حاير بالكلب شايلك اهواك
اريد احجي الي بيه وخاف ابجيك
اطلبك دين كلي اشلون وياك
اطلبك روحي حتى بروحي اخليك
اخاف ابعد عليك واخسر هواك...
واذا راح ابقى يمك انكتل بيك
علي سديت بابك يا هو قساك
وانه بيبان كلبي امفتحه ليك
يا ابو طبع العسل خليني وياك
صدكني احبك خايب اشبيك
سهى:تتزوجيه وتصيرين مرته مو بس شرعا وقانون
هم ...وبدون مايطلك نور القرار الج؟؟؟؟شكلتي؟
رواسي:لا...مااا...مستحيل اجي على ضره.....
سهى:اتركج تفكرين .....فكري براحتج ......فكري زين
اتمنى ماتتسرعين بقرارج وتخسرين الاول والتالي يارواسي ......فكري بمستقبلج وفكري بااهلج....
من رخصتج اروح اني ...
رواسي/ياااااريت لو امي موجوده او احد من اهلي محتاجتهم......محتاجه استشار احد كبير
بس اني ليش اصير غبيه .......رحت وكفت كبال المرايه.....مشطت شعري وسرحت ويه نفسي ابتسمت ...يمكن المرايه هيه الشي الوحيد الي تعكس حقيقتنا.ومرات نشوف بيها حتى بداخلنا شنوو....مومجرد شي سطحي ،الناس السطحيين همه الي يفكرون دائما بالأشياء السطحيه......يمكن اني ردت احصل على كلشي ء متكامل بحياتي بس نسيت انه مو كل اليتمناه الشخص يحصل عليه ...وماكو شيء كامل اساسا ..
بدلت ملابسي ونزلت جان سلطان كاعد بالصاله ويه زوج سهى....انت باوعت عليه...ودخلت لغرفته....
هوه اجه ورايه....ضليت واكفه قريبه من الباب .....
سلطان:محتاجه شيء......
رواسي:اي جايه اكولك موافقه ......
سلطان:بس هاي الموافقة بيها شروط.....واخليج تشوفين اهلج....
رواسي:شنو هيه ؟
سلطان:تعيشين ويايه بين هناك بالخارج الج بيتج ....
رواسي:صدك؟
سلطان:تجيبين الجواز مالتج.....وغراضج التحتاجيها
وكبل نباشر الاوراق السفر ..اني شغلي وحياتي هناك
بسببج اتأخرت ومارحت لمده سنه .....
رواسي:وانت؟
سلطان:اني شنو
رواسي:راح توافق على شرطي ونسوي عرس ...تطلبني من اهلي ..
سلطان:انتي ليش تصعبين الامور.......حتى تروحين واهلج يرفضون...تجيهم الصحوه وانتي عبالج تتخلصين مني بهالطريقه ......لا
رواسي:راح اوووافق....ولا تنسى اني زوجتك شرعا.......يعني بس فتره عقد المحكمه والزفه سوه
سلطان:خليها بدون زفه.
رواسي:شنووو لا طبعا حضرتك عايش هالاجواء اني لا
لا تحرمني منها.....
سلطان:ونروح للفندق سوه....ونطع للمطار مناك
رواسي:لا نجي هنا ....ومنا نطلع للمطار .....مووو
سلطان:توعديني انتي بس الي
رواسي:صارلي سنين الك.....انت اوعدني....
سلطان:انتي بحياتي وبس.....
رواسي/هوه راد يقترب مني ....وويبوسني بس اني فلتت منه..طلعت لكيت سهى كبالي.....باوعتلي بقلق .....هزيت راسي معناها اي..
ف هيه ابتسمت.....
صعدت لغرفتي مختنكه هاي ليش بس هذا الحل الوحيد.......نمت
ثاني يوم اجه سلطان كعدني:يله اكعدي كافي نوم حتى نروح ل اهلج اليوم.....
رواسي:صدددك اليوم .....
سلطان:يادوب نلحك نسوي أوراق السفر حتى نسافر ويه سهى وزوجها فد سوه ....اكعدي بعد ......
وعافني وطلع من الغرفه.........اني فرحانه لان راح اشوف اهلي .....اني متعمقت بالفكره مالسفر.....
مافكرو بشي جدي ...كالعاده وهاي أفكاري السطحية
،كعدت غسلت ونزلت تريكت.....كانوا ملتهين يسولفون عن السفر ...واني بالي شارد افكر شلون راح اشوف امي وابويه واحضنهم ...مشتاقه كلبي تمرمر......
سلطان:يله خلينا نروح لبيت اهلج________يتبع
ملاحظه /القصه حقيقيه
رأيكم تحياتي الكم
YOU ARE READING
سجينه ابليس(مكتمله)
Romance.جابوها دفع للدار= = لاديرم ولاحنه ولاصفكه = = ولادف النعر بالسلف لاهلهوله لاملكه== سألت الناس عن قصة هالبنيه == شعجب جاروا عليها بغير حنيه ورديت بكلب حزنان من كالوي فصليه العنت ظلم التقاليد بالف حركه عمنها الاخضر الهرفي بسعر اليابس تحركه احديثه ا...
