كيان

٤

  كيان طلع من البيت من غير احس و انا قلتا م دام ماف موضوع امشي الجامعه ..

  لبستا و مشيت دخلتا القاعه و الدكتور كان بشرح بس انا متاكده اني شفتو ف حته!!!

  بقيت بعاين ليهو و بحاول اتذكر و فجأه اتذكرتا!..

  لمن كنا قاعدين ف القهوه ٫ الولد الأشرت عليهو حجه فاطمه و قالت لي انو ابوهو اتوفي ف حادث ف العيد و هو كان السايق ..

  استغربتا كيف الدنيا دي صغيره كده ..

  بعد المحاضره الناس طلعت و انا كنتا قاعده بعاين ليهو و هو بلم ف حاجاتو ..

_(عاين لي بأستغراب و م اتكلم معاي .. بعد مسافه الموضوع حرقو ..)بتعايني لي كده مالك؟!..

نرمين:م اعاين؟!..عيوني و انا حره

_نعم!!!!انتى ملاحظه اني دكتورتك ي استاذه

نرمين:م تشوف نفسك شديد .. اكيد م ح تكون عاجبنى!!زوقي احسن من كده

_(حمر لي و طلع من غير يرد ..)

  طلعتا انا بعدو و كنت ماسكه تلفوني و م منتبهه قام جا و جرا مني التلفون ..

نرمين:انتا قايل نفسك منو(و بقيت بصرخ ..)

يوسف:انا دكتور يوسف ي استاذه يعني دكتورك .. بكره أستلم منك بحث البايولجى هو ب 30 درجه لكن ع حظك الحلو ليكي ب 50 درجه .. لو م جبتي البحث اعتبري نفسك شايله الماده و م تحضرى لي محاضره تانيه(ادانى التلفون و مشا ..)

  طبعا من شده م كنتا مصدومه م عرفتا ارده ليهو زاتو بس كرهتو كرهه ..

نرمين:حيوان .. غبي .. كيف يتكلم معاي كده ..(و بقيت بتكلم براي زي المجنونه و ماشه ..)

  طلعتا من الجامعه مشيت عنده حجه فاطمه قعدتا معاها و بقينا نتونس ف نص ونستنا جا يوسف ..

يوسف:حجه فاطمه كيفك

فاطمه:تمام ي ولدي تعال تعال اقعد اجيب ليك قهوتك حسي

يوسف:(قبل يرده عليها لاحظ لى ..)ده شنو اليوم ال ماشي عكس ده ياخ

نرمين:يومك انتا ال ماشي عكس و لا انا؟!.. بعدين انتا قايل نفسك منو عشان تتكلم معاي بالطريقه دي اصلا؟!..

يوسف:..(داير يتكلم قاطعتو ..)

نرمين:دكتورى ف الجامعه بس م ف القهوه طيب ي استاذ و بعدين م تفرح كده حسستني انك دكتور دي حاجه واو شديد