ليتني قابلتك من البدايه

البارت الخامس والاخير

_لقيته بيقول طب  سلام عليكم!! اي دا انا مش عايزه يمشي لي انا حاسه بالأمان وهو جنبي معقوله ازاي وانا بحب مديري في الشغل بس غريبه عمري ما حسيت بالأمان مع مديري اه ببقى فرحانه بس مش حاسه بالأمان اي دا شكلي هبحبك يا محمد ولا اي

_وصلتهم الباب انا وماما ودخلنا نتكلم

_ انتِ رأيك اي ي بنتي.. الناس دي باينها ناس كويسه وطيبين شبهنا ي بنتي!!

_ ان شاءالله خير ي ماما... هصلي الاستخاره واشوف وربنا يقدم الا في الخير!!

_ بلاش عقلك يتعمي ف قرار زي ده ي بنتي فكري كويس واوزنيها واعرف ان الفرصه بتيجي للانسان مره واحده بس ف حياته.

_ي حبيبتي والله ماتقلقي انا هقوم بقي افتح نت شويه!!

_ماشي ي حبيبتي.. انا هقوم انا اصلي وانام

_ادعيلي ي ماما

_بدعيلك دايما ي نور عيني هو انا حلتي غيرك

_قومت بوُست ايدها وراسها ودخلت اوضتي ومسكت تليفون وانا بدور ف الاخبار كدا قولت افتح صفحه محمد
_فتحت صفحته وبدأت اتفرج ع ضحكته وع استايله وع قد اي عينه واضحه وجميله اوي

_قعدت اتفرج ع صفحته واضحك ع اللي كاتبه ومضحكتش كدا من زمان وبدأت اطلع منها!!

_وعقلي وقلبي حيراني اختار قلبي ولا اختار عقلي!!

_اختار اللي دخلي من باب بيتي ولا اختار اللي مش حاسس بيا اصلا

_اول ماافتكر انه مش حاسس بيا دي!!  مبطلش عياط واتفتحت...

_قومت اتوضيت علشان اصلي الاستخاره ولبست اسدالي وبدأت اصليها واعيط وادعي ربنا لو خير ليا قدمه لو شر لبعده عني قعدت حوالي نص ساعه اعيط لربنا وقلبي وجعني ومش عارفه اقول اي بقيت اقول يارب

_ قومت مسحت دموعي وبدأت امسك مصحفي اللي متهيقلي مقرأتش من زمان وبدأت اقرأ بتجويد ودموعي نازله.!

_يارب انا عايزه واحد يقربني ليك... يبقي ايدي ف ايده ميسبنيش ويقولي احنا هنعافر علشان الجنه!!.

_ دخلت نمت..

_صبحت الصبح وانا حاسه بكميه راحه عمري ماحستها ف حياتي الراحه النفسيه دي!! انا مبسوطه اووي مش عارفه اي السبب.

_ صباح الخير ي ست الكُل.

_صباح الورد ي بنتي..

_شكلك رايقه النهارده..؟!

_جداً جداً جداً جداً ي ماما.

_وشكلي كدا والله اعلم هوافق ع محمد.!

_يالف نهار مبروك.. ايوا ي بنتي كدا اكتر حاجه صح عملتيها ف حياتك!.

_ايوا ي ماما انا هبدأ صفحه جديده.. من غير عياط من غير   وجع قلبي كفايه.. انا عايزه ربنا يفرحني.!