حلقة 9 كاتبة ميمي 💣💥
سي سليم أهلا أبني أهلا شرفتنا
ليث والله يا عمي نتوما شرفتوني بهاذي عزومة
سي سليم حاجة باينة نتا وليدي وراح تولي راجل بنتنا
زهرة ههه والله يا وليدي عرفت تخير لامية أحن و حدة فالعيلة و عاقلة
محمد قولي وليدي كيفاش راك مع الخدمة ملي مات باباك ما زرتش شركة
ليث والله يا عمي محمد راهي شركة تمشي كي ساعة كلش مريڨل
سي سليم نصيرة
نصيرة أنعم سي سليم
س روحي عيطي للبنات العشا رآه تحط فوق طابلة و هما مزال مجاوش
نصيرة حاضر
راحت تعيطلهم بعد 5 دقائق هبطو
لامية غير شافت ليث تقلقت تي متحملوش
ليث شاف لامية غمزلها بلا ما يشوفوه
لامية في قلبها سامط
قعدو كامل فالطابلة
سي سليم نتشرف على هاذي طابلة.لي كل يوم نتجمعو عليها قبل ما نبداو ناكلو نقلكم إن شاء الله كل يوم نكونو ملمومين طول العمر
وفاء قاعدة تسفق
شافو كامل فيها
مايا نقزتها وفاء حبسي واشبيك
وفاء ااا سمحولي تحمست بزيادة
بيرم قاعد يضحك من تحت لتحت
سي سليم أبداو تاكلو بعد بسم الله
بداو ياكلو بالموس و الفرشيطة
مايا قاعدة تشوف يا ربي كيفاش ناكل هكذا نطقت مكانش الخبز
كامل شافو فيها
نعيمة ههه واش حسبالك هنا راكي فالميتم
سي سليم نعيييمة
لالا بنتي مكانش هنا كامل ناكلو بالموس و فرشيطة
وفاء بصح هكذا مشي راح نشبع
سي سليم نصيرة
جات تجري
جيبيلهم الخبز
نصيرة حاضر سي سليم
راحت جابتلهم بداو ياكلو
كملو وراحو يقعدو فالصالون مجمعين
مايا ناضت جدي أنا نطلع الفوق ني عيانة
سي سليم أطلعي بنتي
طلعت مع وفاء
وفاء علاش ما خليتيناش نقعدو كنت حابة نسمع واش يهدرو
مايا بلعيه يا هم
ليث عمي بهاذ المناسبة نتشرف نطلب منك ومن عمي محمد يد لامية على سنة الله و رسوله
BẠN ĐANG ĐỌC
كرونيك:💕الوريثة_المفقودة💕
Truyện Ngắn#منقولة جبتلكم كرونيك خفيف كي العادة نجوزو بيه العشية فالقمة روعة الحق ❤❤ يالله تفاعل او جام على كل حلقة🥰 [#بعنوان : [#💕الوريثة المفقودة💕] نلقى تفاعل نحط
