روايه حلم🌍❤️

البارت الثاني ❤🍃

وفجأة.......

وبعد اكثر من ٦ اسابيع كدرت احجي وارجع طبيعيه بس جانو لازم يتأكدون

بس بعدين

انقلبت الوضعيه كله 🥺🤦‍♂️

الممرضه الوحيده الي جانت تعاملني تعامل حلو جان اسمه سحر

سحر جانت مريه كلش مؤدبه ومحترمه جانت تعتني بيه كلش بحيث شنو الي اريده تسوي وجانت كلش تفهمني

بس من جانت سحر تروح لبيتهم وتجي الممرضه الثانيه الله ياخذه نشالله جانت تربطني بالسديه وبس تنطيني منوم حته ما احجي ومدري شنو

من تجي سحر اكولله وهي تكلي ماكدر كلشي اسوي حبيبتي لو بيدي شي تدللين بس كولي لاهلج بلكت يساعدوج

اهلي جانو يجوني كل ثنين وثلاثاء

ومن احجيلهم يكولولي وين اكو هيج لتجذبين محد يسوي هيج وميصدكوني

بس اختي الجبيره جانت تصدكني 

اكتشفت واني بالمصح النفسي موهبتي الاولى وهي الرسم ❤😍

جنت كلش احب ارسم واسوي اشياء حلوه وغريبه

بديت ارسم  رسومات عاديه  وسحر كل ما تشوفهن تشجعني وتشجعني وكامت تجيبلي اوراق اكبر حته ارسم عليه

وهاي اول رسماتي واني جنت بالمصح النفسي



اجتي ذيج الممرضه الثانيه شافتني ارسم

كل ما ارسم تشكك الاوراق واني وسحر نرجع نلزكهن شلون مجان

طبعا المرضه الي ويايه
اغلبيتهم مابيهم شي بس اهلهم ذابيهم هناك ميريدوهم لو متعبيهم وجهال اكو واكو شياب واكو شباب

يوم من الايام حجيه جبيره بالعمر شافت رسماتي وحجت وياي جانت تكلي انتي شسمج

اني سكتت مجاوبت جان تكلي خلص لتكولين اسمج اني رح اسميج كيوبد

اني استغربت شنو هالاسم الغريب كيوبد شنو

اجتي سحر وسألته كلتله شنو كيوبد كالت ابحث عليه واشوف شنو عود هسه بعدين

كملنه حياتنه طبيعيه  زاروني اهلي

اختي الجبيره اشتكت ع هذيج الممرضه الحقيره جان يفصلوه اني ارتاحيت كلش

تعرفت عله واحد بالمصح نفسه

جان ولد كلش مؤدب يعني خلوق بمعنى الكلمه

ميحب يحجي ويه احد ميحب يختلط ولا يحب ايشي

بس مجرد كاعد ويشخبط يشخبط يشخبط ع الاوراق

تقربت من عنده لكيته يرسم
وهاي جانت وحده من رسوماته وهو بالمصح