#حافيه_القدمين
بارت١٤
👑استغفر الله العظيم عدد ما كان وعدد ما يكون وعدد الحركات وعدد السكون👑
صبا اتنقلت للمستشفي وكانت عندها كسور في ضلعين مع كدمات. .
ادهم كان بيعيط عليها وجاسم بيحاول يطمنه بس هو اصلا هيموت من القلق عليها خصوصا ان الدكاتره اتاخرو في العمليات. لان الضلع اما اتكسر ضغط علي الرئه وكان لازم تدخل عمليات.
عدت ٤ ساعات في العمليه واخيرا الدكتور خرج وطمنهم عليها. ان حالتها مستقره بس عايزه راحه ومتتحركش لحد اما الضلع يلحم مكانه. .. قضت اليوم ده في العنايه المركزه. وادهم وجاسم واقفين معاها. المدرب استلم المداليه الذهبيه. مكانها. والاعلام كان بيتكلم عليها.
تاني يوم اتنقلت لاوضه عاديه.
جاسم باس جبينه : الف سلامه عليكي يا قلبي
صبا: الله يسلمك.
ادهم : مامي.
صبا : روحي. عامل ايه
ادهم : انا خوفت عليكي . انتي لسه تعبانه
صبا: بقت كويسه اما شوفتك . تعال
جاسم : مش هينفع الدكتور قال متتحركيش لحد اما الضلوع تلحم مكانها
صبا: سيبك منهم . انا اصلا عايزه ارجع مصر
جاسم : استحاله
صبا: يا سلام.
جاسم : اول اما تخفي هنرجع كلنا. صح يا ادهم
ادهم: صح يا بابي . مفيش اي اعتراض ع الكلام . ده قراري انا وبابي
صبا ابتسمت : ماشي.
جاسم : اول مره متعرضنيش
صبا : متخدش علي كده كتير .
جاسم : مش هاخد
صبا قعدت شهر ونص في فرنسا وبعد كده رجعت لمصر وكان في ناس كتير في استقابلها للترحيب بيها.
.. رجعت بيتها مع جاسم وادهم وفي الفتره دي جاسم اثبتلها فعلا انه اتغير. كان اكتر واحد واقف جنبها في تعبها. وهي كانت بتابع مع دكتور نفسي هناك عشان تصلح علاقتها مع جاسم.
جاسم كان بيحاول علي قد ما يقدر انه يحسسها بالامان معاه. لانه اكتر واحد عارف هي تعبت واتعذبت قد ايه معاه . دايما كان بيندم علي اللي عمله فيها . كانت زي الورده الرقيقه وهو بايده اللي دمرها. يمكن كان ضحيه زيها بس هو كمان كان جاني. الانسان عنده عقل ولازم يفكر بيه.
في يوم رجع البيت وكان الجو هادي. اطمن علي ادهم . وكان نفسه يدخلها او تستناه بعد يوم تعب واجهاد من الشغل. بس هو مش عايز يعمل الخطوه دي غير اما يكون نفسيتها مستعده . دخل اوضته.
خد دش وكان مرهق . وهي دخلت ومعاه العشا بتاعه
هو . فرحان بس مصدوم .
صبا: قالولي انك تعبان ومتعشيتش قولت اجبلك العشا
جاسم : ها . ليا
صبا سابت الاكل علي الترابيزه ووقفت قدامه
صبا: اتعشا ونام
جاسم مسك ايديها: ممكن تتعشي معايا
صبا: انا كلت
جاسم: طيب خليكي قاعده معايا.
صبا قاعدت وهو قعد جنبها شكلها متوتر وهو كمان
جاسم : ادهم نام
صبا : اه نام .
جاسم : احم. انتي كويسه
صبا: اه الحمد لله
جاسم : صبا
صبا : نعم
جاسم: مش هتنهي فتره الخطوبه دي
صبا ضحكت: ده كان اقتراحك انت
جاسم : اعمل ايه. كنت بفكر في حاجه تقربني منك
صبا : هي فكره كويسه
جاسم : طب ايه.
صبا : ايه
جاسم : بحبك
صبا مردتش
جاسم قرب منها اكتر وباس ايديها .. لمس وشها ابتدا يبوسها ..
صبا بهمس: هشوف ادهم
جاسم : متخفيش
صبا: ااااا
جاسم : ب ح ب ك
بعد سنه ..
صبا : اااااه. هولد
جاسم بصدمه : انتي متاكده
صبا: هو ده وقت هزار. اتحرك
ادهم جري عليهم: مامي مالك
جاسم بيلف حولين نفسه ومتوتر : بتولد . بتولد
ادهم : بابي. اهدا .
صبا: جاااااسم
جاسم : انا السبب . انا السبب
ادهم : مامي هو بابي ماله
صبا : اتجنن تقريبا. اما هروح المستشفي لوحدي
ادهم : انا جي معاكي.
جاسم : الشنط
جري علي فوق جاب الشنطه اللي فيها هدوم البيبي وهدومها . ونزل كان ادهم لبس وخد صبا علي المستشفي . صبا بتحاول تتحمل التعب وجاسم خايف عليها وادهم فرحان عشان هيكون ليه اخوات
وصلو للمستشفي والدكتوره خدتها تولدها ..
جاسم رايح جي. منتظرها .
خرجت الممرضه ومعاها بنت قمور . جاسم : صبا كويسه
الممرضه: اه كويسه. متخفش
جاسم شال بنته وباسها وادهم كمان كان فرحان بيها
ادهم : هسميها اميرة.
جاسم ابتسم : اميرة جاسم.
ادهم : صغننه خالص
جاسم : بكره تكبر. انت كنت صغير كده
ادهم : انا حبيتها .
الممرضه: هاخدها للحضانه . لحد اما المدام تفوق.
جاسم كبر في ودنها. صبا خرجت وفاقت من البنج
ادهم : مامي. انا سميت البيبي اميرة
صبا: اسم جميل يا ادهم
جاسم باس جبينها: حمد لله ع السلامه يا قلبي
صبا : الله يسلمك يا حبيبي . البنت فين
جاسم : في الحضانه. هنزل اجبهالك
صبا : ماشي.
جاسم : بحبك يا صبا
صبا : انا كمان بحبك.
صبا اتغيرت كتير . شخصيتها بقت قويه بس عندها مشاعر واحساس. جاسم قدر يخليها ترجع تثق فيه تاني .وخلاها تحبه . ومع وجود ادهم واميره الصغيره كونو عايله جميله مع بعض
اما خالد فاتجوز هبه وعايشين حياه هاديه. صبا سبتله الجيم هو بيديره هو وهبه مراته.
ادهم كان فرحان باخته الصغيره وحاسس انه مسؤل عنها
جاسم بيهتم بعيلته وكل يوم حبهم بيكبر في قلبه . وبيحاول يعبر عن حبه ليهم ولصبا مخصوص ..
صبا اتعلمت انها عشان تبتدي مع جاسم لازم تنسي التفكير في الماضي. اتعلمت كمان ان. الاستسلام والضعف بيولد الذل. . وانها عشان جرحها القديم يخف لازم تبطل تلمسه او بمعني تاني تنسي الماضي الحزين عشان تعيش في سعاده مع حاضرها ومستقبلها. خصوصا ان جاسم اتغير وبقي راجل بيحمي بيته وبيحبها وبيحب اولاده. 😍.
👈توته. توته. خلصت الحدودته الاولي ..
👈الحدودته التانيه اسمها كيرفي 😘
DU LIEST GERADE
كوني قويه Be Strong(مكتمله)
Aktuelle Literaturسلسله من الحكايات عن المرآه كوني قويه فانتي نصف المجتمع والنصف الاخر يتربي علي يديك كوني قويه لاجلك انتي .. فاذا ضعفتي سينهار مجتمع باسره 💪
