🌼اَسَرَتْ قَلْبِيْ🌼﴿بالهجة الجزائرية﴾

🍭البارت3🍭

*اليوم الموالي*

•يحي•:

نضت الصباح ...راسي يوجع فيا من كثرة التخمام ....عاودت تفكرت زرودية ....رايحة تروح ... مستحيل نخليها تروح قبل ما اني نعترف لها ...حتى لدك وين تاكدت من مشاعري بلي أنا معجب بيها ...لاني مستحيل نقدر نفكر في طفلة قد لي نفكر في زرودية

عاودت تكسلت و حطيت راسي على حساب الشوفة منقدرش نروح نقرا ليوم بسك راسي راهوا حيطرطق

♥صوفيا♥

_ نضت صباح بكل نشاط باش نروح نقرا لبسك حوايجي و غسلت وجهي و بروسيت سناني ... درت نض ف ساعة لقيت مازال الحال ...يااا راهي 7:00 حتا لدوكا

وقفت عند المراية شفت شعري حليتوا و جبدت المشطة مشطتوا الله الله ...يامامي هذا وين فقت بلي شعري طويل

درت زوج ضفاير طوال يااا بان وجهي الجميل ....لقيت شوية صوالح تع الميك اب ...درت شوية في خدودي

يااا القليل لن يضر :) ...جبدت لاقطات الاحلام و السائل لي كتبتهم باش نعطيم لميليسا و يحي

هبطت سلمت على ماما شربت حبيبي و خرجت

دخلت عند.عمي صالح بما انو ليوم آخر يوم ليوم نصرف و نتفحشش شوية 😂 حياتي قاع و انا كي المشحاح

لقيت ميليسا فالطريق ...

ميليسا:ياااا بطريقة شعرك راهوا شباب

صوفيا:يوو مارسييي

جبدت لاقطات الاحلام و عيطيتهالها

ميليسا:واشنو هاذا

صوفيا:تذكار عليها في التاقة تاعك تطرد الاحلام السيئة

ميليسا:يااااه شكراااا

صوفيا:عفوا عفوا ...

كملنا لليسي دخلت للقسم باش نعطي ليحي الهندسة مي مجاش لقيت نستنا ...10 دقائق ..20 والوا حتى بداو كامل يدخلوا. دخل الاستاذ ...مجاش ...

بلاك مرض ...ايه بلاك حكماتوا كاش حاجة عليها قعد.فالدار ...

جازةا هاذوك السوايع سااامطين بلا ماندابز مع يحي ....اصلا حسيت بفراغ بمأنوا مجاش ياااع شحال نكره حتى مايا مجاتش مي هي قاتلي لبارح بلي راهي رايحة عند جدها مي هاذ البقرة تع يحي وين راح

راني نستنا تصوني باش نخرج نشوف ميليسا اذا كشما علابالها 😭

توحشتوا الكلب الحيوان ...أخاه واقيل وليت نحبوا ...اواه مستحيل حنا اصدقاء برك

قطعت جبل افكاري ميليسا كي جات تجري سبحان تشبه لهاذوك الجمال لي يوروهم يجروا في وحد القناة سعودية

ميليسا:صوفيا يا صوفيا

صوفيا:وي

ميليسا:جواد جواد