' لحبك رواية '

البارت 2

............./

ام ايلاف: السلام عليكم عباس وفوفه شلونكم
عباس: يا هلا الله يساعدج
ايلاف: هلا ماما الله يساعدج
ام ايلاف: ويساعدكم حبابي تغديتوو لو بعد ام حسن راحت
ايلاف: يي ماما خلصت شغل وراحت هسه اني اصب روحي غيري ملابسج وتعالي
عباس: عفياا بنيتي المعدله
ايلاف: تربايتك ابو ايلاف
عباس: هههه عفيا باباتي
ايلاف: رحت صبيت الاكل وام حسن كلشيئ مسويه حتئ المقبلات واني صبيت وحطيت علئ الطالوله الي بالمطبخ وماي ولبن حطيت وصحتلهم واكلنه
عباس: بابا ايلاف هم ببالج نروح لبيت جدج
ايلاف: بابا اخاف منهم والله كلهم ضخمين وعيونهم عبارر واعصاب وحتئ اوردتهم بارزه
عباس: منو كالج انت حتئ مشايفتهم
ايلاف: هاا ذاك اليوم سئلت امم هذا
عباس: منوو سئلتي احجي بابا
ايلاف: سئلت خالوو صابر
عباس: وانت اخذتي بحجيه بابا لتصدكين خالج صابرر عنده خلاف وي عكاب ابن عمج لان ثنينهم بنفس الدئره ونفس الشغل
ايلاف: عكاب ? ليش شيشتغل
عباس: بابا عكاب ابن عمج ضابط وخالج صابر نفس الشيئ وانطوهم مهمه فابن عمج ذكي بسرعه حلها ورقوو خالج ما يتفاهم وو تعارك وياا كاله انت عندك معارف وحليتها بسرعه وتعاركوو وخالج نقلوو لغيرر دائره وعكاب رغم ما بعده صغيرر بس ذكي وفطين
ايلاف: اااووه هذا كله صاير
ام ايلاف: يي وخالج بعد ما طاق عكاب
ايلاف: يعني شنوو بيت ابو بابا ميحجون ميحجون وياكم ماما ضجت والله اووف
عباس وام ايلاف /: لا لا ابدا بابا
عباس: لا بابا عادي نحجي بس عكاب وصابر بينهم خلاف ويجي يوم ويتصافون
ايلاف: يي صح لازم تتلاين القلوب
عباس: يي بابا بس والله مشتاق لابوي واخوتي
ايلاف: صدك بابا شتحس يعني
عباس: اممم مثل بنتي الاموره من تشتاقلي او اتاخر عليها شنو تحس
ايلاف: اضل ابجي واحضن المخده لمن اشتاقلك
عباس: هههههه ومعناها راح تبجين يعمري
ام ايلاف: ام ادميعه بنتي
ايلاف: لا اني مو ام دمعه ماما بس من اشتاق ابجي
عباس: ههههه عفيا بنتي يله كومي غسلي ودموعج ما اريدهم اني دوم وياج ولا تخافين تمام باباتي
ايلاف: تمام بابا احبكم انت وماما
ام ايلاف / عباس: واحنه هم نموت عليج
ايلاف: غسلت وبديت اقره دروسي وخلصتهم صارت الساعه 6:30 العصرر كمت غسلت ملابسي مال المدرسه وشريتهم ونزلت لكيت بابا يقره كتاب وماما جاي تسوي باوراق الشركه لان هي محاسبه ماليه اني رحت للمطبخ اعرف اطبخ سويت مخلمه ومعكرونه وسويت كباب بيت لان احبه وسويت زلاطه. وحطيته علئ الطاوله رحت اصيح بابا شفته شال السجاده وماما كذالك واجوو
ام ايلاف: بنتي معدله شهل اكل الطيب الريحا تخبلل فديتج
عباس: العب العب شنوهل الابداع معناها اليوم ناكل ومنشبع ادينات ايلاف بيهم
ايلاف: ههههه يي اكيد واذا بقئ شيئ بالمواعين اكلب الدنيا عليكم
عباس: كله اكله والله
ايلاف: كعدنه ناكل وشوي ودك موبايل بابا راد يكوم يجيبه بس كتله اني اجيبه بابا
عباس :يي بابا بسرعه
ايلاف: راحت جبته وشفت المتصل (( عكاب)) لا اراديا خفت بسرعه رحت انطيته لبابا
عباس: ياا اهلا وسهلا بابن اخوي الغالي عكاب شلونك بويه
عكاب: الحمد لله عمي اسئل عنك شلونك والله وريحت الاعزاز مشتاقيلك ووابوي الشيخ ميت علئ شوفتك بشر بعائلتك عمي
عباس: دومكم بخير ان شاءلله يي والله هم اني طاك كلبي علي كلش وعليكم الحمد لله يسلمون عليك بشرني باخوتك
عكاب:  ابشر يعمي كلنه بخيرر هذا ابوي الشيخ وياك
الشيخ (( كاضم )) السلام عليكم وليدي عباس شلونك يبعد ابوك ما تحن ماتكول ابوي كلبه رجيج ويشتاكلي
عباس: هلا بهل صوت اخخ بويه مشتاكلك وداعه المرحومه امي اخ يبعد حيلي شلون ما احن الك جا غير انت الكل بابكل
ايلاف: اباوع لبابا عيونه غوركن دمع
الشيخ: يبوك طاك كلبي علئ شوقتك مناوي تجي حفيدتي شلونها
عباس: لا اجي وداعه الغاليه بس مبقه شيئ للعطلع ونجي خفيدتك يبوي كبرت وصارت مره معدله واذا تشوفها تكول عباس الثاني
الشيخ: هلا بجيتك شوكت ما جان من ريحت الغالي هااي يله يبوي ما اوصيك اخوتك كلهم مشتاكيلك واني اولهم
عباس: تحت امرك شيخ
الشيخ: في امان الله
عكاب: هاا عمي
عباس: هلا عمي
عكاب: شوكت تجي بحيل القيوم
عباس: بابا ايلاف شوكت تخلص امتحاناتج
ايلاف بهمس:  مبقه شيئ وتخلص
عباس: يبوك بس تخلص امتحانات ايلاف نجي
عكاب: هلا بجيتكم يله عمي اترخص منك
عباس: مرخوص ...

عكاب: السلام عليكم انا عكاب عمي يصير عباس وجدي شيخ عشيره ال .... عملي ضابط برتبتين حاليا عمري 27 سنه بعدني ببدايه عملي لكن مجتهد بي ممتزوج حاليا بس عمي منطيني بنته بس اني ما احبها وهيه كذالك حاسها بس متكدر تحجي واني ما اريد اضلمها ولا اضلم نفسي فا احاول اغير فد شيئ بهل سيره ومنتضر فرج الله عندي اخوان اثنين (( صكرر - وفهد)) صكر الجبيرر عمره 33 سنه ومتزوج وعنده ثنين ولد فهد اصغر مني عمره 22 سنه ويدرس هندسه رغم احنه شيوخ بس اهم شيئ العلم عدنه ابوي الشيخ يحب الدراسه عمي عباس بعيد علينه بسبب عمله وكذا فبقينه سنه كامله مشايفينه بس علئ الاتصال فصدك حنينه اله وخابرناه بس اني ما جان عندي علم هوه عنده بنيه جبيره وتدرس كل ضني بعدهي صغيره الله يحفضها اله وكال نجيكم عاد اني رحبت بي مقدما وابوي الشيخ كلش مشتاكله المهم خل احجيلكم عن نفسي شوي اني عصبي ومرات باارد بارد جدا علئ حسب الموقف طولي 180 وجسمي عسكري بعد وعيوني طلعت علئ عمي عباس ملونات لونهم خضرر ولحيه عندي خفيفه حلوه غيورر كلش وكلمتي وحده. ما تنثني وابوي الشيخ يريدني شيخ بعده الله يديمه بس اني حاليا ما قابل بيها بس هوه اجتمع بعمامي وعماما ما رفضوو بس احسان ابن عمي عيسئ رفض كال اني احق بالمشيخه بس محد اهتمله وهوه عنده كره وياي المهم ما عندي اخوات احنه بيت الشيخ ما عدنه بنات هواي بس عمي عيسئ عنده ثنين بنات وعمي صالح عنده وحده وعمي عباس كذالك وحده وابوي وعمي يوسف بس ولد عدي ثنين عمات عدهم ثنين والد بثنين بنات ومتزوجات بغير محافضه .....

يتبع .....
.....

....
حبايبي لا تنسون 🌟

وتعليق بطريقكم

ربي يسعدكم 🙂♥️