فصليتي واعذبهة

_البارت الرابع والعشرون_

إنت فجري لاغدى صبحي ظلام
‏وإنت نوري لاطفا ضيّ السما ...
.
.
.
.
#write:yaqeen.hassan
#فصليتي واعذبهة
.
.
.

الدكتورة : شوفي حبيبيتي بنين انت عندج مشاكل بالرحم مسببتلج اعاقة لهذا انت مرح تكدرين تخلفين يا اما تكون وراثة بعائلتكم او انت تكونين طفرة وراثية ومشاكلج جبيرة متنحل لا بتلقيح ولا باطفال انابيب يعني ماكو امل

ميار : صار الخايفة منة صار اللي خلاني اموت بدمي حسيت روحي نضربت بسجينة بكلبي دموعي كامت تنزل لا اراديا حسيت روحي ختنكت النفس كام ميدخل لجسمي حسيت روحي خلاص نتهت حياتي عمري مرح اصير ام يعني ابد ابد

فهد : دكتورة شنو يعني ماكو امل لازم اكو لعد هذا العلم المتطور وين راح

الدكتورة : استاذ اي صح اكو علم اكو تطور بس اكو حالات حرجة كلشش مابيهة امل

ميار : د دكتورة ي يعني م مس مستحيل

الدكتورة : بالنسبة النة احنة الاطباء اي مستحيل بس اذا الله قدر ولطف يجوز يصير عدكم

ميار : كمت ابجي بصوت عالي واحس روحي طلعت من مكانهة صعب من تكون بنت وعقيمة اجة فهد حضني واني ابجي طلع شكي بمحلة خلاص مستحيل اكون ام

فهد : ميار خلاص حبيبيتي خلاص كافي بجي كومي شكرا دكتورة _ جان شعور صعب علية طلعتهة وهية مجلبة بحضني ركبنة بالسيارة ركبتهة وعبرت وكعت دمعتي مسحتهة قبل ما اصعد وهية مستمرة بالبجي _ ميار روحي انت كافي كلبي كافي بجي والله تكتليني بدموعج كافي لخاطري

ميار : ف فهد ا اني ع عقيمة

فهد : كافي لتحجين هيج معليج بحجي الدكتورة هسة نروح لغير دكتورة ونشوف شتكول خلي تولي معليج بيهة

ميار : لا فهد هاي الحقيقة خلاص

فهد : ميار شبيج لتصدكين مستحيل لازم اكو حل انت بس اهدي

ميار : ماكو امل ماكو فهد خلاص اني عقيمة صدك هذا الشي خلاص

فهد : لا اله الا الله ميار لتكولين هاي الكلمة لخاطر الكعبة مستحيل انت مابيج شي لتلحينننن تمام

ميار : لا فهد صَدِك انت فهد صدك خلاص اني عقيمة خلاص اني مستحيل اكون ام انت مستحيل تكون اب بسبي

فهد. : ميار كاااافي سكتييييي شبيج رححح اسوي حادث واللله كااافي بالبيت نتناقش

ميار : سكتت لان شكلة يخوف جانو اصعب لحضات حياتي مستحيل اكون ام واني اعشق الجهال ليش ياربي ليش وصلنة للبيت نزلت بسرعة صعدت للغرفة ابجي على حضي المستحيل يكعد

فهد : كلبي معصور عليهة فتت للبيت _ سلام عليكم _ شمرت السويج وكعدت راسي رح ينفجر احسة من التفكير

بيبي : ها شكالت الدكتورة

فهد : كعدت وايدي بين شعري وعيوني تخر دموع وعيني للكاع _ ميار متكدر تخلف