شكرا لخذلانك 💜

part5

part5
وصلت تشوف في معتصم معصب ودف واحد:انت شن تخرط بالله عليك تي اختي هدي مش لعبه
توليب مستغربه مع من يحكي بس لما تكلم عرفاته من صوته
حسن:وهيا مش اختك ريحنا واطلع منه الموضوع
معتصم:تي شن نطلع منه البنت تحبك كيف تلعب بيها
حسن:وشن واجعك انت 😏 ولا تبيها لروحك
معتصم:تي احترم نفسك ولم لسانك
حسن:اسمع مني انا الحب مانعرفاش ولا خش قلبي البنت حطيتها في راسي ونبيها ناخد منها اللي نبيه مش حاتطلع احسن من عمتها يعني لعبت بوي على صوابعها ولا نسيت يامعلم  😉فرخه مطلوقه عاحل شعرها حتا الحجاب لاغياته شن متوقع منها
معتصم:توليب غير ماتشبه حد البنت هدي انظف من الكل
حسن:هه تو نشوفو لما تلقاها بين يديا ماتستغربش بس وتلفت بيطلع لقاها قدامه وقف مصدوم
توليب تشوفله
حسن:اسمعيني قبل ماتتصرفي
توليب قامت يدها وعطاته كف مستحيل ينساه طول عمره وطلعت
معتصم لحقها قعد يوقف فيها وركبها للسيارة
توليب:روح بيا
معتصم:هدي روحك بهي
توليب:توا روح بيا
معتصم رفعها لحوشهم
خشت بدون ولا كلمه وتذكر في كلام خوها وكلام حسن "يعني للدرجه هدي صعب تنفهم نظرت الناس ليها حاتقعد هكا سمعتي تتوسخ لمجرد اني بنت خوها كله كذب في كذب "
قعدت باقي اليوم في دارها ماطلعتش بكل معتصم وسيما بيحرقو الهاتف اتصالات قفلاته وخدت منوم ورقدت
فاقت الصبح على عياط نزلت تجري: شن فيه
دانيه تعيط:قعدنا بروحنا تيتمنا
توليب رنت في دماغها الكلمه:شن شن تقولي انتي
دانيه:امك وبوك ماتو قعدا بروحنا راحو تاج راسنا
طاحت على ركابها مااستوعبتش شي كيف هكا في يوم واحد نفس اللحظه خسرت امها وبوها اكثر اثنين تحبهم راحتها قوتها سندها عيطت بأعلى صوت"ياااااربي"
التمو العيله والجيران والاحباب الناس اللي تعزهم وتحبهم موتهم فاجعه وصدمه
توليب تعيط:لا ياربي لا خود مني كل شي الا امي وبوي ياحليلي على من بنهدرز لمن بنحكي كيف هكا كيف ردولي امي وبوي توا نبيهم انا نعطيهم عمري ونموت
حميده:اهدي يابنيتي حرام عليك هدا
توليب:لالا ماتقوليش حرام لا انا حرام انا صغيرة نتيتم هكا لابو لاام قعدا صغيرةانا والله قعدا محتاجتهم ياناس جيبهملي اكيد مايخلونيش والله بوي يحبني مايمشي ويخليني ياناس
سيما تبكي:ادعيلهم بالرحمه
توليب دفتها وعيطت عليها:لاااا اسكتي ماتقوليش هكا ماماتوش امي وبوي توا بيجو توا عارفتكم تبصرو معاش تهزو عالموت لااا اسكتو معاش تبكو هما عايشين تو شويه ويجو لا ياربي لا
قعدت عالحال هدا لين شافت خوها وخالها خاشين يبكو وايهم ملبز بالدم طاحت:لالا ماتقولوهاش
ايهم يبكي:الله يرحمهم
توليب:ياخالي
مصطفى:ربي يكون في عونكم
توليب هنا صدقت انه امها وبوها ماتو خلاص قعمزت ومعاش قالت حتا كلمه
فاتو ايام الوفاه والدنيا بدت تخف
خشت وحدا تعيط وتبكي
توليب:منو هدي
حميده:عمتك
توليب قلبها دم عليها وقفت ومشتلها:شن تبي
مريم:ووه عليا وخي ترزيته
توليب:اطلعي من وين ماجيتي
مريم تبكي:انتي بنت المرحوم تعالي يابنيتي
توليب دفتها بقوة:اطلعي برا
مريم:انا عمتك كيف تلزيني
توليب:ولا يشرفني تكوني عمتي
مريم:بنتي
توليب عيطت عليها:معاش تقولي بنتي انا مانعرفكش اطلعي من هنا اطلعي تنسينا فاهمه انتي ماعندكش عيله دمرتينا كلنا اعود بالله منك ياريتك متي بدل بوي وامي اطلعي ربي يحرمك الجنه زي ماحرقتي قلبي
مريم مصدمة:انا شن درت
توليب:لو تجي هنا مرة ثانيه موتك على ايدي.
طلعت مريم وهيا مصدومة في ردة فعل بنت خوها
دانيه:خيرك قلتيلها هكا
توليب:خليني نار في قلبي نار مش قادرة نصدق خلاص معاش بنشوفهم معاش بنسمع صوتهم اااه ياربي صبرني على فراقهم 💔
جو عيلة عبد القادر يعزو
حسن كلم سيما وقالها يبي يعزي توليب
سيما:تولي حسن يبي يشوفك
توليب:اخر شخص نبي نشوفه توا ولد خالك
سيما:تمام ومشت
فات شهر عالوفاة حميده وبناتها قعدين مع توليب ودانيه
جي عمهم وقعمز معاهم:ربي يرحمهم ويغفرلهم
ايهم والبنات:امين
عمهم خالد:طبعا اكيد عارف بوك وامك لازم توا ديرلهم اوراقهم متع الوفاة وهلبا اجرائات
ايهم:ايه ان شالله خالي قلي الاسبوع الجاي نمشو
خالد:وليش تعب خالك اهو انا معاكم نديرلكم كل شي ونقسم عليكم فلوس بوك ولا ندسهم عندي لين تحتاجوهم
ايهم:شن تقول انت ياعمي
خالد:اي هدي الاصول وخواتك ياخدوهم ولادي ينسترو خير مايقعدو بروحهم
وقفت توليب:بوي مخلي زوز رجاله يقدرو يردو بالهم من رزقهم وخواتهم
خالد:قعمزي يابنت بلا طولة لسان والبسي خربه على راسك
توليب:انت اللي احترم نفسك خوك مزال ترابه ماجفش جاي تحكي بفلوسه لا وتبي تزوجنا ولادك تي شن قلبك ميت انت
خالد:انا بندسلكم فلوسكم يضحكو عليكم خوالكم ويلحسوهم
توليب:خالي هدا نوثقو فيه اكثر منك انت خليك بعيد علينا بس
خالد:عاجبك كلام اختك
ايهم:ايه عاجبني
خالد:مالا غصبا عليكم يافروخ الكلاب تتقسم الورثه بالشرع والحوش هدا تبيعوه وناخد حقي
ايهم:نوض توكل ياعمي
توليب ركبت لدارها تبكي حست انه الامان كله ضاع مع امها وبوها وهيا في خطر خايفه من الكل وقفت تتفرج على صورهم وتذكر في ايامهم وضحكتهم خشت سيما:تولي بابا يبيك
توليب:شن فيه
سيما:نعرفش قال يبيك بروحك end back
سيما:هي مشينا
حسام:ردي بالك من روحك وسوقي بالشويه
سيما:حاضر
طلعو وتوليب سرحانه:نبي نزورهم
سيما:حاضر بس احنا بروحنا
توليب:اكيد عندك رقم ياسين كلميه يجينا
اتصلت بيه سيما وقتله يجي معاهم للمقبرة وفعلا ربع ساعه وكان قدامهم
نزلت توليب:هيا
شدت في خوها وخشو للمقبرة وراها مكانهم
توليب بعد قرت الفاتحه"روحي مش مصدقه فاتو على فراقكم 8سنين ماشفتش وجهكم ضحكتكم ولا سمعت كلمه منكم
بابا انا حققت حلمي طموحي رفعت راسك زي ماوصيتني
ماما بنتك ماخيبتش ثقتك ماغلطتش ومادرتش عيب ااه لو يرجع الزمان نعطيكم من عمري ونموت ربي يرحمكم"
وطلعت
ياسين:تمشي معاي
توليب تمسح في دموعها:قتلك لا
ياسين:ليش بس
توليب:رد بالك على روحك وركبت مع سيما
flash back
نزلت توليب لخالها:خالو
مصطفى:قعمزي يابنتي
توليب:شن فيه
مصطفى:هدي رساله من بوك مخليها معاي
خدتها توليب وفتحتها
"بنتي:
عارف انك زعلتي مني هلبا يومها بس خفت عليك وحقي انتم قوتي مانقدرش نبعدكم عليا نخاف الدنيا ضركم ونموت من حسرتي عليكم،حلمك من انتي صغيرة تتمني فيه ماتسمحي لحد يوقفك على تحقيقه المبلغ اللي سحبتيه ليك سافري بيه واصرفي على روحك اقري واجتهدي ارفعي راسي وانا في قبري ماتخيبيش ظني فيك انا عارف شن ربيت وبنتي بميه راجل عارف انك مارح تتحملي العيشه مع ايهم لانه صعب ورح يضغط عليك دانيه وياسين مش خايف عليهم خالك مايخليهمش بس انتي مع انك الاقوى بينهم بس خوفي عليك انتي طول عمرك وراي توا بروحك وبتواجهي الدنيا بروحك ردي بالك وتصرفي صح ماتبعيش السهل رهو غلط
بوك يحبك وواثق فيك"
قعدت تبكي وحاضنه الورقه
مصطفى:بوك دارلك التأشيرة قبل مايتوفى ومجهزلك كل شي سبحان الله كأنه عارف روحه بيموت قبل تسافري
توليب:من يعرف
مصطفى:ولا حد بس انا
توليب:امتا موعد
مصطفى:الاحد الجاي
توليب:شكرا خالي ربي يخليك لينا ويقدرني نردلك جميلك
مصطفى:هدا مش جميل هدا واجبي انتم من ريحة الغاليه وخيتي وصغار اعز اصحابي
خشت توليب للحوش تفكر هيا فعلا لازم تسافر معاش عندها حد هنا خسرت الكل امها بوها حبها قلبها مات
فات باقي الاسبوع
يوم الخميس قررت تحكي لخوتها
دانيه:شن فيه
توليب:بابا دارلي تأشيرة وبنسافر نقرا
ايهم:شن قتلك انا عليه الموضوع هدا
توليب:قتلك بوك دايرهالي قبل مايموت يعني كان موافق
ايهم:وتوا مات وانا بنحكم فيك ومافيش سفر
توليب:شن قصدك
ايهم:اللي كان شادني عليك مات راح توا انا بنربيك باقي وجديد وديري في حسابك حاتاخدي ولد عمك بالك يربيك
توليب قعدت مصدومة وتلفتت لأختها:وانتي
دانيه:بتخليني
توليب:قرايتي
دانيه:بس احنا معاش لينا غير بعض كيف بتتخلي عليا هكا
توليب:انتي متفاهمة مع خوك انا مانقدرش نقعد معاه ونتزوج ولد عمك افهمي
دانيه:من يومك انانيه وتفكري في حياتك بس ركبت وخلتها
توليب:اووف رن الجرس فتحت لقتهم سيما ومعتصم جيتو في وقتكم
سيما:شن فيه
توليب:خشو وحكتلهم
سيما: تبكي
معتصم:بتقدري تعيشي غادي بروحك
توليب:انا تعبت معاش عندي مكان هنا
سيما:بس انا نبيك معاي
توليب سكتت
ومعاش كلمت حد فاتو باقي الايام وجي الاحد طيارتها الساعه 2الظهر
فاقت الساعه7غيرت وخدت شنطتها وكل شي يخصها وطلعت بدون مايحس بيها حد
مصطفى:ربي معاك
توليب تبكي:كلهم مش راضيين
مصطفى:يجي يوم ويتقبلو اللي صار
توليب:انت الوحيد اللي وقفت معاي
مصطفى:انتي وصيه الغالي
توليب:ممكن تعطي هدا لسيما
مصطفى:حاضر
قعدو يدورو بالسيارة لين جت الساعه 12وصلها للمطار كمللها اجرائاتها
حضناته:شكرا خالو
مصطفي:توصلي بالسلامه قداش بتقعدي
توليب:ماضنيتش نرجع ثاني هنا
مصطفى:ربي يوفقك ويحميك وين ماكنتي
كيف تلفتت بتمشي شدها حد
معتصم:ودعيني عالاقل
حضناته وقعدت تبكي هيا وياه:رد بالك على سيما ودانيه
معتصم:في عيوني
توليب:سلام ومشت خلت كل شي وجعها في ليبيا سافرت وسيبت الكل سيبت خوتها حوشها صديقة عمرها حبها امها بوها كل شي end back
سيما:هي تفضلي
احمد:عاسلامتك يا غزاله
توليب:شن تبي
احمد:خيرك
توليب:شي مضايقه بس
احمد:تعالي معاي وخشو مع بعض شن فيه قوليلي
توليب:اليوم مشيت زرت ماما وبابا
احمد:ان شالله ربي يرحمهم
توليب:مستاحشتهم هلبا ياريت بابا معاي توا ياريت نقدر نحضن ماما ونشم ريحتها
احمد:خلاص ادعيلهم وامسحي دموعك الهم هداكا قريب يطلعلي من الهاتف
توليب:هات واتصلت بيه
سام: يعيط تي يا ....$%* وربي غير نشوفك تو نوري امك يااحمد كيف تخليها تطلع بروحها مش قتلك 24ساعه جنبها
توليب بهدوء:اني روحت مافيش شي
سام:امتا روحتي
توليب:توا
سام:مشيتيلهم
وكأنه عطاها اشارة تفرغ كل اللي في قلبها بدت تبكي:علاش مشو وسيبوني
سام:نصيبهم هدي سنه الحياة كلنا ليها توا ولا بعدين
احمد خلاها براحتها وبعد عليها بعد ربع ساعه
سام:افتحي الكاميرا
توليب:لا
سام:علاش
توليب:هكا فيش داعي تشوفني
سام:تمام زيدي عاندي كلها بيجي ضدك ومتسجل بهي
توليب:بتجي
سام:مش عارف
توليب:معاش تتصل بيا بهي وانا نبي نقعد شهر اهنا
سام:شنو تفضلتي
توليب:ايه شهر بنحضرو العرس وبعدها بنمشو لاهل احمد
سام:تي تحلمي انتي والخدمة اللي قتلك نبيها
توليب:عادي مزال شهرين على مناقشتك
سام:ومش لازم نجهز روحي ولا
توليب:انت هاماتك رسالتك
سام:ماتخلينيش نطلعلك من الهاتف
توليب:انا بنسكر باي
سام:تمام تو نتفاهمو وسكر قبلها
احمد:يابنت تعالي شوفي هالقطوسه محلاها
قربت منهم توليب:ياحليلي محلاها تهبل 😍🤤عسل شن اسمك ياحلوة
البنت:اوليب
احمد:شنو
توليب ضحكت:هدي بنت دانيه
احمد:والله شكلهم دارو قبيلة
قعمزو في الجنان وقعدو يلعبو فيها
سيما:تولي تعالي
توليب وقفت:شن تبي
سيما:تعالي بنوريك البودري متعي
خشت توليب معاها يسمعو في ضحك:من فيه
سيما:حوش خالي
خشت سلمت عليهم وقعمزت جنب مرت معتصم
ناديه:ماشالله متغيرة هلبا
سهام:حتا هيا ايطاليا ياماما بدت راقيه 🙄
توليب تهمس:عليك شلالات
سيرين ضحكت:بكل يفددو
توليب:راجلك امتا بيروح
سيرين:كلمته قال غدوة. ديما يوصل المغرب
توليب:اها تعرفي اكثر واحد استاحشته هوا وسيما
سيرين:ديما يحكيلي عليك ويتمنى انك تروحي
توليب:السنين اللي فاتو كنت مضغوطة في القرايا وماقدرتش نجي بكل
سيرين:معليشي اهو بتتلاقو
توليب:وين بنتك انتي
سيرين:والله واخدتها اختي عندها ماتحبش الدوشه والزحمه
توليب:اها خاطري نشوفها
سيرين:تو غدوة يجيبها معتصم
سهام:اي شن تشتغلي توا
توليب:صحافيه في مجلة
سهام:كويس
ناديه:شوفي اختك يابنت ماتبيش تجي
سهام:قالت ايهم طالع
سيما:حقا ماقتلكش
توليب:شنو
سيما:خوك تزوج اساور
توليب ضحكت بصوت عالي
سهام:ضحكينا معاك
توليب:شي مايخصكش
سيما:تعالي نركبو نوريلك لبسي قبل مانغلفه
توليب:هيا
سهام:مافيش تفضلو بالكذب
سيما:مع انك شفتيهم قبل بس تعالي هيا
توليب:هيا سيرين
ركبو مع بعض وقعدت توليب تتفرج عاللبس والبتات
سيما:شن رايك
توليب:ماشالله كله حلو ربي يهنيك حبيبتي يابخته حسام
سيما:سلمها
توليب:اي كيف مقررة يكون العرس
سيما:والله نبيه كل الاسبوع حفلات يوم الجمعه بندير غدا وحفلة توديع العزوبيه والاحد سهرية والاثنين فطور وسهرية الثلثاء حمامي وعشا في الليل الاربعاء نبي ندير طاولات عاخاطر الكسوة والخميس الحفلة في صالة ......
توليب:تبيش تجيبي شركه تنظملك
سيما:ايه خاطري بس ماحصلتش بكل
توليب:خلاص خليها عليا انا
سيما:الله
توليب:والله ياهبلة عارفاتك من قبل خاطرك فيهم
سيرين:ماشالله الجنان كبير يجي فيه طاولات وديكور حلو
توليب:ايه ان شالله نبدو من غدوة
سهام متفرجه بس طبعا
رن هاتف توليب جنب سهام قاماته لقاته sam
توليب:ترا اعطيني
سهام:منو هدا حبيب القلب
توليب خدت هاتفها وطلعت للبلكونة:ايوا
سام متعصب:افتحي نم الكاميرا
توليب:اووف
سام:وتنفخي ثاني حاتتحاسبي يا توليب عليه تسكير راسك هدا
توليب:شن جو الخدمة
سام:كويسه
توليب:ربي يعاونك
سام:شن ديري
توليب:نتفاهمو علئ تجهيزات العرس نبي نكلم يوسف يبعتلي الشركة ينظمو الجنان
سام:اها تمام انا بنطلع توا بعدين نحكو
توليب:ماتتصلش تو نهدرزو شات
سام:تمام براحتك
طلعت جنبها سيما:مازلتي تعاندي
توليب:فكيني
سيما:تعالي خشي داخل ندير نسكافيه ونجيك بتحكيلي كيف تعرفتي عليهم
توليب:تمام
خشت تعلق في لبساتها
سيما دارت نسكافيه وركبت:هي هي احكيلي
flash back
وصلت لايطاليا اول مانزلت من الطيارة ماعرفتش حد مافيش حد يستنا فيها قعدت دور وبعدين قعمزت على كرسي
اذكرت عيلتها وكل جروحها بدت تبكي بقوة قعدت ساعات مقعمزة تبكي لين
شخص: are you okay? يتبع