#كسرت گلب
للكاتبة ضوء القمر
شلونكم
شلون لون المستحه البوجوهكم
مثل الاول؟ لو خيط ومايه وتغير لونكم
جنت اشوف الشمس تطلع مرتين
مره من حضن السما
ومره تطلع من اشوف اوجوهكم.
شلونكم؟ شلونه حال الوفه بين عيونكم
إنه بعيوني اشك ولا اشك بعيونكم
انه بكليبي أشك ولا أشك بكلوبكم
صهيب: طول اليوم واني ادور عليها بعد ماشفتها روحي تلوب عليها اريد اركز بشي مااكدر مدري اشبيني اليوم
شاهين :هاا ابو الشباب اشبيك صافن وحالتك حالة خيرك يول
صهيب :شاهين مالي خلكك خوش
شاهين :ولك سريري اشوكت تصيحلي عمي هاا ولك اشويه احترام عود انت دكتور
صهيب :اوو راح تبدي الاسطوانة والله هذا الي عندي لساني اخذ على هالكلمة عود من يكون أحد غريب اصيحلك عمو ههه هاي مو زين اصغر بيك
شاهين :والله عمي ممقصر لك عار احترمني الكل يحترم إلا أنت اااخ منك
صهيب: ههه والله من غلاتك قابل مااكدر انديك عمي بس بعد تعودت بعد تحمل عود من يجي ابنك صار تدلل اصيحلك عمي
شاهين: متصيرلك چارة هسه عوفنه وينها ماشفتها هي مو بقسمك
صهيب: هاا اي بقسمي بس مو مرحلتي وليش تريد تشوفها هاا
شاهين: لا ياعار ولك اشبيك بسرعة عصبت عمي بطلت مااريد اشوفها خرب بغيرتك شنو انت وتعيب عليه شوف روحك
صهيب: اااااه ياشاهين اتمنى اظمها من العالم كله ومحد يشوفها غيري
شاهين: هييي سالمين يوول البنيه دكتورة خما تريد تمنعها هاا والله اذا سويتها اجنزك
صهيب: والله عمي زين من هسه عدها محامي ههه لايابه اشلون امنعها مستحيل مجبور هسه خلي اخطبها وعود الله كريم
شاهين: كله منك انت اكبر غبي شمنتظر ماادري ولك نصيحه اخطبها لا تروح منك
صهيب: اي ان شاءالله بس خلي اخلص هالمرحلة
بدت حفلة الشباب واباوع على بسام اول مرة اشوفه هيج طاير وهم يبتسم ويباوع على مدري منو وهم يراسل ردت اعرف على منو يباوع باوعت اهواي بنات بس انتبهت على وحدة لابسه عنابي شفتها ويه جوري معقوله عينه عليها رحت يمه وكفت واني اباوع عليه
.. يوول عيب منا اشبيك تتبوسم هاا منو هاي الي ماخذه عگلك
بسام: خررب بيومك فززتني اشبيك يوول
صهيب: اني لو انت متشوفك روحك وعيونك شوف اني راح اكلك منو وانت بس ابتسم
بسام: شو اسكت يمعود خلي اشوف دربي
صهيب: وعلي مااعوفك شوف ذيج ام العنابي مووووو
بسام: ههههه خرب ولك انت شنو
صهيب: والله عرفت منين هاي ووين لكيتها مااتوقع منا
بسام. اي مو منا متخرج من المانيا
وحجيته مخصر علاقتنه
صهيب: اممم خير ان شاءالله واي وشنو ناوي
بسام: زواج غير
صهيب: ان شاءالله خير
كملت حفلتهم واخذو صور وبعدها اتفقو يرحون جلست تصوير بس بسام ورسول مراحو خلص الدوام طبعا اليوم كلشي مافهمت طول مااني بالمحاضرة عقلي يمها وكلام عمي يرن باذني اني هم اهواي طولت لازم افضها رجعت ولكيتنه البيت يغص اووف الاهل جاين ونص باجر دخيلك ربي كل ذوله على المشية والعقد طبعا الله يستر من باجر كرم الي سواه مواشويه خايف لا يفشلنه عصام وساعتها كلنه نروح بيها
جنت نايم كعدت وجريت موبايلي وخابرت على كرم
كرم. ها صهيب
صهيب: انت وين هسه
كرم. بالقناة ليش
صهيب: كملت حلقتك لا
كرم: اي توني كملتها ليش صاير شي
صهيب: لا مصار شي يله اني جايك مااكدر احجي وياك هنا
كمت سبحت ولبست قميص اسود وبنطرون بيجي وساعتي ومحابسي واخذت موبايلي ومفاتيحي وطلعت وانتفقنه على مكان هو بزيونه دخلت للمول ولكيته بالمعطم
صهيب: سلام عليكم
كرم: وعليكم هلا اي شكو ماكو
صهيب: ماكو يخوي بس خايف من باجر عصام من يعرف شيسوي
كرم: مراح يسوي شي لا تخاف بس كول بعد الحفلة
صهيب : ايي بس خطية البينه راح توكع بيها هذا خبل
كرم: اني حجيت وياها وخبرتها بكلشي وهي بعد وشطارتها
صهيب: امم ولك هو اكيد يعرف اهلها مراح يسأل اشلون عرفتوهم وهم السيد من يكول اسمها هنا المصيبة
كرم: هه كول كارثه كول صخام وجه انوب خوفك لا مايكدر يلزم اعصابه بين الشيوخ
صهيب. والله يسوها ماكو غير جدي هو يحجي وياه
