قصص الأنبياء

قصة آدم ٣

#قصص_الأنبياء
#قصة_آدم
#الجزء_الثالث

وقفنا المرة إللي فاتت عند إبليس لما كان بيحاول يقنع آدم بإنه ياكل من الشجرة،
واستغل طاعته لربنا وتعظيمه لله وأقسم له بالله إن كلامه صحيح وإنه من الناصحين 😊
آدم عليه السلام بسبب فطرته السليمة لم يتصور أبدا إن في حد ممكن يقسم بالله كذب 😑

إحنا شفنا ناس بتحلف بالله كذب فممكن نكون مش متصورين الموضوع😅
لكن آدم شاف قدرة ربنا يا جماعة،
شاف الجنة وشاف الملائكة فإزاي حد يقسم بالله العظيم ده كذب😳
عشان كده آدم صدق إبليس وخصوصا إن إبليس قعد يزين لآدم المعصية ويغريه هو وحواء،
واستغل طبيعة آدم البشرية من ضعف العزم والنسيان،
حتى رسول الله صلى الله عليه وسلم يقول عن موضوع القسم بالله ده:
من حَلفَ بالله فليَصْدُق، ومن حُلِفَ لهُ بالله فليرضَ، ومن لم" يرضَ بالله فليس من الله "
فمع إلحاح إبليس وقسمه لآدم،
نسي آدم العهد إللي بينه وبين ربنا إنه مياكلش من الشجرة😔
"وَلَقَدْ عَهِدْنَا إِلَى آدَمَ مِنْ قَبْلُ فَنَسِيَ وَلَمْ نَجِدْ لَهُ عَزْمًا"

فأكل من الشجرة هو و حواء،
وكانت حواء أول من أكلت من الشجرة وزينت لآدم الأكل من الشجرة فأكل منها،
قال رسول الله صلى الله عليه وسلم: "
"لولا حواء لم تَخُن أنثى زوجها الدهر"

●طيب ليه ربنا قالهم متقربوش من الشجرة مع إن الحرام إنهم ياكلوا منها مش يقربوا🤔
☆لأن الإنسان ضعيف ولو قرب من المعصية هيعملها 👌
عشان كده ربنا قالنا لا تتبعوا خطوات الشيطان،
ودي حاجة اسمها سد الذرائع 😁
زي ما ربنا بيقولنا: "ولا تقربوا الزنا"
القرب منه :
إن مينفعش رجل وامرأة يقعدا مع بعض لوحدهم،
مينفعش إن رجل يلمس امرأة لا تحل له
وهكذا😊
وعلى فكرة صحيح مفيش دليل من القرآن ولا السنة على نوع الشجرة دي،
هل هي شجرة تفاح ولا شجرة إيه بالضبط😅
كل الكلام يا إما أحاديث ضعيفة أو إسرائيليات،
فهي شجرة معينة وخلاص😊

فأول ما أكلا من الشجرة ظهرت عوراتهما،
هم كانوا لابسين ملابس من الجنة،
لكن لما أكلا من الشجرة اختفت الملابس،
وبعض أهل العلم قالوا إن جسمهم كان مُغطى بالنور،

فبعد ما ظهرت عورتهما المغلظة كل واحد جري من التاني حياءا،
كانوا مكسوفين من بعض ودي فطرة البشر... الحياء.
كل واحد فيهم بأى يشد من ورق الشجر إللي في الجنة بيحاول يغطي نفسه،
وهنا أدرك آدم عليه السلام إنه عصى أمر ربنا 😳

وهم بيجروا ربنا نادى عليهما :
مش أنا قلتلكم متاكلوش من الشجرة وحذرتكم من الشيطان إنه هيستخدم كل الطرق والسبل عشان يجركم للمعصية،

"وَنَادَاهُمَا رَبُّهُمَا أَلَمْ أَنْهَكُمَا عَنْ تِلْكُمَا الشَّجَرَةِ وَأَقُلْ لَكُمَا إِنَّ الشَّيْطَانَ لَكُمَا عَدُوٌّ مُبِينٌ"