الصعب
البارت الخامس عشر
فات شهرين علي وفاه بيسام وزمزم نقلت حاجتها عند ناديه وبراء كان قاعد في شقته الي اتجوز فيها بيسام بياكل ويشرب لكن من غير روح ،طبعا ما روحه راحت مع بيسام ،كل ما كان بشتاق لها،كان ياخد بنته في حضنه ،چني كانت كل ملامحها من بيسام ،فعلا الي خلف مامتش .
زمزم كانت بتراعي چني ،وبعد الوفاه كانت بتبعد عن ماجد علشان تقدر تنفذ وصيه بيسام ،كان كل تركيزها في چني بس .
ماجد جه علشان يقعد معاها
زمزم :ازيك يا ماجد .
ماجد :ازيك يا زومي وحشاني .
زمزم ببتسامه باهته :الحمد لله واتشغلت في چني الي واخدها علي رجلها وبتديها الببرونه .
ماجد :انا كده اطمنت علي ولدنا ،شكلك ام شطوره .
زمزم :اه كله علشان چني .
ماجد حاسس ان زمزم بترد بالعافيه عليه .
ماجد :انت كويسه ؟
زمزم :الحمد لله .
ماجد :انت فيكي ايه بتردي علي اد الكلمه ،بقالك قتره كده وانا بقول علشان الوفاه ،لكن انا حاسس انك متغيره من ناحيتي .
زمزم :اقولك الصراحه انا عايزه افسخ الخطوبه .
ماجد بتعجب :ايه ..!بتقولي ايه ؟
زمزم :انا شايفه اننا مننفعش لبعض .
ماجد :زمزم انت اتجننتي ..بنرفزه .
زمزم :اه ماهو علشان مجنونه لازم تسبني .
ماجد بنظره استفهام مع ريبه :بصي يا زمزم انا متعود منك علي الصراحه وانا دلوقتي مش طالب منك غير الصراحه هسيبك تهدي وارجوكي ..تقولي ليه كلام اقدر استوعبه ،،..عن اذنك .
بعد ما مشي ماجد دموع زمزم نزلت وحضنت چني ،علشان خاطرك وخاطر بيسام ..يا رب قدرني .
جه براء من الشغل وبيلعب مع چني وزمزم بتبص ليه ، وبتكلم نفسها انا مش عارفه ازاي اقوله علي وصيه بيسام .. صعب عليا اوي ابصلك يا براء علي انك تبقي جوزي صعب جدا ..يا رب انت عالم بلي بيه .
براء :ايه يا زمزم بتبصي ليه كده ليه ؟
زمزم :ها ..انا لأمفيش .
براء :ماما بتقولي ان ماجد كان هنا ومشي بسرعه ،نكدتي عليه .
زمزم :انا معملتش له حاجه.
براء :يعني هو مجنون ؟طيب هكلمه..!
براء مسك التليفون وعرف من ماجد الي زمزم عملته .
براء بنرفزه :ايه يعني عايزه تفسخي الخطوبه ،ملكيش حد تاخدي رايه ،مش انا الي حطت ايدي في ايد ماجد ،عملك ايه افهم ؟
زمزم :معملش وانا مش عايزه اكمل معاه .
براء :مش هتلاقي زي ماجد بيحبك وبيحترمك.
زمزم :خلاص يا براء مش حسه بيه .
براء :ده اسمه لعب عيال .
صوتهم العالي جاب ناديه وحسين .
ناديه :اهدي يا براء بتزعق لزمزم ليه ؟
براء :الهانم فاكره انها عدمت اهلها وبتفسخ الخطوبه من غير ما تقول .
زمزم بهدوء :ايوه عدمتهم وانا مش عايزه ماجد ودخلت الاوضه .
حسين :ليه كده يا ابني ،مش تخلي بالك من كلامك .
براء:يا بابا هي معدمتش اهلها انا موجود وطول عمري هبقي سندها ديه وصيه بيسام ليه .
دخلت ناديه علي زمزم وكانت بتنيم چني .
ناديه :حبيبتي ممكن تفهميني عايزه تفسخي خطوبتك ليه ؟
زمزم :ماما ناديه ....ممكن تقفي جنبي ...لازم تسعديني .
زمزم حكت وصيه بيسام لناديه ....الي مش مستوعبه .
ناديه :يعني انت هتفسخي خطوبتك وتتجوزي براء علشان تبقي مع چني ..طيب ما ممكن تبقي معاها من غير ما تلخبطي حياتك يا حبيبتي .
زمزم :بصي يا ماما ماجد طيب بس محدش هيستحمل حد وبراء مش هيستغني عن بنته ولا انا لا يمكن استغني عنها ...بصي چني هي الي جمعتنا .
ناديه :حبيبتي ده صعب اوي صعب انك تعتبري براء الي طول عمرك معتبراه اخوك يتحول فجاءه لجوزك ...طيب انت قبلتي هقنعه هو ازاي .
زمزم خطوه خطوه يا ماما ..الاول افسخ الخطوبه وبعدين نكلم براء .
ناديه :الله يسماحك يا بيسام تعملي في اختك كده .
زمزم :ماما بيسام معملتش حاجه لو سمحتي .
ناديه سكتت وخرجت وبتكلم نفسها صعبتيها عليهم يا بيسام .
