Linked Souls

Chapter 47

Chapter 47: Esparago Clan

Hininto ni Brix ang kabayo sa tabi ng sapa para makapaglinis muna kami ng katawan. Naputikan din kasi si Servena dahil sa akin nung sumakay ako.

I took off my clothes except on my undergarment. Nasa hindi kalayuan naman sina Brix na ngayon ay nakatalikod sa akin habang pinaliliguan si Servena. He was also topless and soaking wet.

Malakas pa rin ang buhos ng ulan kaya mas mataas ngayon ang tubig dito sa sapa. Naglinis ako ng katawan at sinigurong wala nang putik sa katawan ko bago ko hinugasan ang mga damit ko.

"I found a cave nearby," said Brix from a distance. "We can stay there as we wait for the rain to stop. Doon na rin siguro muna tayo para makapagpatuyo ng mga damit."

I shivered in the piercing blow of the wind. Nagmadali akong matapos maghugas ng mga damit bago patakbong lumapit kina Brix at Servena na tapos na rin.

He looked at me. "You done?"

I blushed when I realized that I was just wearing underwear. Hindi ko naman kasi masusuot ang damit ko dahil basa, mas lalo lang akong lalamigin.

I nodded. "P-punta na tayo sa yungib na sinasabi mo. Ang lamig na rito e."

Tumango rin ito bago hinila si Servena paahon sa tubig. Naunang sumakay si Brix bago naglahad ng kamay sa kain. Tinanggap ko 'yon at sumakay sa kanyang likod. Nagdalawang-isip pa ako kung hahawak ako sa katawan niyang hubad pero no'ng pinatakbo niya si Servena ay napayakap din ako.

I was biting my lower lip. Ramdam ko sa mga kamay ko ang tigas ng katawan niya. He doesn't seem to care so I just shrugged it off. Ayoko namang mahulog at maputikan uli.

Naunang bumaba si Brix sa kabayo nung nasa harapan na kami ng kuwebang sinasabi niya.

"I'll just check first." Saka niya inabot sa akin ang tali ni Servena.

Pumasok siya sa loob para suriin ang lugar. Wala pang isang minuto ay lumabas na rin agad ito. Hindi siya nagsalita. Hinawakan niya lang ang tali ni Servena at hinila kami papasok.

Bumaba ako kay Servena nang makapasok sa loob. Medyo naibsan ang lamig na nararamdaman ko dahil mainit-init ang temperatura dito. Mabuti na lang at may mga tuyong kahoy rin dito sa kuweba kaya nakagawa ng apoy si Brix.

"Hang your wet clothes here." Brix lent me a wooden stick "We need to hang it beside the fire so it will dry quickly. Medyo mangangamoy usok nga lang."

Brix stood up and started to unzip his wet pants.

Mabilis na iniiwas ko ang tingin ko. Nilabas ko ang ilang damit kong nabasa sa loob ng bag at sinampay 'yon sa kahoy na binigay ni Brix. Nang matapos ay inangat ko ang tingin ko.

"Here..." bigay ko kay Brix ang stick na may damit ko. Iwas na iwas akong tumingin sa ibaba niya dahil naka-boxer shorts lang siya. "Huwag mo na lang ilapit sa apoy para hindi gaano mangamoy usok."

Lumapit ako sa apoy para mas madama ang init. Niyakap ko ang mga tuhod ko habang pinagmamasdan ang unti-unting pagkain ng apoy sa mga tuyong kahoy.

I could still hear the drain drops outside.

Naramdaman kong tumabi rin sa akin si Brix. Siniksik niya ang mga kahoy sa apoy para mas sumiklab ang apoy. Kahit papaano ay naibsan ang panginginig na nararamdaman ko.

Suminghap ako. "M-malayo pa ba tayo?"

"Napalayo tayo," sagot nito bago umayos ng upo. Tumikhim siya. "You went too far. Mabuti na lang at kasama mo si Servena kaya nahanap din kita agad. Kung hindi ay baka kinabukasan na kita makita."