الفصل الثانى :
-آنسة وجد ثوانى لو سمحتى
التفتت إليه وأخذت نفسًا طويلًا مردفة :
-نعم يا أستاذ باسم
-استاذ باسم
كرر باسم تلك الكلمة بدهشة فقطبت جبينها و صاحت بتأكيد
-ايوة أستاذ
نظر باسم لنفسه و بعدها نظر إليها مشيرًا على نفسه
-بقى بالذمة ده منظر استاذ
رفعت وجد حاجبيها و اغمضت عينيها بملل مصطنع و اولته ظهرها متجهه ناحية المصعد و ما ان لمسته حتى وجدت يديه فوقها تتلمس بشرتها فجذبتها يديها بعنف و صاحت بضيق و حدة :
-لو سمحت أنا مبحبش كده
رفع باسم يديه أمامه و قال بآسف زائف
-أنا آسف بس حقيقى مش قصدى و بكرر آسفى مرة تانية و
قاطعته وجد هاتفه بإرهاق
-خلاص خلاص مصدقاك بس كفاية عشان حقيقى فصلت و عايزه اطلع انام
اماء لها باسم و قال بمرح محب
-طيب برنسس وجد تسمحيلى افتحلك الاسانسير
لاحت ابتسامة بسيطة على وجهها و امأءت له لتتسع ابتسامته و فتح المصعد وأشار إليها للدخول
كانت وجد تقف بجواره فأبتلع باسم ريقه و نظر إليها فكم يتوق حتى ينُول ما يريده و لكن صبرًا جميلًا فهو سيحصل عليه عاجلًا ام اجلًا
وصل المصعد الى الطابق الذى يقطنون به فخرجت وجد أولًا و اقتربت من الباب وطرقت الباب فاقترب منها باسم و قال بابتسامة جذابة
-وجد ايه رايك نخرج بليل انا و انتى و إنجى
ما لبثت ان تجاوبه حتى وجدت الباب يفتح و إنجى تصيح بها
-حرااام عليكى يا وجد كل ده ان
ابتلعت باقى حديثها عندما رائته امامه و انتفض قلبها من محله فيبدو أنه لن يبتعد عن صديقتها ...يا الله ماذا يريد منها !!! الا يكفي ما فعله معى و لكن لا لن اسمح له بتدميرها هى الاخرى لن أسمح بأن تكون وجد احدى ضحاياه فهتفت بتهكم
-باسم !! غريبة يعني بشوفك كتير اليومين دول ان ايه اجازتك مخلصتش و لا ايه
نظر إليها باسم ببراءه و هتف بنبرة لم تفهمها سواها
-لا وحياتك الأجازة شكلها هطول المرة دى
نظرت وجد له و هتفت
-طيب عن إذنك محتاجه انام شويه
ابتسم لعا مردفًا
-اكيد اتفضلى و هخبط عليكم بليل لو قدرتوا نخرج سوا
-لااااااااا
صاحت إنجى بتلك الكلمة فنظر إليها كل من وجد و باسم فابتلعت ريقها ورفعت يديها تدلك عنقها بتوتر
-مينفعش نخرج انا و وجد عندنا جامعة و لو خرجنا هنرجع متاخر و مش هنعرف ننزل الجامعة
ثم نظرت تجاه رفيقتها و جذبتها من ذراعيها و دلفت بها داخل المنزل مغلقة الباب فى وجهه
-عن إذنك يا باسم
جز باسم على اسنانه و برزت عروقه و همس بفحيح
-مكنتش احب انى استخدم الطريقة دى معاكى يا انجى بس انتى اللى هتجبرينى
و اتجه سريعًا تجاه منزله
أما داخل المنزل فهتفت وجد بدهشة
-ايه يا انجى اللى عملتيه انتى قفلتى الباب فى وش الراجل
-متأفوريش يا وجد ونبى و بعدين انا قلت له عن إذنك
أقتربت منها وجد و نظرت لها بتوجس متمته
-قوليلى يا انجى فى ايه مالك حساكى مبتحبيش باسم هو عملك حاجة
-هاا لا ابدا انتى متهيالك انا بس خايفة عليكى و خايفة تحبيه و يجرحك يا وجد
-احبه !!! مظنش يا إنجي
-معرفش بقى يا وجد بس انا خايفة عليكى
ابتسمت وجد و اقتربت منها تحتضنها بحب فبادلتها انجى احتضانها بحب مبادل و رفعت راسها هاتفه
-يارب متخليهوش يأذيها
خرجت وجد من أحضانها صائحة بسعادة
-صحيح مش انا لقيت شغل
-بتهرجى !!
-والله ابدًا
-ايه هو
-محل هدوم يا ستى هخلص جامعة كل يوم و هخرج علي الشغل علطول صحيح المرتب مش كبير بس يمشي حاله معايا
ضغطت انجى على شفتيها بسعادة مردفة
-لا ده احنا لازم نحتفل بقى
_________________
