دولة عشق

٢٢

ام محمد الجبوريه

دولة عشق

كنان :بعد ماتراقب الرقم من قبل الشرطه

وصلنا للولد الي يتصل عليه
بعد مالزمنا اعترف بكلشي

بس الي خبلني ايهم ماموجود عنده

النقيب :احجي منو وراك
رفض يعترف
بس بعد التعذيب اعترف بكلشي

اعترف كال اكو مره عمره تقريب ٦٠ سنه اجت انطته ٥ مليون

ورقم كلتله بس تتصل ع صاحب هذا الرقم كلشي مااسوي والفلوس الك واني حالتي تعبانه
فرحت بالفلوس اخذلي بيها تكسي اشتغل على بابا الله

صح بالبدايه ماقبلت بس هيه قنعتني
كالت الطفل ابن بتها مستحيل اتاذي
وتريد ابو يطلك هاي حنين لان فرقت بينهم وخذت الطفل من امه
تكله يطلكها وهدده اذا مطلكها مايرجع الطفل الهم بالكي يقتنع و يرجعون سوه ابو وامه
وعلمتني شنو احجي

النقيب :تعرفها اسمها عنوانها

لا مااعرف اسمها بس اندل بيتها لان رحت وياها اخذت الفلوس منها

من انطه العنوان

كنان :حسيت الدنيا افترت بيه
معقوله هيه نفسها
يعني شنو تخدعنا
زين ايهم وين

كال والله ماشفت الطفل ابد يمكن يمها

تخبلت يعني شنو ماتعرف

هجمت عليه بس الشرطي لزمني

والنقيب كالي اهدئ مازال لزمنه الخيط
الباقي كله سهل

راحت قوه وجابوها
من شافتها تخبلت كتلها ليش
هيج اسوين اخوي وين

... ههههه ليش ماتعرف ليش
بسببك بنتي نامت بالسجن
بسببك زينت شعرها صفر وحتى حواجبها

بسببك اكثر من مره حاولت تنتحر
اخر شي دخلنها مستشفى المجانين
يوميه يصعقوها بالكهرباء
لان ماتكدر تصيطر على نفسها

وانت عايش حياتك تنشر صور اخوتك
وفرحان العالم عبالهم جهالك
وزوجت بت خالتك الي كفاء تتخبل منها
جانت وتغار منها هسه صارت ام بيتك
مثل ماسميها بالفيس ام بيتي
وتنشر الها اغاني
واشعار

والله لخليك حلم بعمرك اشوف اخوك بعد
هههههه
تعرف وين اخوك هسه اكيد ماتعرف

كنان :احس دمار براسي ينكد كام
شنو يعني اخوي وين شنو سوت بي
عطت بيها وين ايهم احجي

... ههههه اخوك هسه عبر الحدود
بعته الناس حتى مو عرب خاف الله بيوم يجمعك بي
راح ايهم راح وتصفك ايد بأيد مثل ماروحت كفاء من ايدي
اله اخبلك مثل ماخبلتها

النقيب :كافي ولا كلمه
وبدأ بالتحقيق وياها
طلعنا كولنا من الغرفه
ودخلو يمه ثنين ضباط
شويه طلع واحد من الضباط
وهو يضحك وكالي انت عندك حظ عجيب شنو الي مسويه والله كرمك هيج