သူ့ရှေ့တွင် ရပ်နေသော နတ်ဘုရားလေးကိုကြည့်ရင်း
တွေးမိသည်က အန်ဒိုရါတွင် စတွေ့ခဲ့သည့်အချိန်တွေက မနေ့တစ်နေ့က ဖြစ်ရပ်တွေနှယ် ။စတွေ့တွေ့ချင်း မြွေစာကျွေးဖို့ သူ့ကိုရက်ဂေါရာ တွေလက်က ကယ်ခဲ့တဲ့ကောင်လေး ။
ယပ်တောင် တစ်ချောင်းနဲ့ သူ့အသက်ကို လဲလှယ်ခွင့်ပြုခဲ့တဲ့ကောင်လေး ။ခင်မင်ရင်းနှီးပြီးတဲ့နောက် အန်ဒိုရါတစ်ခွင် သူ
မရောက်ဖူးသည့် နေရာမရှိစေရန် လိုက်ပြခဲ့သည့်ကောင်လေး ။ထိုကောင်လေးက ကံကြမ္မာ၏ လှည့်စားမှုနဲ့အတူ
နတ်ဘုရားအဖြစ် သတ်မှတ်ခြင်း တရားဝင်ခံယူလို့ သူ့ရှေ့တွင်ရောက်နေခဲ့ပြီ ။ အရာရာဟာ အိပ်စက်ခြင်းနတ်ဘုရား ဖန်တီးယူသော အိမ်မက်နှယ် ယုံကြည်ဖို့
သိပ် ခက်ခက်ရယ်ပါ။ကောင်းချီးရောင်ဝါအောက် ထမ်းရွက်ရမည့် တာဝန်ကတိသစ္စာတွေ သဘောတူညီကြောင်း သစ္စာဆိုပြီးသည်နှင့် ဆက်ခံသူတရားဝင်ဖြစ်ကြောင်း ကြေညာသည်။ ထို့နောက်မှာတော့ နတ်ဘုရားများ၏ ကောင်းချီးသြဘာပေးမှုအပြီး အခမ်းအနား
ပြီးဆုံးလေသည် ။ကောင်းချီးပေးမှုနဲ့အတူ သူတို့နှစ်ဦးသားအပေါ် ကြဲချလိုက်သည့် အယ်ထရီနာ ပွင့်ဖတ် မိုး တို့က ကိုယ်ပေါ်သို့ ဝဲပျံကျလာကြသည် ။
ထို အခိုက်အတန့်အတွင်း လာမည့်အနာဂတ်တွေက
အစဥ်အမြဲ သာယာနေတော့မည့်ဟန် ခံစားမိသလို ။အယ်ထရီနာ/ကောင်းချီးပန်း=ပွင့်ဖတ်သေး၍ ရနံ့မွှေးကာ ပန်းရောင်အဆင်းရှိသော ပန်းမျိုး
ဘေးက ပန်းပွင့် မိုးတွေကြား ရယ်မောနေတဲ့
နတ်ဘုရားလောင်း အသစ်စက်စက်ကလေးအား ငေး၍ပင်မဝနိုင် ။ မြင်မြင်သမျှအရာအားလုံးက
ပျော်ရွှင်ခြင်းအတိ ခြယ်မှုန်းထားသလို လင်းလက်တောက်ပ၍နေခဲ့သည် ။
ဒီအခိုက်အတန့်လေးက ထာဝရ ရပ်တန့်ပစ်ချင်သည်ထိ သိပ်ကို လှပလွန်းနေခဲ့တယ် ။
ထို့အတူပဲ ကိုယ့်ဘေးနားက မင်းလဲ သိပ်လှနေခဲ့တယ်။ဆက်ခံသူ တင်မြှောက်ပွဲပြီးသည်နှင့် ဂုဏ်ပြုပွဲကဆက်တိုက် ဆိုသလို တက်ရောက်ရပြန်သည် ။
![](https://img.wattpad.com/cover/218780674-288-k905601.jpg)
YOU ARE READING
Abandoned God(အစွန့်ပစ်ခံနတ်ဘုရား) Abandoned God(အစြန္႔ပစ္ခံနတ္ဘုရား)
Fanfictionတွဲထားတဲ့ လက်တွေ လွှတ်ပေးလိုက်ဖို့သာစိတ်ကူးရှိခဲ့ရင် အစကတည်းက တားမြစ်နယ် အန်ဒိုရါတောထဲ ငါရောက်ခဲ့မယ်မထင်ဘူး တြဲထားတဲ့ လက္ေတြ လႊတ္ေပးလိုက္ဖို႔သာစိတ္ကူးရိွခဲ့ရင္ အစကတည္းက တားျမစ္နယ္ အန္ဒိုရါေတာထဲ ငါေရာက္ခဲ့မယ္မထင္ဘူး