انتظرتكَ ولكن

البارت 3

لقد مسحتُ الدموع من عيناي مراراً وتكراراً
ولكنكَ لا تعلم أنها تتساقطُ بسبكَ.

قلمي يكتب

امنة: انتة راح تروح وبعد ما راح اشوفك مو؟
صهيب: راح اروح بس يومية اني يمج، شلون اعوف هاي العيون
امنة: سكتت بس هزيت راسي ورجعت امشي جنت لابسة قميص ابيض وبنطرون نيلي وترانشوز ابيض وظافره شعري ضفيرتين هندية مشيت وسمعت صاحلي مرة ثاني 

صهيب: بعد ممنوع اطلعين بهيج لبس، ترة راح اروح بس عيوني عليج.
مشيت وابجي معقولة يقنعني بهيج كلام لان جذاب بعد ما راح اشوفة رجعت للبيت ما لكيت احد بس اخوي أمجد

امجد: ها امنة خير شبيج .
حرت شنو اكوله
امنة: ما بية شي بس راسي يوجعني لان جنت يم عسل
الاول مرة امجد انقلق وكال
امجد: ليش شبيه عسل؟
امنة: ابن عمه نهى عليه وهيه ما اتريدة وضجت عليه
امجد: شلون ينهي عليه هاااا شلووون اذا هيه ما اتريده احجييييي شبيج
امنة: والله ما ادري هوه خال عينه عليه ،وبعدين انتة شعليك بيه هيج اصيح ؟
امجد: شلون شعليه شلونننننن ولج اني انتضره تكبر يوم يوم .
اباوع عليه عيونه صارن حمر يعني امجد طلع ايحبه وما ايكول
اتذكرت صهيب ما ادري شلون كمت ابجي ما اعرف ابجي على اخوية الي حب عمره راح ايروح من ايده لو على اول حب بحياتي راح ايروح وما اشوفة ابد كمنة اثنينه نبجي
اخير شي عافني و صعد الغرفة
كمت سويت عشاء لخواني كملت وصعدت سبحت وما ادري شلون نمت
كعدت ثاني يوم من الصبح ما لكيت احد بالبيت لان صادف يوم الاحد ودوام
وامي وابوية من البارحة ما شفتهم
غسلت وبدلت وطلعت رحت البيت عسل
دكيت الباب طلعت خالة أم حسين
ام حسين: هلا يمه شبيهن عيونج مورمات
امنة: لا خالة ما بيه شي بس عسل وين.
ام حسي: يمه عسل راحت للشغل يمكم لا ضايجة وما اتريد اتضل بالبيت.
امنة: ماشي خالة يلا باي

دا امشي وشفت بيت صهيب نزلت دموعي بدون سابق إنذار
امشي واحجي وي نفسي ما حسيت إلى انجريت من ايدي حيل
صهيب: صباح الخير
امنة: انصدمت من عنده شجابه هذه والدنية ضهر وحاره
ضليت ساكتة وخرت ايدة من ايدي وكتلة
امنة: شجابك؟
صهيب: عيونج ودموعج ما كدرت انام من البارحة وضليت كاعد للتسعه الصبح واكف انتظرج اطلعين بس اليوم متاخرة وحتى مدرسة ما رايحة ليش؟
امنة: تعبانه ،وما بيه حيل ،لان راسي يوجعني
صهيب: ليش هيج اتسوين، لا اتخلين بالي عليج حبيبي ، اريد اشوفج احسن العالم، وبأحسن  المراتب.

ما ادري كلماته انطتني الامان او حسيت ان صدك ايحبني لان عمر المراهقة اقل كلمه يتعلق
وخاصةً الي فاقد اهتمام
امنة: ماشي ،راح اروح للشغل اتئخرت.
صهيب: لا اليوم ماكو شغل ،اليوم استراحة وترجعين تاكلين ودرسين الي فاتج ماشي 
امنة: كنت خجلانة اول مرة احجي وي ولد والارتباك سيطر عليه كلت ماشي وعفتة ومشيت واني ميتة من الخجل
صهيب : راح اضل وراج لحد ما توصلين للبيت .
هزيت راسي وكملت مشي ردت أدخل درت وجهي لكيت سيارته قريب على بيتنه
ضحك واشرلي بمعناه ادخلي.
دخلت واني مرسومة الضحكة على وجهي لكيت بابا
بابا: ها بابا اني شنو وصيت امكم ؟
امنة: شنو بابا شصاير
بابا: ما صاير شي بنتي بس جدج مريض وايريد ايشوفني وايشوفكم
ولازم من الصبح نطلع للعمارة ، ويمكن نتاخر يمهم .
امنة:  شلون يعني انروح للعمارة؟ ماشي بابا ماشي ، سكتت وصعدت الدرج واني بقلبي اكول وقتك يا جدي تتمرض .،
كملت غراضي واني افكر شلون اعوف صهيب واروح
فتذكرت صديقتي جوانة بالعمارة يم بيت جدي كلش احبه ومشتاقتله
كلت اكضيها يم جوانة احسن من بيت جدي لان ضوجة اينامون ساعة ٧ العصر
وهية كم يوم ونرجع واني افكر باوعت على الجنطة مال ملابس
تارسته بناطير وهناك ميصير بناطير اذا مو عباية فوكاه واني اكره العباية
رجعت فرغت الملابس خليت اتراكات من انام البسهن وخليت دشاديش لان ميقبلون اتراك ويبين تفاصيل الجسم
كملت غراضي ونزلت واني مخنوكة وما ادري شنو اسوي
امي: ها حبيبتي كملتي غراضج.
امنة: اي ماما ،بس المدرسة شلون، وعندي امتحانات شهرية ؟
امي: حبيبتي ابوج خابر على المديرة وانطاه علم راح تغيبين واخذلج اجازة.  
امنة: ماشي .
درت وجهي واني اخفي عيوني لأن مدمعات .
ضجت واختنكت راح اعوف صديقتي عسل وهي بأصعب حالة
وراح اترك صهيب وهوه اليوم ايوصيني ادرس وارتاح .
اااااااااه شلون راح اتحمل؟
شنو راح ايكون مصيري هناك؟
لان ابوية امبين راح يتأخر هناك ،وابوية ما ايعوفنة وحدنة المكان البي هوه لازم احنه هم وياه. مسحت دموعي وكلت الأمي
امنة: ماما اريد اروح اسلم على عسل.،عادي ؟
امي: روحي ماما بس لا تتاخرين.
امنة:ماشي يلة رايحة .