السلام عليكم يا حلوين
أتمنى لكم قراءة ممتعة😘😘
///////////////////////
فاطمة/ ماما اتعينت
ام فاطمة/ الف مبروك يا روح امج
ابو فاطمة/ ليش وانا إلي كاعد شنو
موقعي من الاعراب
فاطمة/ أنت الغالي وقبلت راسه
ابو فاطمة/ تستاهلين كل الخير...بس اجا
فاطمة/ كله ما موافقه
ابو فاطمة/ هو انتي عرفتي منو
فاطمة/ لو ابن الوزير خاطبني ما راح اقبل
ابو فاطمة/ بويه صار عمرج اربعه وعشرين
فاطمة/ لا بعد شهر أصير خمسه وعشرين
وما راح اقبل ازواج عسى ما يصير عمري ميه
ابو فاطمة/ بس بويه انا وامج ما دايمين الج
انا عمري خمسه وستين وامج ستين ما باقي
من عمرنا شي
فاطمة/ بويه لا تكول هذا الكلام أنتم
راح تبقون وياي وين ما ترحون انا
وياكم ما اعوفكم لو بالگبر.....
ام فاطمة/ اووف منج ومن راسج اليابس ...
اي بس ما كليتيلنا وين طلع تعينج
فاطمة/ بمنطقة (....) كولش بعيده بس
لازم اتحمل وثانوية ولد
ابو فاطمة/ عادي بويه ما بيه شي ولد او
بنات انا واثق بيج
فاطمة/ أحضر روحي دوامي الاسبوع الجاي
========================
فاطمة/ السلام عليكم استاذ
أستاذ حسين/ وعليكم السلام ست فاطمة
اتفضلي تقدرين توقعين وعلي يدلج
على غرفه المدرسات
فاطمة/ مشكور استاذ
علي/ اخذتها لغرفة المدرسات .......
شباب شباب
احمد/ خيرك شنو جايب اخبار
علي/ رحت لادارة المدير حتى اجيب
سجل الغياب وشفت مدرسة الرياضيات
الجديده اعتقد ولك شنو الجمال الي
عليه والشعر مسويته گصيبه ونازل
تحت الركبه ومبينه من شكلها اصغيره
حيل وحتى المدير ضل صافن عليه
عادل/ وأخيرا اجتنه مدرسه شابه
احسن من هذني العجايز بس يا درس
عدنه رياضيات
علي/ الدرس الاول
اكرم/ خل ننتظر ونشوف خاف تطلعنه ساحره
علي/ بس اذا طلعت حلوه كل واحد يدفع ألفين
ونص انتم اربعه يصيرن عشره اشكلت مهدي
مهدي/ ما عندي مانع
===================
فاطمة/ دخلت غرفة المدرسات.....السلام عليكم
الكل/ وعليكم السلام ورحمة اللة وبركاته
فاطمة/ عرفتهن على نفسي والكل رحب
بيه ...جلست جنب مدرسه مبين عليه
متوسطه بالعمر......
أمل/ اعرفج انا ست امل
فاطمة/ أتشرف بمعرفتج.....
بعد ما رن الجرس كان عندي حصه
بالخامس علمي....ست أمل تقدرين
تاخذيني وياج ودليني على الخامس
إذا ما كو ازعاج
أمل/ لا حبيبتي ما كو ازعاج انا ادلج عليهم........
هذا هوه الخامس
فاطمة/ مشكوره .....دخلت الصف .....
السلام عليكم
الكل/ وعليكم السلام ورحمة اللة وبركاته
فاطمة/ انا ست فاطمة ادخللكم بمادة رياضيات
أتمنى تفهمون شرحي ونتعاون سوه حتى الدرس
يكون سلس وحلو واتمنى يكون الدرس بدون كلام
جانبي لأن انتم إكبار وخلونا نبتعد عن العياط
واشياء غيره هذي اول سنه الي اتمنى اتخلوها احلى
سنه سمعت عنكم وقحين وأشياء ثانيه هذا الشي
عادي لان انا هم كنت مثلكم بتصرفاتي ونشاء الله
من باجر راح نبدي بالدراسة والتحضير.......
تقدرون تاخذون راحتكم هذا الدرس
علي/ وقفت وصرت مؤدب اشوي ......
ست تقدرين اتوقعين على درسج
فاطمة/ انطيني وقعت عليه .....
انت علي مو لو مشبه
علي/ عرفتني واساسا هي ما ناظرتني
لمن دخلتها غرفة المدرسات ....
اي انا علي
فاطمة/ أنت أول طالب اعرفه بالمدرسه
حتى قبل المدرسات
علي/ درت وجهي وناظرت للزملائي
واشرتلهم على اساس اني اول واحد
احمد/ علي اشو كلها صارت مؤدبه
علي/ الي يشوف غزاله كدامه ليش ما يصطادها
اكرم/ اويلي على الجمال الشايلته هذا الملاك
يجيبونه لمدرسة الوحوش
علي/ انا راح يطير عقلي منها لابسه كابوي اليوم
إلله اليعلم شنو تلبس باجر
شفت عادل فاتح حلگه على كبره ويناظر عليه
ضربته بقوه خليته يسد حلگه
/////////////////////
اذا اتممت القراءة إتمنى تعطيني تصويت
Good bay
الى البارت القادم
YOU ARE READING
علي العاشق
Short Storyقصه قصيره من الواقع ولاكن فيها القليل من الخيال ...... بطل القصه علي فاطمة الكاتبه حنين-H
