كرونيك: ابنة الشيطان 🔫 لاتعبث مع النساء

من 81الى84

حلقة81
#Søühilâ🔮
#إبنة___الشيطان💀
#لا_تعبث_مع_النساء
__________عند أليكس___________ 
توجه لغرفة راوان لقى لباب تع لغرفة مفتوح دخل وغلق لباب موراه لقى روان لابسا ماب قصير و شعرهااا تنشف فيه بلمنشفة تقدم ليهااا توحشهااا  عندواا شمحال مقربش ليهااا هذي لفترة راهي تصدوا بزاف ومهيش تخليه يمسهااا مفهمش سبب لي خلاهااا تتبدل  ........    روان محستش بيه كامل كي دخل حتى عنقهااا من ضهرهااا ويهمسلهااا في وذنهااا : توحشتك يا لوردة تاعي ......   نحاتلوااا روان يدوااا عليهااا  وبعدت عليه وتحكي روان : مشي ليوم حبيبي راني تاعبة معليش تخرج تخليني نرتاح
أليكس تعصب مجاست تعهااا كل مرة تعودلوا نفس شي وترفضوااا مفهمش شي لي خلاهااا تتغير ........                أليكس: كل مرة ترفضيني مفهمتش وش شي لي خلاك تتبدلي  وتصرفاتك في هذي لفترة راهي مقلقتني تغيرتي بزاف روان: خلاص أليكس متكبرش لموضوع قتلك تاعبة مكان حتى حاجة .......         أليكس: انا راني مكبر لموضوع أوكي مرسي و خرج وخبط لباب قريب قلعوااا من بلصتوااا .............              
___________عند أرام____________
 طلعت لغرفت دياڨوا فتحت لباب و دخلت لقات لخدامين قريب يكملواا وحطاوااا كامل لحوايج في فليزات .....
حبستهوم أرام :حطواا كامل واش في يديكم وأخرجوااا .........                       لخدامة : لكن يا أنسة سيد دياڨوا أمرنا بهذي شي ....   شافت فيها أرام بنضارات تخوف لخدامة خافت وهبطت راسهااا وخرجت لوخرين وراحوااا وغلقواا لباب وخلاو أرام وحدهااا للغرفة  أرام غير خرجوااا راحت لافليزا تحوس على لفاست لي حطت فيهاا لخاتم قلبتهم كامل تجبد وترمي فرغت كامل لفليزات وملقاتهاش راحت فتحت لخزانة و زادت قلبتهاا كامل ملقاتهاش حوست تحت سرير فل دوش في كل أنحاء لغرفة ملقاتهاش فقدت لأمل انهااا تلقاهااا خرجت مل غرفة معصبة مفهمتش وين راحت لفاست كان لبسهااا دياڨواا ونحاهااا في غرفتواا  معندواا  ستغربت مين تكون  راحت إذا ملقاتهاش راح يوقعوااا في مشكل وراح يكون متهم رئيسي دياڨوا و وهي  فهمت هذا شيء من تلميحات جوزيف ليهااا فلكلام .......
جات تدخل لغرفتهااا حتى جهااا إتصال ستغربت كي شافت أسمواا دياڨوا يعيطلهااا  رفدت عليه دياڨوا مخلالهااا حتى مجال تحكي قلهاا زوج كلمات وكبا عليها  دياڨوا : عندك 2  دقايق تكوني عندي فل أوتيل #####   .........         أرام مفهمت والوااا ستغربت من دياڨواا ومن طريقت كلاموااا يبان معصب كملت طريقهااا وخرجت برى لقصر ركبت في طنوبيلتهااا و قلعت متوجهة للأوتال لي قاللهااا عليه دياڨوا وتشوف واش يسحق
مسافة طريق وكانت فل أوتال نزلت من طنوبيل ودخلت للأوتال سقسات على رقم غرفة دياڨوا  أرام : معليش تخبريني وشم لغرفة لي فيهاا سيد دياڨوا ##    طفلة: أصبري دوك نشوفلك .....             أرام قعدت تستنى فيها تحوسلهاا على رقم غرفتوااا ......  ..                            طفلة :راهواا في لغرفة رقم 234 طابق ثالث  أرام  غير خبرتهااا رقم لغرفة تاجهت للمصعد  ضغطت على زر لي يطلع طابق ثالث و طلعت حبس المصعد نزلت أرام وخرجت تحوس بين لغرف على غرفتوااا لقاتهااا طبطبت قعدت شوية حتى تفتح ........                       دياڨوا كان متكسل غير سمع دقديق عرفهااا هي جات قام  مسرير و راح فتحلهااا لباب ............                         دخلت أرام وقعدت فوق لفوتاي تستنى فيه يجي غلق دياڨوا لباب  وراح قعد قدامهااا ساهي لبعيد وساكت محكى معها حتى كلمة رفد لكاس من فوق طابلة وقعد يترشف ملكاس ويشاوف فيها بنضرات حادة  .............                        أرام نضارتواا أرباكوها للحضة ضنت أنا كتاشف وش عملت كلش ممكن هذا شخص لي راهي تلعب معاه مشي شخص عادي هذا ذئب متخفى عليه حتى شيء .........