ملتزمه تزوجت من رجل اعمال

الحلقه التامنه.

وقفنا المرة اللي فاتت لما خديجه. اتصدمت. لاني ياسمين. فاتحه الاسبيكر. وكل اهلها سمعو. هبل خديجه.

خديجه بصدمه.  امسحي رقمي ياياسمين. السلام عليكم.  بوظتي سمعتي منك لله.

اهل ياسمين.  ههههههههه

ياسمين وهي بتضحك. خلاص يادود. ده باباوماما. مش حد غريب.

خديجه بجديه. بعد اذنك ياياسمين. لما تبقي فاضيه. يبقي. رني عليا عايزه. اكلمك ضروري.

ياسمين بقلق. في ايه ياخديجه قلقتيني.

خديجه بابتسامه. عادي والله. عايزين نتكلم. مع بعض شويه.

ياسمين براحه. حاضر. ياخديجه. هصلي وهكلمك

خديجه بابتسامه.  تقبل الله. ياجميله.  يلا بقا مش عايزه اعطلك عن الصلاه اكتر من كده.

ياسمين بحب.  يلا ياحبيبتي السلام عليكم

خديجه. وعليكم السلام ورحمة الله.

قفلت الخط. خديجه. وطلعت. علي بره.

انتو فين. يابشر. انا جعانه. يابشر. جعانه ياناس ياللي في البيت.

ام خديجه بضحك.  ههه ايه مفيش مرة. تبقي شبعانه خالص. نفسي في مرة. تطلبي حاجه غير الاكل
خديجه بهزار. عندك حق. طب عندكو عصير ايه يتشرب.

ام خديجه بغيظ. امشي يابت من هنا. عشان عصبتيني

خديجه بضحك. ليه كده ياست الحبايب ياحبيبه. كل ده عشان. قلت اني جعانه

ام خديجه بابتسامه. طب روحي ياحبيبتي. هاتي. الطلبات اللي في الورقه دي. يكون الاكل جهز. احنا مستحملينك النهارده. عشان كنتي في الجامعه. بكره محدش هيطبخ غيرك

خديجه بزعل.  طب ليه. تسدي نفسي علي الاكل كده. اروح اجيب طلبات. وكمان هطبخ ليه الظلم ده. انتو لو كنتو لاقيني. علي باب السيدة. مش هتعاملوني كده

ام خديجه بصدمه.  اجري يابت. من قدامي هاتي الحجات دي بدل مااخلي الشبشب يسلم عليكي

خديجه بخضه.  شبشب. لا. هوا. هطير اجيب الطلبات من السوبر ماركت. وارجعلك. ياحبيبتي بس بلاش الشبشب.

ام خديجه.بابتسامه. يلا ياحبيبتي بسرعه

خديجه بابتسامه. حاضر ياامي. هغير هدومي. واطلع اجبلك اللي انتي عايزاه.

ام خديجه. ربنا يصلح حالك. ويرزقك. بابن الحلال اللي يسعدك. ياخديجه يابنت بطني.

خديجه بهزار.  وهي داخله علي اوضتها بلاش بنت يطني دي. ليكون. لاقيني. علي باب مسجد ولا حاجه.

ام خديجه الشبشب. هووووو.

خديجه قفلت الباب بسرعه.  الحمد لله مجاش فيا.