م بنكر اني انصدمت لمن عمر كلمني وقال انها سافرت وسالو عنها وم لقوها واصلا هي م عندها صحبات حيرتني وين حتكون مشت وتسافر مع منو ومنو الساعدا اصلا وانصدمت اكتر لمن عمر وراني الرساله الخلتها ليو مع القروش كان بضربا وبذلها انا الغلطان م كان لازم اخليها معاو انا ابوها م استحملت اشوفها انا ابوها مجبور عليها و عمر م مجبور عليها لكن اتحمل المسؤليه بدلي انا م حصل مره شفتها م بعرفها حتي نسيت كلام نور الزعل سيطر علي كل مره بكره نفسي لمن بتذكر كلامها انا م حافظت علي الامانه انا م قدرت اكون ابو ليها م قدرت اواسيها خليتها وهي كانت بامس الحاجه لي غمضت عيوني و وصيه نور وصورتها م فارقتني حمدلله علي سلامتك ي نور عيوني نور بصوت تعبان:الله يسلمك محمد:قومي شوفي بنتنا نور: اديني ليها شالتها بصعوبه رايك شنو نسميها وتين محمد:اسم حلو نور:محمد لو سمحت اعتني بيها ختها في عيونك م تخليها تحتاج شي انا حاسه اني م حاقدر اربيها واشوفها تكبر وتناديني ماما محمد كون ليها الام والاب محمد:بسم الله عليك ان شاءالله تقومي بخير ونربي بتنا سوا نور:م اظن والله محمد خفف من عصبيتك وعاملها بالين م تخليها تفقدني احكي ليها عني كتير وقول ليها اني بحبها واني كنت منتظره بفارق الصبر تجي مسحت دمعه متمرده وتابعت لو سمحت ي محمد م تخليها براها كون الاب والام وم تنسي كل شي قضاء وقدر انا بعرف تفكير اهلك كيف واهلي كمان م تخلي دمعه منها تنزل م عايزاها تتعذب ذكرها دايما تتدعي لي وانت كمان ادعو لي واقروا قران كتير اتصدقو لي وكل مره تشتاق لي سوق معاك وتين واتوضو وصلو وادعو لي حاسها حتطلع بتشبهني كتير شوف عيونها نفس عيوني عاين ليها وحتشوف نور في جسد وتين وشخصيتها انت اطيب واحن زول عرفتو م تنسي ي محمد اعتبرها وصيه او اعتبرو طلب انا بحبك وبحبها محمد:وانا كمان بحبك نور مالك نور شلتا منها وتين وناديت الدكتور خبر وفاتها صدم الكل فكرنا انها اتجاوزت مرحله الخطر بس حالتها اتازمت اكتر م قدرت استحمل وكرهتها ونسيت كلام نور وضربت بيو الحيطه كرهي ليها كان اكبر من اني اسمع كلام امها واليوم انا ندمان علي اي لحظه مرت بدون م اكون معاها
...
صليت وقعدت اقرا اليوم الجمعه خليت القرايه ومشيت اتوضيت وصليت وقعدت اقرا قران وبقيت اتدعي لامي مشتاقه ليها والله مشتاقه لامي الم شفتها وسمعت ضحكتها وصوتها وم ناديتها دموعي نزلن مسحتهن ونزلن تاني خليت القرايه وبقيت ابكي جات رزان قعدت جنبي حضنتي وبقت تقرا لي قران بعد هديت شويه اتكلمت :انتي كويسه انا:ايي رزان:لمن مات ابوي كان عمري 12 سنه كنت مقربه ليو شديد كان مدلعني ومدللني وم برضي فيني كلمه كنت كل يوم بقضي اكتر وقتي معاو م حرمنا من شي انا واخواني مع انو وضعنا المادي كان صعب بس كان بلبي كل احتياجاتنا بدون م نطلب منو كل مره كان بنصحني وكنت بهز راسي كاني بفهم وانا كنت م فاهمه شي لمن كبرت وفهمت كلامو اخر كلامو كان معاي كان بنصحني طلع من البيت مستعجل اتصلو لينا وقالو مات م صدقت كلامهم هسي كان بتكلم معاي ويضحك مات في حادث وبعد موت ابوي حياتي بقت جحيم كنت كل مره اشتاق ليو اصلي واقرا قران وادعي ليو حياتنا م اتوقفت هي مستمره بس انا اتغيرت وحياتي بقت جحيم مرينا بمشاكل كتيره وكنا بنتجاوزا بعد تعب امي اكتر واحده صبرت علينا كانت بتمر ايام م بناكل صبرنا وم مدينا يدنا لزول واخير بعد صبر دام 10 سنوات اخواني اتخرجو واشتغلو وصلحو الحال لو امي م كانت معانا م كنا عارفين حنتصرف كيف هي الدعمتنا احتمال انا اكتر واحده افهمك لاني عشت نفس شعورك كنت زيك كدا انا فقدت ابوي وانتي شكلك فقدتي زول عزيز وغالي انا بصوت مبحوح:فعلا امي الله يرحمها رزان:الله يرحمها بعد كل صبر جبر اتمسكي بالكلام دا وم حتندمي حيجي يوم وتتفتح من جميع الاتجاهات ربنا م بظلم زول م تعترضي علي حكم ربنا كنت بسمع في كلامها وبحس بالندم ليه طلعت من بيت عمي ليه قليت ادبي معاو وجبت سيره ابوي بالشينه بس مستحيل اتراجع حيفكرو اني محتاجه للقروش وم قدرت اتم حياتي بدونهم استغفرت وتميت القرايه
يتبع
Zeinab Abdalla🍃🌈
