أول يوم في الاختبارات مرام دريت بالخبر بس راح تقولوه للمياء .
لمياء : ايش سويت بالأختبار ؟
مرام : حاسة نفسي خبصت .
لمياء : ليش ؟؟؟؟
مرام : لو إنت مكاني كان ما ذاكرتي من أصله .
لمياء : خير يا مرام صار شي ؟
مرام : أنا ما أحب يا لمياء .
لمياء : مرام خذي نفس وأتكلمي زي الناس !
مرام : رائد طلق ريماس .
لمياء : متى صار وكيف مين قال لك .
مرام : مروج أمس اتصلت بالليل وقالت لي .
لمياء : كيف كده يوووووه غبي يطلق في يوم صعب .
مرام : لا وقال لي قبل أسبوع خبر يجنن هذا خبر يجنن , ايش تقول عني ريماس وأهلها , والله شاف بنت وعجبتوا وقال يبغى يتزوجها ولا خطافة الرجال .
لمياء : انتِ دحين ركزي في الاختبارات ولمن تخلص فكري في الي سواه .
مرام : لمياء يوم الخميس كنا عن تيتة قام جبلي علبة مليانة شوكولا .
لمياء : كان جبتي لي طماعة أكيد خلصتيها ؟
مرام : حرام عليكي انا بس أخذت 2 سنزي و 2 جالكسي فولتات بس والباقي الصغار أكلوا وخالاتي أخذوه كمان .
لمياء : المهم ذاكرتي النحو قيدوا سهل مش صعب ؟
مرام : لا لا تخافي بس الرياضيات لازم شوية تخبيص .
لمياء : مرام مشي حالك يلا نروح نفطر , وانسي رائد الغبي وحطي فارس لأنو أكيد داه الوقت قاعد يفكر فيكِ .
مرام : تصدقي يا لمياء وحشني فارس بشكل .
لمياء : لساعك شفتي الخميس .
مرام : يوووووه برضوه وحشني .
لمياء : أمشي لا دحين أضربك أمشي .
مرام : كيف عبد الرحمن يا لمياء ؟
لمياء : لا تذكريني فيه .
مرام : انتِ حرة يلا نفطر .
لمياء : تبي بريك ولا كروسان ؟
مرام : لا داه ولا داه فطيرة باللبنة .
لمياء : أموت فيها .
نروح لفارس في مدرسته :
علاء : هلا وغلا بالغاليين ليش البوز طالع شبرين ؟
فارس : أقولك خبصت في الرياضيات منجد خبصت .
علاء : لا ...لا ....لا يا أبو أحمد ما يصير , أكيد بسببها .
فارس : هيا تخليني في الليل أنام عشان أذاكر , والله وأنا أحل المسائل أشوف صورتها على الورقة مو مسائل .
علاء : يا عيني عليك منجدك انت !!
فارس : منجد ماني عارف كيف أبوي لو شاف نتيجتي راح ينصدم .
علاء : لساعك أول اختبار لمن تخبص في كل الاختبارات تعال ليا .
فارس : وانت كيفك ؟
علاء : كداش طول عمره موجود .
فارس : ههههههه .((من غير نفس ))
علاء : ايش هدا ما لك نفس تضحك لا تضحك بلا هم .
فارس : ايش تبغاني أعمل يعني أهز وسطي وأغنيلك , كل مرة بشوفك فيها .
علاء : ببقى نفسي أه ..أه أجيلك أقولك انك كلك على بعضك عندي بالحياة طب أه وأه.
فارس : كل الا داه الا تسبني لا لا لا .. تيرا را.. را را
واتجمعت المدرسة على رقص فارس وصوت علاء و أحلى تشيع من أصحاب فارس وعلاء , ويدخل في الرقص معاهم إبراهيم و غنوا ورقصوا الين ما رن جرس الفترة التانية .
مرام وفارس رجعوا على البيت وكل واحد منهم غاص في الأحلام الوردية .
ما وحشتكم أفنان , راح نروح لها دحينا
