ارجوكم تعليق بلا تجريح
#جموح_انثى
بارت 40
للكاتبه داليا المـسلم
..................
حـاتم
!
نيران
نيران يا نيران
ما اعرف اشون اتعامل وياها حيرتني وتعبتني وهي بنفس الوقت
موجهتلي الاتهام بانو اني حيرتها منو الحير منو مااعرف كلما اتقرب
منها واحاول اخلي حياتنا هادئ ترجع تخربها بروعونيتها وتخبص
الدنيا
اخر مشكله صارت بينا بسس الورث كعدت وياها وفهمتها وكتلها اعتبريهم دين واني ماخذ يمين على روحي انو كل فلس ارجعه الها ومااكل حقها وبنفس الوقت اني ما مخليها بحاجة شيء
دكلي اطلع وتزعل وتريد تطلع وتتونس حقها مالومها بس شسوي موبيدي شغلي فوك راسي ماعندي مجال وهي ماتصبر واني مااحب تطلع ولااريد احد يشوفها ملكة بيتي ومااريد احد يكول هاي مرت
حاتم طلعت مرت حاتم راحت ومجتمعنا تعبان بالدجيل كلش عصامي وعدنا الجار يدخل بجارة ولازم نتقبل النقد واحنه الممنونين
بس وين هي ماكو لازم كل حجاية والثانية تسوي مشكلة واني منا بارود ماتحمل اعصابي بساع تنفلت مااحس بروحي بس هي بين ايدي واضرب بيها غير تتعض غير تاخذ طبعي وتعرفه لااا وين
والله من اضربها احس الضربة بكلبي اضل طول اليوم متزوهر
مامرتاح وابقى احاول ارضيها صح هي لسان وعرمة
بس لو اجي للواقع نيران طيبة وعلى نياتها رغم وكاحتها
بس ماعدها كيد ولا دغش اكثر شيء احبه بيها عيونها اشوف بيهن براءه
مابيهن اي غش اعرفها شنو بداخلها بس لو تبطل طولت لسانها
جان صرنا بخير من تتعصب دكوم تحجي شيش بيش وتخليني اشتعل
للسما وانطفي بنار
طبعي احب المره الهادئه والمطيعة والي شكوللها تسوي بس وين
صدك لو كالو مو كلشي نتمنى يتحقق تعبتني وتعبت نفسها بلا فايده
بيوم
كنت ملتهي بالمختبر كاعد على الحاسبة ارتب التحاليل شفت
صديقي اوس من ايام الكلية بعد السلام كعد سوالف وضحك نسترجع
ايام دراستنا وعلاقاتنا وحبنا الضائع سالته وين صار بحياته وشسوا وصدفة ذكرلي انو اخو طبيب نفسي سالته يعني الي يراجعة الاعلاج
_ لا يمعود اكو برامج عندة روتيني يخلي المريض يمشي عليها
ويشوف نفسيته هل تستجاب الها لو يحتاجله علاج مع البرنامج
_ نصه صوته لان مرته كاعده بره هي وامها
_ هاي مرتي هم موتتني تتخيل اشياء عصبيه على اتفه الاسباب
تخلق مشكلة الله وكيلك شهر شنو الشهر من راجعته صارت مثل الورده
لا علاج ولا شيء اهم شيء كامت تضبط اعصابها علمها على تمارين
تتخذهن اثناء يومها العادي
_ خوش انطيني عنونه طلع الكارت وخلا على الميز فكرت اخذ
الشعله مال النار العندي من أرجع للبيت احجي وياها واقنعها
بس كون تقنع اذا وهي تتحرك كدامي احسها نار تمشي وراها من الحارارة البيها وانوب حسرة ما احجي وياها تزعل
