Kabanata 4
Stay
"Tao po," narinig kong sambit ng isang boses kaya't napatingin kaagad ako sa pintuan.
"What the hell are you doing here again?" tanong ko kaagad sa kaniya.
"Binibisita kayo. Hindi ka pa ba nasanay?" kaagad niya namang sagot.
Oo nga naman, dapat nga ay sanay na ako na biglaan siyang sumusulpot dahil isang buwan na siyang bumibisita dito sa bahay simula nung nakagat siya ng aso.
"You're not a visitor, Kuya Azriel. You're a bwisitor," pambabara ko sa kaniya.
Humalakhak lamang siya bago siya tuluyang pumasok at naupo sa tabi ko. Sinamaan ko siya ng tingin ngunit hindi siya nagpatinag.
"Nakausap mo na ba ang Mommy mo?" he suddenly asked that made me frozen on my spot for a couple of seconds.
How did he know about my mother? Hindi naman ako-
Oo nga pala, palagi niyang nakakausap sila Lolo nitong mga nakaraang linggo, paniguradong marami na siyang nalaman tungkol sa akin at sa mga magulang ko kaya hindi ko na pala kailangang magtaka kung paano niya nalaman ang tungkol kay Mommy.
"Hindi pa rin," malamig kong sambit at tumayo na ako.
Walang pasintabi ko siyang iniwan sa sala at pumunta na muna ako sa kusina para kumuha ng makakain niya.
"Baka marami lang talaga siyang ginagawa sa Maynila kaya hindi niya nasasagot ang mga tawag mo," sambit ni Kuya Azriel na sumunod pala sa akin dito kaya't nilingon ko siya.
"Pero malay mo bukas, nandito na siya," he added, but I just let out a bitter smile.
"Kahit na umuwi siya dito bukas, ilang araw ko na lang din siyang makakasama.
Babalik na ako sa Australia sa isang linggo," malungkot kong sagot.
Lumamlam naman ang kaniyang mga mata dahil sa sinabi kong 'yon.
"Kailangan mo pa ba talagang bumalik doon? You have a dual citizenship, Eve. Pwede ka namang manatili na lang dito kung gugustuhin mo," sambit niya.
Pati ba naman ang tungkol sa pagkakaroon ko ng dual citizenship ay alam niya na? Ano na lang ba ang hindi niya alam tungkol sa akin?
"Yes, I can stay, but I'm studying there, Kuya Azriel," I replied.
"Pwede ka rin namang mag-aral sa Manila. Doon, makakasama mo pa ang Mommy mo," seryoso niyang sagot.
"Hindi papayag ang Daddy ko," tipid ko namang sabi.
Ngayon pa lang kasi ay nakikini-kinita ko na ang magiging reaksyon ng tatay ko kung sakaling magpapaalam ako sa kaniya pero kapag iniyakan ko 'yon paniguradong hindi niya rin ako matitiis.
