالها وربي فشلتني
علي.. لا حبيبي هاهيه لمهم كتلك اني ماشي وشوكت متجون هلا بيكم بس اسلوبها ضوجني واستهزاءها
حيدر.. ماشي والله مقصرتو ويانه واعتذر مره ثانيه. وانتي لج كلبه امشي ويايه
ميسره.. حيدرر اسفففه والله بعد ماعيدهاا
حيدر.. امشي بساع كدامي
علي.. علكيفك وياها
حيدر.. احنه نروح كلبي
علي.. بعد وقت
حيدر.. لا والله اني عندي شغل ارجعهم ومناك اروح
علي.. ماشي براحتك
سلم عل ولد واحد واحد والنه كللنه اشوفكم بخير وراحو وميسره تباوع بحقد كل هاذ ومجازت كلهم احو يودعوهم للباب الا اني كعدت بلمطبخ وراسي عل ميز ونقهرت عليها صح هيه حجت حجي محلو هاذ طبعها شسويلها ابو طبع ميجوز من ،طبعه اووف طبو للمطبخ علي وكرار ونبأ
كرار.. ميصير هل عصبيه ياخي اخذها عل كد عقلها لبنيه نكتلت الا شوي
نبأ.. تستاهل
علي.. طبها الف مرض لو بيدي اخلي هنا يموتها بس عيب تنكتل هنا لولد خوش ولد ومحترم عكس اخته
كرار.. شمدريني
علي.. ها مينا شو ساكته
مينا باوعتله ودرت وجهي عل جام مال مطبخ
كرار.. مينا بيج شي حبيبي
علي.. ليش ضايجه
مينا باوعتله وعيني تلمع مدمعه.. ليش هيج سويت وضربتها وكلت لاخوها شستفاديت هسه ابو طبع ميجوز من طبعه ليش هيج سويت
علي.. عل هاي مقهوره ولحجي لحجته عليج
مينا.. شسويلها زعطوطه وليش داخلي عقلي ويه عقلها التجاهل احسن
علي.. صدك دتحجين نتي لو تشاقين
كرار.. علي هيه هاي فطيره تنقهر بساع
علي.. اي مو هيج استغفراللهههه
نبأ.. يلا لضوجين تعيش وتاكل غيرها
علي.. هههههه
مينا.. مو ضوجه شوي
علي.. نطلع؟
كرار. بنسبه الي اذا مينا تطلع اطلع اذا متطلع ابسط يمها
نبأ.. اووووي لحنوننن
علي.. ههههههه يابه شهل حنيه دخل نطلع ونجب
مينا .. مالي واهس انتو طلعو
علي.. منطلع بطلنا
كرار.. ايي
نبأ.. ولكمممممم ما نطلع ونتي مينا تنجبين وتجين غصبببب وجرتني من ايدي .. يلا كومي
مينا.. ولج مالي واااهس
علي.. دكومي شو كوووومي
كرار.. ديلا ياحبيبتي يلا
علي.. هههههه يلا كل هل حجي ومتجين
مينا.. حكوم
كرار.. يرادلج هلهوله
مينا. هههههه
علي بهمس.. فدوه لهل ضحكه
مينا.. هاا
علي.. هيج يلا روحي بدلي
مينا.. وك
صعدنا اني ونبأ نبدل غسلنه جريتلها لنبأ لاينر خفيف واني خليت بس كحله خفيفه ومسكاره وحمره بلون شفتي تحديد شفه ولبست تشيرت كصير بس مو كلش اسود وبنطرون اسود وكويت شعري وشديته ونزلت كذله صرت حلوا ههه ومينا لبست بنطرون اسود وبلوز احم وهم رفعت شعرها ونزلنه ها نسيت خليت عطر(روز باريس )هاذ عشق عشق ونزلنه ثنينه كرار وعلي ضلو فاكين حلكهم
كرار.. طالعه كيك اسود ونبا احمر بس مينا مو تشيرتج كصير
علي.. ونتي هم نبا كصير ثنينجن هسه تصعدن تبدلن لتشيرت
كرار.. اي احسن
مينا.. مابدل والله شنو بالله
نبأ.. لا علوشي بس هل مره حباب
علي.. عيب بابا لبسي اطول شوي
نبأ.. احبك لوشي احبك وذبتله بوسه بلهوه
علي.. باع لواكه
كرار. يلا بس هل مره سماح
عليي.. يابه وحق الله لاشوف وحده منجن لابسه نفس لتشيرت لا اشكه عليها
نبأ.. الله كريم
علي.. مينا شو ساكته
مينا.. يعني احجي ام لسان اسكت ساكته شسوووي
علي.. ضلي ساكته احسن ههههه يلا امشو
صعدنه بسياره كرار يم علي واحنه لثنين ليوره وصلنه لمول المنصور نزلنه علي عل يمنى واني ونبأ صايرات بنص وكرار من ليسره ونمشي تكول عصابه المهم علي كال خل نصعد نلعب العاب الكترونيه صعدنه شفنه كميزه مال جهال فارغه علي حجه ويه ابو لعبه
علي. يصير ندخل
ابو لعبه.. بس انتو كبار
علي.. ميخالف ادفع مال اربعه اشخاص
مينا.. عززه هاي وين
علي.. دتعاي لج وين
كرار.. خوش شغله تعالو جرني ودخلني شمرني بنص وعلي يكمز ونبأ تكمز واني كاعده واطير ابو لعبه بس يضحك
مينا.. كااافي خلاكوم اريد اكمز
علي.. يلا كومي
دااكوم وجان كلهم يكمزو علي.. ههههاي نضحك عليج
مينا.. رح ابجي ههههه
كرار.. لا عليج الله خاف توكع الكمساره
علي..هههههخههههه يابه خرب يومك
نبأ.. عليمن تقلدون ولكم عل ميينا موو ماشي دفعت علي واني كمت دفعت كرار كمنه نكمز داير مدايرهم وميكدرون يكومون كرار ديكوم ووكع عل وجهه اني من ضحك وكعت بلكع هههههه عاد يجي نص ساعه اكثر واحد يضحك عل لخ ابو لعبه سئلنه
ابو لعبه .. شتصيرون من بعض
علي ندار غمز كرار والي.. هاي خطيبتي وهاذ اخوها وهاي اختي
ابو لعبه.. هااا ربي بدومكم لبعض بس حلوين
علي.. الله يسلمك حبيبي
ابو لعبه.. شايفك بس مدري وين
علي.. جاي لمركز؟
ابو لعبه.. اي كبل اسبوع صديقي جانو ساجني مسوي مشكله
علي.. هاا اني ضابط ملازم بلمركز
ابو لعبه.. اي هاذ الحجي اشرف بيك حبي
علي.. حبيب كلبي
عفنا ورحنه علي ضل يصنف ويشاقه كلش حلو وسبورت من يطلع مو من نوع نزلي راسج عدلي نفسج لمهم كعدنه بلمطعم مال مول اكلنه وكمنه كرار عزمنه عل ككو من لمول اخذلنه كل واحد وحده واكلنه وطلعنه نفتر بسياره صارت ب11رجعنه للبيت اني كبل نمت تعبت من التكمز هههههههه
نجي عل علي..
علي.. طبعا كمت من اروح للدوام بس اريد ارجع حته اشوف مينا كبل ماطيق البيت ابد هسه كمت اتلهف عل رجعه رجعت للبيت هاي ميسره اتخبل من اسلوبها كالت عل مينا بت شارع لو جن جنوني ركعتها بىراجدي اني بس ردت منها حجايه حته اكل لاخوها كلت لاخوها خل يادبها شوي من طلعو رحت للمطبخ شفت مينا ضاااااايجه كتلها شبيج تكلي نقهرت والله فطيره خرب عاد حبيت افرحها كتلها نطلع والله طلعه كلها علمودها بلاول مقبلت بس خلف الله عل نبا صعدن بدلن نزلن بس بنت الحلال شون جمال شايله ضجت من ملابسها كتلهن بس نبا كسرت خاطري هههه كتلهن بس هل مره وطلعنه رحنه للكميزه عدل بجهنه اباوع عل مينا فرحانه فدوه من تضحك تخبل ضلينه نكمز وطلعنه تعشينه ورجعنه للبيت اني ليلي كله اتكلب افكر بيها اوووف يربي شسوت بيه هلبنيه كمت رحت لل..........
....
2200كلمه
....
تابع........
