🍁
لماذا ندمن التفكيـــر والله ولي التدبيــــر ...
بماذا نقلق من المجهــــــول وكل شئ عند الله معلـــــوم ...
🍁…🍁…🍁…🍁…🍁…🍁…🍁…🍁…
باب القصـــــر انتفتح ودخلت مــــــــرام اللي اخيراً تقابلت وجهاً لوجه مع عائلتها:هلووووو انا مراام 😅.
مرام توسعت عيونها لمن شافتهم الحشد القاعد...كانت متوقعة انها ح تقابل اخوانها بس...لكن وجود اولادهم معاهم من بنات وصبيان خلاها تستغرب...
احمد كان أول زول اتقدم منها خت يدو في كتفها وقال ليها بابتسامة:هلا مرومة اخبارك شنو!
مرام ابتسمت وحست بالراحة على الاقل في زول قابلتو قبل كدا:تمام الحمد لله 😊.
اسامة اتقدم منها وقال بنبرة عالية وبابتسامة:هلا بأختي الغااالية نورتي بيتك والله.
مرام ابتسمت:هلا فيك اكثر...بس منو انت 😅؟!
اسامة بنبرة ضاحكة:ههههه انا اخوك الكبير اسامة اللي من اليوم وجاي اي حاجة عايزاها اطلبيها مني وانا طوالي بنفذها ليك.
مرام حاولت تبتسم ليهو وقالت:تشرفنا 😊.
اسامة بسرعة سحب اولادو التلاتة وقال:اولادي فارس وفيصل وفؤاد..يلا سلموا على عمتكم.
مرام غمزت لفؤاد وقالت:عمرك كم يا مز 😉.
فؤاد استغرب من تصرفها وقال:18.
مرام:وااااو وانا 17 يعني ح نكون اصحاب 😃.
فؤاد الهادي طول الوقت استغرب منها خصوصاً انها اول مرة يتكلموا فيها مع بعض.
منصور حس انو اسامة سبقوا عشان كدا طوالي كرّ اولادو وجاها:انا اخوك منصور اللي اكبر من اسامة ونورتي الخرطوم...وديل اولادي طارق وديما ودينا..وعلى فكرة دينا في عمرك بالضبط 😅.
مرام ابتسمت وقدرت تحلل شخصية اسامة ومنصور وعرفت الفرق بينهم..ابتسمت وسلمت عليهم...احمد اتقدم منها وقال:بما انك بتعرفي هادي ف ح أقدم ليك بناتي...ريم الكبيرة وسديم الصغيرة.
مرام اخيراً ابتسمت بصدق وفرحة:فرصة سعيدة ريم وسديم وان شاء الله بنكون خير صديقات 😘.
احمد:ودي سارة...وديل بناتها بدور وبسمة.
سارة بابتسامة:مافي داعي تعاملني زي بناتك يا اخوي..بقدر اقدم نفسي بنفسي. (👊💥)
احمد ابتسم ليها وهي اتقدمت من مرام وحضنتها بحنان وقالت:اخيراً بقدر اقول لانسانة يا اختي 😢❤️.
مرام حست باحساس غريب لمن سارة حضنتها..حست بالامان والحنان خصوصاً انو احمد ما حضنها زي سارة...حست انو سارة غير عن منصور واسامة بكثيـــــــــــر ❤️...بسمة سلمت عليها بهدوء ورسمية اما بدور رغم انها كانت مبتسمة لكن مرام حست انها ما طايقاها....
أنت تقرأ
موت بطيء
Romanceهكذا نحن البشر .... نحزن ونتألم وحدنا .... نعيش ايامنا وحدنا .... اللي يريد الحياة لازم يقاوم .... ويحاول م ينحني لاي اعصار مهما كان قوي .... واذا اضطررنا للانحناء .... سوف ننحني حتى تمر العاصفة فقط .... ثم نعود حتى تستقيم ظهورنا وحياتنا .... ونعود...
