#هدى
للكاتبة ام مصطفى
البارت الرابع
وصلنا لمكان كلة بيوت وبيبان مسدوده يمكن اول مرة اشوف هيج بيوت
اعاين ع البنايات وامشي
نمشي واخوي فاخر ينشد الوادم التمشي
ع بيت اخوي محمد
ماكو مااندل
تالي نشد ابو دكان وضل يحجي وياه
احنه وكفنه ع صفحة
طلع الشايب ويوصفله البيت
فاخر كال امشن لكيتهم
وصلنا لبيت وبابه ابيض
دك فاخر الباب
طلعت مرة كالت
تفضلوا
-محمد اهنا
-اي موجود منو نكلة وتعاين ع وجوهنا
-كليله اخوك فاخر واخواتك
-هاا يااهلا وسهلا نفضلوا عيوني تفضلوا
طبت المرة
وفاخر كال طبن طبينا وراح
امي كوه تمشي خطيه مبين عليها القهر والخوف
صح جنت انه هم خايفة بس مو مثل امي شايله هم
طلع اخوي محمد بسع يركض
شافنه تعجب
فاخر شجابكم
هله بيكم نورتوا بغداد تفضلوا تفضلوا
اعاين مرجوحة ابيتهم
فريال شافتها ركضت الله مرجوحة عيد وكعدت بيها
فاخر ومحمد طبوا
وامي دارت ع فريال عضت اصابعها ولج كومي خايبة جرتها
-ماءء خليني هنا فدوا
امشي خايبه عيب من الناس
ضاجت وكامت حتى دمعت
ردت طلعت المرة فوتي ام فاخر صدك جذب نورتوا بغداد
شلونج حبيبه وباوست امي وردت باستني وباست فريال
طبوا طبوا
دخلنا للاستقبال
كالت المرة
متغدايين
-اي والله الحمد لله جاوب فاخر
لعد اسويلكم جاي شربت
-لا والله جاي
طلعت وضل محمد كاعد
شلونكم شعجب جايين شصايير صاير شي لو جايين زيارة للكاظم ع
-لا خويه صايره مصايب
امي بجت بساع
ضل صافن خير شصاير
باوعلي فاخر وخزرلي موش اختك ام المصايب صارت سالفة ابنه بسبها
-خويه انه شلي غرض هو لاحكني
عض جف ايده اسكتي ام المصايب كله منج ومن مدرستج
-شنو القصة فهموني تره اطرش بالزفة اني هسه
بده فاخر يحجيله
طبت المره وزعت جاي وتسمع الفاخر
لحد ماخلص
كالت عزززه يعني انت مطلوب ثار
عزه العزاني بس لا يجونه للبيت
-لا خاله مايندلون لا تخافين
-اليسئل مايتيه عزه محمد منين اجتك هاي المصيبه
-كولي يا الله ماما خل نفتهم هسه شنو الوضع
المرة بسع خافت وكامت ترجف
فاخر كلها خاله لا تخافين مارون حتى اخو عدي بس عمامي وكتلهم مايحجون
-هسه ارتاحوا ونشوف شيصير
عاينت ع امي شافتها مصخمة
امي بصخام البيت ومطينه هدومها
-ام فاخر كومي اسبحي وارتاحي والله كريم
-اي. خالة فوتي للحمام اسبحي
كومت امي
واحنا ضلينا كاعدين
فريال تكرص بيه
اريد اروح للمرجوحة كومي وياي
شافها محمد
فريال شبيها شتريد
محمد موش انه احبك
اي واني هم احبج
جا خوش خليني اكعد بالوحده مالتكم
-شنو الوحده مافهمت
-شبيك خايب هاي المرجاحة مالت العيد
اريد اكعد بيها
-ها ههه والله يا فريال دكومي اكعدي منو لازمج
-صكد كامت بساع وراحت
ضليت انه وحدي مجابلتهم وارجف وخايفة
محمد دنك كال الله يرحمك ياكاظم
رد عاين ع فاخر ياخي لشوكت تضل تتصرف بدون عقل اكو احد يضرب واحد بالمنجل صدك جذب مخبل عاقل
-موش انت ماشفت شلون يتحارش باختك حكك
-ادري اضربه بوكس راشدي بس مو بالمنجل ادري مدامك حيوان عقل عندك لو تنك تصرفاتك كلها غلط بغلط هسه شوف وين وصلت نفسك واخواتك وامك
صدك مرتك وين
-مشت يم اهلها
-ها
اكلك بيت عمي علي بعده عدعم تليفون
-اي عمي عليوي عده موش تدري هو بالولاية جاعد موش بالعرب وعده تليفون
زين حتى نتواصل وياهم نشوف شصار
-شصار مصايب خوية انكلبوا كلاب ع كاظم وتحزموا راح يجتلون بعد واحد منهم
-ادري انتوا هيج عدكم ارواح الناس بسيطة شنو تقتلون واحد يعني ماكو حكومه هناك شنوو
خويه حكم عشاير بعد
لا اله الا الله ....
