فصليه الشيخ نمر🔞

البارات الحادي والعشرين ❤️

مَرات أگول :
- شچابك شعرفني بيك ؟
شلون صدفة الـ خِلتك گل أهليِ؟
ام احلام؛ هاج هذا التحليل كومي سوى
احلام؛ شبيج يمه جذبتي الجذبه وصدكتيها
ام احلام؛ اي كومي أرضى فضولي خل ارتاح
احلام؛ ماشي ماشي كمت  بس من هسه أكلج لا تتاملين
ام احلام؛ اي فهمنا يلا فضينا
احلام؛ اي طابه
ملاك؛ ها يله اطلعي
احلام؛ هاج هذا كلشي ماكو
ام احلام؛  مو هسه علمتني البنيه ننتظر ٣ دقائق ياله تطلع النتيجه
ملاك؛ يمه طلع خط ثاني
احلام؛ يعني شنو
ام احلام؛ يعني حيصير عندج طفل يمه
احلام؛ يمه يا طفل لا بربج فدوى ما اريده
ام احلام؛ انجبي واستغفري ربج شنو ما تردي هيه بكيفج هاي روح الله دزها الج امانه
احلام؛ يمه والله هذا الطفل حيرجع يربطني بنمر وأهله اني اريد انساهم أبعدهم عن حياتي
نمر؛ مصطفى ما اعرف شصرف شسوي حاير
مصطفى؛ ما بيها حيره يخوي روح احجي ويه ام احلام  وكللها ترجعها الك
نمر؛ الله كريم
احلام؛ يمه اوعديني متوكلين لنمر شي
ام احلام؛ كافي يمه شبيج ترا اول وتالي يعرف بي هوا مو ابنه
احلام؛ اني مريده يعرف لخاطري
ام احلام؛ شلون بلوه هاي ماشي كافي اسكتي مراح احجي واكول شي
نمر؛ ها يمه شرايده
ام نمر؛ تعال يمه للبيت بيت عمك هنا وعدهم جم كلمه وياك
نمر؛ جاي يمه
عم نمر؛هلا بويه شلونك
نمر؛ هلا عمي شخبارك شلونك شلون العيال عساكم بخير
عم نمر؛ والله بويه ع الله
نمر؛ اليوم شعجب ذكرتنا
عم نمر؛ والله بويه ما اخفيها عليك زهرا خابرتني وحجتلي كل القصه واني اعرف لبنيه غلطانه  وتستاهل الكتل بس اني جايك هسه حتى أخيرك يا تقبل هسه اخليها تبوس يدك وتسامحها يا بويه اخلصك منها ومن همها واخذها
نمر؛ والله عمي جيتك هاي غاليه عليه  واني اعرف زهرا غلطت وغلطها جبير وخلت اليسوا والمايسوا يعيرني بس تبقى بت عمي وعرضي واني ما اقبل عرضي يمسه شي
عم نمر؛ هذا الي مسترجي منك اعرفك ابن أصول ما تقبل العايزه تعالى بوسي ايد رجلج وراسه واطلبي السماح
زهرا؛ نمر سامحني اعرف اني غلطت اني جنت كلش انانيه انت تحملتني هواي وتحملت لساني اني مستعده هسه اروح الأحلام واعتذرلها وابوس يدها حتى ترجع اعرفك متعذب
نمر؛ كومي بويه روحي لغرفتج يلا حظرولنا العشي عشاك عمي اليوم هنا
عَم نمر؛ دايم بويه اعرفك متقصر
احلام؛ مر شهر ع خبر حملي معرف عندي احساس بي بنيه هسه تكولون خبله احسها دتكلمني وتحس بيه مرات 
ملاك؛ كومي تريكي
احلام؛ لا ما اشتهي خليني نايمه
ام احلام؛ والله يمه وضعج ما عاجبني دتذبلين يوم عن يوم
احلام؛ هاي شبيكم قابل اني ورده حتى اذبل
ملاك؛ اصلا اختي احلا ورده بلكون
احلام؛ هههه صدكت بيج
نمر؛ الو
ملاك ؛ الو شلونك شيخ
نمر؛ منو وياي
ملاك؛ اني ملاك اخت احلام
نمر؛ هلا بويه شلونج شلون الاهل خوما بيكم شي ودا تتصلين بيه
ملاك؛ شيخ عادي تجي الكربله اكو موضوع مهم اريد احجي الك
نمر؛ خوما بيج شي
ملاك؛ لا الموضوع ميخصني يخص احلام تعال بس لتكول لحد اني خابرتك
نمر؛ تمام باجر الصبح ان شاء الله اني بكربله
ملاك؛ هلا بيك
ام نمر؛ ها يمه وين رايح
نمر؛ طالع الكربله
ام نمر؛ حترجع احلام
نمر؛ لا رايح ازور
ام نمر؛ حاول ترجعها يمه اني مستعده اروح اخطبها واجيبها جنه هنا معززه مكرمه
نمر؛ شعجب
ام نمر؛ يمه والله حسيت ع ذنبي ابني الله يرحمه هذا قضاء الله وقدره كتبله يموت ع يد اخوها البنيه هم اعتبارها يتيمه واني ضلمتها وأريد اصحح غلطي
نمر؛ الله كريم يلا اودعناكم
ام نمر؛ يحميك الحمزه ابو حزامين يمه
نمر؛ الو صباح الخير
ملاك؛ صباح النور
نمر؛ خوما كعدتج
ملاك؛ لا كاعده
نمر؛ اجيكم للبيت
ملاك؛ لا مالها داعي تعال للمنطقه خابرني واني اطلعلك
نمر؛ تمام نص ساعه واني يمج
ام احلام؛ ها ولج وين موليه
ملاك؛ نصي صوتج لتسمعج احلام
ام احلام؛ خيرج
ملاك؛ خابرت نمر وهسه حروح اشوفه
ام احلام؛ عزا بعيني لج شصخمتي هسه تزعل اختج
ملاك؛ هيه حلفتج الج مو إلى لازم نسوي شي مستحيل اعوفها تبجي وتنقهر كل ليله كرمي حروح ادعيلي
ام احلام؛ الله كريم لا تتاخرين
نمر؛  السلام عليكم
ملاك؛ وعليكم السلام
نمر؛ خيرج  احجيلي شبيها احلام
ملاك؛ باوع شيخ اني طفله بنظر الكل بس اني عقلي يوزن بلد
نمر؛ ونعم
ملاك؛ اسمحلي اكمل
نمر؛ تفضلي
ملاك؛ اني ادري بيك تحب اختي وبنفس الوقت اختي تحبك وادري بيكم ثنينكم متعذبين من المسافه الموجوده بيناتكم
نمر؛ ادري اني بهل حجي كله بس تعرفين إلى صار ما خله اي امل انو علاقتنا تستمر
ملاك؛ اكو شي يكعدر يرجع علاقتكم مثل كبل واحسن
نمر؛ شنوا
ملاك؛ هسه احلام حامل وهذا الطفل يكدر يؤخر كل حواجز البعد بينكم
نمر؛ شنو لحطه شدا تكولين احلام حامل
ملاك؛ اي واني هسه. جبتك الكربله لأن أريدك تصالح اختي وترجعون
نمر؛ بس اني احتاج مساعدتج لان حتلو قنعت امج ترجعها إلى هيه حتعند
ملاك؛ واني بلخدمه للطيبين😎
نمر؛ اسمعي حتسوين هيج.........
ملاك؛ حاظر مثل متريد خل نتفق باجر الصبح
نمر؛ وك انتي خابريني من تضبطين الوضع
ام احلام؛ بشري يلمعزايه
..
.
.
يتبع...