غموض ( روايات ليبية )

حلقة 7🔥

#غموض ❤ حلقة 7 ❤

صهيب حط صبعه ع فمي ومسح الطماطم : نبي من هذا إلي كنتي تاكلي فيه ... وضحك ع جنب وخش

اني خذيت نفس طويييل وقعد وجهي احممممر قريب متت .. بعدها شميت حاجة محروقة

خشيت لي الكوجينة لقيتها كلها دخان

أن نكح والنار والعه ف الحوتة 😂 : ححححي عليا ياصهيب تعالى

صهيب خش للكوجينة حذفني برا وطفاها بالمية

اني خشيت : خسارة حوتي😭

صهيب عصب : غير من علمك وعابي عليك بس

اني : صقع عليك بالك مش عاجبك

صهيب رجعلها وقام حاجبه : حسني اسلوبك قعد نحترم فيک حتى خواتي تشوفي فيا كيف نعامل فيهم

اني بي ابتسامة عريضة : اني نزبطك من داخل كيف☺

صهيب زاد تعفلق : هي ضمي فمك ماتستانسيش

اني : انت طيب لكن تحب تبين الجانب الشرير علاش مافهمتش

صهيب متمالك اعصابه بس ماكانش ف يده غير انه يطلع ويسيبني

اني كنت فرحانة حاسة انه يعامل فيا غير وأنه كويس من داخل ومرة مرة تصرفاته تفضح فيه

بينما بالعكس كل إلي صاير انه صهيب شفقان عليا💔

فاتت هديكا الليلة اني ف داري وصهيب ف داره وهما دارو حفلتهم وروحو موخر

.

فاتو ايام تانيات وغادة عندها عطلة ف الجامعه وغلا قدمت بتخدم

ومعاذ طول الفترة هادي كلها يراقب ف إيلاف من بعيد لبعيد ممكن يكون شاد يبي يفهم شن وراها ويمكن يكون اعجب بيها من كثر مايراقب فيها ومرات النصيب يجمع فيهم الله اعلم

.

كان مدرس سيارته قدام المحل الي تشتغل فيه وهيا مش عاطياته وجه ومتحلفة فيه لو يزيد يجيها تاني حاتشكي فيه للردع😂

فتح باب السيارة ولبس نظارته ونزل

هاجر : حححي عليا محلاه

إيلاف جت وراها : من هو

معاذ قرب من المحل

هاجر : اهو إلي لابس أزرق بيخش اهني😍

إيلاف بعد مازبطاته : استغفر الله ياربي .... وخذت شنطتها : اني ماشية للمطعم مش معطلة

هاجر فرحت باش يفضالها الجو

معاذ نزل نظارته وشدها مع يدها قبل ماتطلع : اصبري النم واخر مرة نقولك اسمعيني

إيلاف شافتله من فوق لا لوطة : مدامها آخر مرة خلاص لاااا مانيش سامعاتك ودير لروحک كرامة معاش تلحقني وانت زي الكلب ماتفهمش