عذاب رعد

🌹إعلان واقتباس 🌹

✍️✍️ازيكم يا احلي واجمل فانز في الدنيا... وكل سنه وانتوا طيبين وبخير وحب وسعاده وصدقوني وحشتوني اوي اوي.. وعشان وحشتوني اوي قولت اكتبلكم حاجه كوميديه وخفيفه كدا عن يوميات زوج صايم... ولاول مره ومش هتكون اخر مره ان شاء الله حبيباتي Zizi Amr وRodina Tarek

يشتركوا معايه في حاجه بنزلها هما الاول كانوا بيساعدوني في كتابه اللي انا بكتبه ورق وهما بيكتبوه فون ورايه... بس المره دي زوزوتي... زيزي عمرو... عرضت عليه فكره نقدمها في رمضان وهي يوميات زوج صايم وكمان اشتركت فيها معانا رودي حبيبتي.. رودينا طارق... والاتنين قالولي افكار لليوميات دي وانا كتبت احداثها وحوارها وسردها وظبطها من حيث ترابط الاحداث والحبكه الدارميه... واتمني من كل قلبي ان عملنا الاول المشترك انا رورو وزيزي ينال اعجابكم ورضاكم وأفضل دايما عند حسن ظنكم... وان شاء الله دي هتكون تصبيره عما انزلكم بجزء ال٣ من روايتكم المفضله#عذاب_رعد_معركه_عشق_الحيتان
وان شاء الله هنزلهالكم اول او تاني يوم العيد وان شاء الله تعجبكم وتنال رضاكم... لان فيها جرعه كوميديا واكشن رومانسيه عاليه اوي... وكمان جرعه عاليه من الاكشن والاثاره والتشويق هتخطف قلوبكم وعقولكم 💞💞

وده اقتباس صغنن كدا من اليوميات دي... وان شاء الله هنزلهالكم الاسبوع ده يوم الاتنين والخميس... ومن اول الاسبوع الجاي هنزلهالكم... يوم الأحد والثلاثاء والخميس وهيكون ميعادها ثابت الساعه ١٠ مساء ان شاء الله

🌹🌹اسيبكم مع الاقتباس واتمني انه يعجبكم🌹🌹

محمود بزعيق وغضب.... انا جعاااااان جعاااان حرام عليكي هو انتي ليه مش مقدره اني واحد صايم طول اليوم وهموت من الجوع... وفيه حد ياعالم يفطر بعد المغرب والله انتي هتموتي مولعه من اللي انتي بتعمليه فيه ده... وعشان انتي لابترحمي ولا بتسيبي رحمه ربنا تنزل وكمان مش سايبه رودي مراتي التانيه تعملي هي الاكل وبتعذبيني علي ما تعمليلي الاكل... انا مش عارف انتي بتعملي فيه كدا ليه وايه الذنب الكبير اللي عملته في حياتي عشان ربنا يبتليني بزوجه نكديه وبتاعت مشاكل زيك انتي

زيزي بغضب... محمووووود أنا مش طايقه نفسي ولا طيقاك انت كمان ايه كل شويه جعاااان جعااان اما انتي صحيح راجل مفجوع وهمك علي بطنك وكم ولسه مكملتش وجت رودي مراته التانيه... وبغضب اكتر... اهي كملت اهي والمسهوكه اللي زيك جت وقبل ما دمي يفور اكتر من كدا خد الملزقة دي في أيدك و اخفي من وشي الساعه دي عشان مزاجي اتعكر بسببكم انتوا الاتنين وعما الاكل يجهز هبقا ابعتلك وتيجي انت وهي لا فاهم

محمود بابتسامة لرودي وتجاهل لكلام زيزي ... اه هروح معاها يختي و اسيبك قاعده هنا لوحدك افاكي يقمر عيش 🤭😂

زيزي بغضب... شكلك كدا آخر يوم في عمرك النهاردة

رودي بدفاع...هو مين ده ياللي تنشكي في افاكي إللي اخر يوم في عمره والله لو مالميتي نفسك لاكون رمياكي من البلكونة دي

زيزي بعنف وغضب... بتقولي ايه يا نحنوحة انتي هو انتي صحيتي من النوم لقيتي نفسك كدا ولا ايه

رودي بتجمع شجاعتها وقوتها عشان تعرف ترد عليها... وبقوة مصطنعة... اه عارفة أنا بقول ايه يا زيزي مشاكل آنتى و علي فكرة بقا انتي متغاظة مني عشان انتي عاملة زي غفر السواحل وأنا مزة جامدة بالأوي

زيزي بغضب اكتر... انا زي غفر السواحل و بتقوليها في وشي طب اتشاهدي على روحك بقا يا حلوة انتي

و لسة هتهجم عليها محمود بعدها عنها و بعنف وغضب... هو انتي ايه مش رحمة نفسك أبدا جتك القرف في غباوتك

رودي بدلع و سهوكة لمحمود.... شفت يا حودة شفت هي دايما بتعمل معايا كدا دانت مشوفتش ياحبيبي بتعمل ايه فيه وانت مش موجود

محمود بابتسامه لرودي وبصوت واطي... معلش ياحبيبتي اعذريها اصل انا جايبها من الغابه يعني هي مش انسانه طبيعيه زينا كدا وعشان خاطري استحمليها ياقلب محمود

رودي بحب...ماشي ياحبيبي دانا عشان خاطرك استحمل الدنيا كلها مش استحمل زيزي مشاكل دي... ويلا يا حبيبي  تعالا اشرب العصير اللي انا عملهولك وترويق بيه دمك اللي هي حرقته ده هي أساسا كتلة نكد

زيزي بتريقة... اه يا نوغة روح معاها بدل ما أفطر عليكوا انتوا الاتنين زي كل يوم جتكم القرف في سهوكتكم

@@@@@@@@@@@@

✍️انتهى الاقتباس🤚 انتظروني يوم الاتنين الساعه ١٠ مساء ان شاء الله والحلقه كامله🙏

✍️يلا بقا الكل رائيه ايه في الاقتباس وتوقعاتكم ايه عن اليوميات دي🤔

💞دومتم بخير يااحلي واجمل فانز💞
حبيباتكم... #دي_دي_فتحي
                #zizi_Amr
#Rodina_tarek

🌹الحلقه الاولى هتنزل النهارده الساعه🌹
١٠ مساء ان شاء الله اتمني انها تعجبكم وتنال رضاكم وأفضل دايما عند حسن ظنكم فيه... انتظروني يااحلي واجمل فانز 🌹