#غزالة_الشيخ_حيدر

بارت جديد

#غزالة_الشيخ_حيدر

بارت 6+7+8

خلصت المسلسل اجوي اخوتي حسين وياسر صعدوا الغرفهم واياد وفؤاد وليث اجو لغرفتي وسهرنه طلعنه فلم رعب وكعدنه نباوع عليه ونكرز حب وبعدين فؤاد كال
فؤاد:باجر اكول لامي وابوي نروح حدد موعد العرس
غزل:صددددددك
فؤاد:يي
غزل:شايف خير ومستاهلها شايف خير ومستاهلها واهلهل واركص واخيرا راح يصير عدنه عرس
فؤاد :اكعدي هسه يجيج حسين وتترزلين
غزل:اهووو دسكت هسه يجي ويخربها
فؤاد:متكدر اذا متترزل
غزل:اهوو لصمت
اياد:هههههههههه والله مخبله
غزل:حبيبي ايودي اذا اني كاعده وياكم شلون مااتخبل
حسين:قصدج احنه مخابيل
غزل:😳😢
حسين:شو سكتي وين لسانج
غزل:ماقصدي انتو مخابيل
حسين:لعد شنو قصدج
غزل:ماقصدي شي
فؤاد واياد وليث كاتمين الضحكة كووة
حسين:شو انتي لسانج طولان هواي ويرادله كص ويرادلج جرة اذن
غزل:حسين شبيك شو اخوتي هياهم كدامك شو ماحجو شي بس انته هيله اذا سمعت صوتي تجي دك ضرب شبيك ليش هيج تتعامل وياي لعد لو مو اني اختك الوحيده
حسين:احترمي نفس واعرفي شداتلغيين حجاية ثانيه راسج اكسرة
ليث:شبيك يخوي بعدها طفلة
غزل:لا مو طفلة اني وكلكم شايفين كره حسين الي اكولك قاتلتلك احد بايكة منك شمسويتلك وهيج تكرهني
اياد:غزل حبيبتي اعصابج
غزل:شنو اعصابي حقكم ماتعرفون شلون يتعامل وياي تكلون عدوته
حسين:شو تعااي اعلمج منو العدو وجريتها من شعرها
غزل:حسين جرني من شعري وضربني وفؤاد وليث واياد يحاولون يفكوه مني واني اصرخ من حركة كلبي دفعته حيل
غزل:انته مو رجال جاي تستقوي على الاضعف منك بربك هاي سمونها رجولة
حسين:ادبسزز اني اعلمج منو الرجال
غزل:ورجع ضربني وجر من شعري وشال حزامة ودك بلحزام مال بنطرون واخوتي يحاولن يفكونه وعلى صراخي اجة ياسر وابويه وهم يحاولن يفكوه واني بس ابجي واصرخ
ابو غزل:حسييييين شيل ايدك من اختك لابلقران ابسطك كدامها
حسين:يابه بنتك يرادلها تربايه
ابو غزل:غزل مترابيه بس انته المامتربي
غزل:بابا شوف والله دائما يضربني بس اني ماكولك لان اكول يضل بلاخير اخوية بس هو ينزل بيه ضرب
ابوغزل:كافي يروح ابوج حسين شنو السبب لخلاك تضرب اختك بنص الليل
حسين:تكول عني مو رجال
اياد:العفو منك اخوي بس انته ضربتها وكالتلك هيج
ابو غزل:عود هاي انته الجبير الزلمة مال بيت تستقوي على اختك كم مرة ضاربج بابا غزل
غزل:والله يابويه يوميه يضربني وقبل كم يوم كدام مسرة ضربني لان جنت اضحك
ابو غزل:وانتي ليش ساكته يابنتي
غزل:بابا اكول شمايصير يضل اخويه الجبير ومااكولك بس يابويه كل مااسكت يزيد بضربي وبدون سبب
ابوغزل:لابارك الله بيك اسمع اختك تضربها وتضملك لان انته اخوها خايفه عليك ياحسافه تربيتي عليك هيج تاليتك تمدد ايدك على اختك
حسين:بويه كتلك غزل مامتربايه ولسانها طويل ويرادله كص وكل هذا بسببكم بسبب دلالكم الها
ابوغزل:اسكت لابارك الله بيك اني ربيت غزل احسن تربايه وكل الناس تحلف براس بنتي بعد سمعوني كلكم الي يمد ايده على غزل ايده اكسره فتهمتو
حسين:كبروا راسها زين وطلعت برا الغرفه
ياسر:يله غزاله مسحي دموعج
اياد:يابه يله انزل ارتاح واحنه يم غزل لاتخاف عليها
ابو غزل:يله حبيبتي غسلي وجهج وبعد لاتبجين كافي امج خطيه ماكدرت تصعد نزلي شوفيها ضل بالها يمج
غزل:ماشي بويه
ليث:يلة غزل مسحي دموعج كافي طلعتي عبالك مهرج كومي مو لعبتي نفسي 💔😂😂
غزل:ولي ياحقير اني لعبت نفسك احلى منك
ليث:كومي كومي صارتلي هيفاء وهفبي
ابو غزل:يلة كافي كومي غزل نزلي على امج وصعدي نامي وحسين مالج دخل بيه
غزل:حاضر بابا
نزلت على امي ونمت بحضنها ضلت تمسح بشعري وتكلي
امي:يمة لاتزعلين وتنزلين دموعج تراج تذبحينة من تبجين
غزل:حاضر يمة تدللين
امي:الله يرضى عليج بنيتي
غزل:يمة محتاجة شي اصعد انام
امي:سلامتج يمة لاتقهرين بروحج بنيتي
غزل:ان شاء الله يمةة تصبحين على خير يااحلى ام بلدنيا
امي:وانتي من اهل الخير بنيتي الله يحفظج ويحرسج
غزل:بوست امي وصعدت للغرفه لكيت اخوتي بعدهم بلغرفه وياسر هم موجود
غزل:هاا اشو مانمتو
ليث:ينتضر المهرج مالتنه يجي
غزل:انننننن
ليث:كبر عبالك زعطوطه
اياد:تعالي غزاله يمي
غزل:رحت على اياد وحضنته وابوس بيه واسويله يم فدووة اخويه الحنون ابو كلب الطيب اروحله فدوة
فؤاد:عفوا لعد احنه شنو
غزل:انتو هم رويحاتي اموت عليكم
ليث:واني شنو
غزل:انته المهرج مال بيت 😏
ليث:لا ياحقيرة شو تعاي يمي
غزل:اجة ليث ويدغدغني واني ميته ضحك واضرب بيه ديعوفني
ليث:هاا اني منو
غزل:انته اخويه حزام ضهري كاافي الله عليك هههه
ليث:متجيين غير بلعين الحمرا
ياسر:احم احم عبالك نسيتي اخوج
غزل:شسالفه عريسنة انته روحي هم بس مرات تضوجني من تعصب وترزلني
ياسر:غير مسويتلج فاينة وارزلج
غزل:يله عل اقل احسن من حسين
اخوتي:ههههههههههههههههه
غزل:شنو ناوين تضلون يمي اريد انام
ليث:اليوم ماانام بغرفتي كاعد بغرفتج مريحة
غزل:لابطه متروح لغرفتك
ليث:لا جربايتج اروح من جربايتي
غزل:والله معليه شنو تنام على جربايتي افرش بلكاع ونام
ليث:لو تطلعلج كرون مااكوم
غزل:جربايتي حبيبتي راحت مني
ليث:كبر شلون اخت انانيه لعد لو مو اخوج وجاي تعبان من الدوام
غزل:يي يي وبعد
ليث:ديله نجبي ولي افرشي بلكاع ونامي
غزل:معليه انام علجربايه جربايه طول وعرض وتنام وحدك هنا
ليث:اهوو يمعوده اسمحلج تنامين يمي
اخوتي بس يضحكون عليه وعلى ليث
ياسر:يله تصبحون على خير
الكل:وانته بخير
فؤاد واياد :يله هم احنه كايمين تصبحون على خير
غزل وليث:وانتو بخير
ليث:غزل طفي الضوة
غزل:ولي اريد انضف الغرفه يله انام
ليث:اهو عوفيها ليباجر
غزل:معليه اني انضفها يله انام
ليث:اويلي يلنضيفه
غزل:احسن منك ياوصخ يامعفن
ليث:وعلي اكوملج بلنعال
غزل:نسيت ابويه موجود
ليث:اختي حبيبتي انتي كم غزولة عدنه هي وحدة وشالعه مصارينه
غزل:ههههه عفيه ماتجي الا بلعين الحمرا
نضفت الغرفه ونمت وشنو ليث كضاها بس دفرات ووكعني من الجربايه كمت جبت فراش وفرشت بلكاع ونمت الصبح كعدت على صوت ليث يكمز يم راسي
غزل:بربك هذا تصرف مال رجال جبير وواعي
ليث:كومي صار ساعه اكعد بيج ماتكعدين
غزل:وليش تكعدني
ليث:جوووعان سويلي اكل
غزل:جوع الجربوع ان شاء الله اسويلك سم الهاري
ليث:دكومي لو ابسطج هنا
غزل:يله جرب ومد ايدك حتى اصيح لبابا
ليث:صباح الخير غزاله ممكن تحضريلي ريوك اريد اطلع
غزل:يي عفيه بااحترام
ليث:كومي عاد
غزل:هفففف ايي كايمة
سويت ريوك طبعا هاي الفترة جنت ماخذه اجازة من المدرسه علمود ايدي وراسي اخذت اجازة شهر اهلي ماخلوني اداوم بس اني حيل ضجت راحت عليه هواي دروس وامتحانات