سحر كادي ( روايات ليبية )

حلقة 2🔥

#سحر_كادي ❤ حلقة 2 ❤

مهند : اسمعي
ومدلي ورقة بيضاء : هذا رقمي نبيك تكلميني

اني خفت : علاش نكلمك قصدي من وين نعرفک اني

مهند ضحك : ياهبلة نبي نتعرف عليك شهادة لله خشيتي خاطري واول مرة قلبي يدق من أول نظرة اني نبيك ونبي نعطيك فرصة تحبيني جربيني وكان ماعجبتكش تقدري تنسحبي

اني : كيف ؟

مهند لوح الورقة وطاحت عندي : تو نفهمك ع التلفون

اني خديتها وفتحتها لقيت رقمه وقعدة ف دوامة لأن أول مرة يصير معاي هكي : مهند اني ماعنديش تلفون 💔

مهند قام حاجبه : كل هالفيلات والسيارات ماعندكش تلفون 😕

اني كيف بندوي

مهند : خليك اهني مش تهربي زي المرة الأولى

اني : تمام

وكملت نسيق ف البلكونة ومستغربة كيف صارت المواقف هادي ف يومين ومن هذا مهند إلي خش حياتي فجاءة وحبني من أول نظرة
تبو الحق كنت حانكلمه أكثر شيء باش نطلع من الجحيم إلي اني فيه ونلقى من يحبني ويخاف عليا ولو بعد كل هالسنين

مهند : تي نكلم فيك

اني ضحكت : نعم

مهند : اقربي شوية وامسكي التلفون بنحذفهولك

اني ترددت : مافيش داعي يامهند وخايفة الصراحة أول مرة نكلم حد 😢

مهند : غير امسكي وماتخافيش اوثقي فيا بس

حذفه وشديته

مهند : هذا نوكيا عندي قديم مشي بيه توا وبعدين ساهل والشفرة تلقي فيها رصيد 

اني : تمام شكرا .... وخشيت طول قلبي يدق وشعور غريييب بين الخوف والثقة

.

مهند : نعرفها البنت نظام الأجنبيات طول تتزلبح مش متعودة ع ترباية اهني شورها

فارس : اجنبيات 😍 قصدك طرف هكي بكل

مهند ولع طرف دخان : شهادة لله حورية تمشي ع الأرض .. بعدين هذا مش موضوعنا اهم شيء نعرفو كيف نجيبوها ونتحكمو ف بوها كيف مانبو

صلاح : خلاص مالا نظم الأمور انت عادي وعطيها موعد والباقي علينا أعتقد مش أول مرة يصير هالشيء

فارس حط رجل ع رجل : صح ع سيرة باقي لبنات فيه وحدة خوالها دفعو المبلغ المطلوب والبنت مريضة شني كيف الرأي

مهند : مدام دفعو لوحوهالهم ماعندنا مانديرو بيها .. وبعدين لفلوس عند من ؟

صلاح : مزال مادفعوش لين جي وقت التسليم

مهند : ماتخلو حد يشوفكم

صلاح : عارف ياراجل مش أول مرة ولا آخر مرة