روايه ولنا في الحب نصيب(قيد التعديل)

البارت الخامس والثلاثون

البارت 35
عمر بفزع : فيروووووووز
ركض الجميع إليها فكانت ايديها تنزف وهي تبكي بشدة
رهف بخوف:دي دي بتنزف يا عمر بتنزف
حملها عمر وقال :انا رايح المستشفي
اسر :تمام يلا انا وانت ونور
رهف :وانا كمان
نور :خليك هنا يا ادم انت ومهاب وكلكم يلا بينا
ثم خرجو من المنزل
منه وهي تضرب مراد :كدة يا زفت كدة عيل متخلف
مهاب وهو ياخذه منها :خلاص يا منه دة طفل مش قصده
سارة :أيوة اقعدي
منه :افردي البت حصلها حاجه
همس :مفيش حاجه انشاء الله اهدي بس واقعدي
روز :واد يا زيزو يا عسل انت تعالي يغوتي
مهاب :😂😂 مش معني عز
روز :مش عارفه الواد دة انا بحبه اوي
هنا :طب تعالي يا روز نلعب معاهم كلهم
روز بحماس : يلا يلا بينا
************************
بينما وصل عمر المستشفي وهرول الجميع الي الداخل
نور :دكتور بعد اذنك البنت دي اتعورت بالسكينه
الدكتور :طب بسرعه عشان البنت بتنزف .....ثم اخذها ودخل بها غرفه
رهف ببكاء :البت يا عمر
احتضنها اسر :حبيبتي اهدي دة جرح بسيط اهدي
نور باحراج : انا اسف بجد يا رهف مش عارف اقولك ايه
رهف :وانت ذنبك ايه دول اطفال يا نور
عمر :باذن الله خير
وبعد وقت خرج الدكتور
الدكتور :متخافوش يا جماعه الموضوع بسيط هي بس خدت غرزتين مش اكتر وهي جوه مع الممرضه اتفضلو
دخل الجميع إليها
فيروز كانت جالسه تبكي من آلالم فتوجه لها نور واحتصنها
نور :معلش يا فيروز يا عسل مراد انا هضربه لما نروح خلاص متزعليش
نظرت له فيروز بعدم فهم لكنها توقفت عن البكاء
رهف :معلش يا فيروز يا قمر
عمر :محدش ليه دعوة ب فيروز حبيبتي تعالي يا قمر
اسر. :الحمدالله اطمني عليها يلا نروح عشان القاعدين قلقانين هناك
نور :عندك حق يلا
ثم خرجو من المستشفى متجهين الفيلا وبعد وقت وصلو ثم دخلو جميعا وعندما دخلو ....
سارة :فيروز عملت ايه
رهف :مفيهاش حاجه خدت غرزتين بس
منه :اسفه والله يا رهف
رهف :انتي هبله يا بنتي دة طفل
نور وهو يتجه نحو مراد:دة طفل انا هضربه ........روز اوعي يا روز اوعي كدة
روز :لا نور خلاص طفل وغلط ممكن بقي تهدي
عمر :اه وربنا ما هيحصل سيب الواد يا نور وتعالي اقعد بقي
نور :طيب
اسر :شغلي فلم يا هنا نتفرج سارة مش هتقوم
سارة :يا ابني هو انا اتشليت انا حامل وربنا وبعدين قولتلك هاكل كويس وهعمل كل الانت عايزه
كان اسر سيتحدث ولاكن أوقفه نور:لا يا اسر من ناحيه أن سارة هتاكل وهتعمل كل الانت عايزه دي مفيهاش كلام
عمر :احنا لازم نقوله يا نور عشان يبقي جاهز
مهاب :وانا بقول كدة بردو
اسر باستغراب :تقولو ايه
نور :وحياتك ما حد هيبدء غيري بص يا ابني بقي انت هتشوف اسود سبع شهور عدو علي حياتك
عمر :هتتمني اصلا انها مكنتش حامل
ادم :بص هو من الشهر التالت وهيبتدي المرار
كنان :اول حاجه الاكل دة انت مينفعش تقولها تأكل اصلا
نور :باختصار هي هتبقي مفجوعه مفجوعه مفيش كلام
عمر :التلاجه هتصعب عليك من كتر فتحها وقفلها
مهاب :ايوة والله التلاجه بتفدي وتتملي كل تلت ساعات او اربعه يعني مش اكتر
ادم :دة غير انك هتبقي عايش مع متقلبات في الحالات
كنان :فجاه تعيط وفجاه تضحك وفجاه تتخنق وفجاه تفرح وفجاه تنكد علي الجبوك
نور :وإلا بقي لو ربنا بيحبك زي واحدة كدة تصحيك الساعه خمسه الفجر في عز الشتاء بجردل مايه ساقعه تصحي الميت وال ايه بتخوني مع صاحبه الفيلا الجبنا وانا نايم جمبها علي السرير تقولش مخاوي جن
عمر :والا بقي التفضل تسع شهور تضحك علي اي حاجه تقولها جعان تضحك تعبان تضحك دة انت لو حتي قولتلها عندك اسهال هتموت من الضحك يعني هبل مفيش كلام
ادم :والا بقي البتعيط اربعه وعشرين ساعه في اربعه وعشرين ساعه تقولش عليتها ماتت يا راجل
مهاب:والا بقي التفضل طول التسع شهور معندهاش غير جمله واحدة طلقني يا خاين يا بتاع نرمين با بتاع البنات يلي هتتقفش في شقه دعارة
كنان :والا بقي الكل الحالات دي فيها تعمل ايه تنتحر يا راجل
نور :اااه نسيت اهم حاجه هتبقي خدام قمر كدة روح هاتلي مايه روح هاتلي اكل اعملي فشار يا حيوان وخلي بالك من كلمه يا حيوان دي ماشي
عمر :اااه وبيبقي معاك جون سينا في البيت وهي نايمه شخيرها يصحي اجدعها ميت
مهاب :وفي الوقت دة بقي بيبقي جمبها شبشب زنوبا دة
كنان :متقولش انت كمان اشتريته
نور :كلنا واللهي
ادم :اه المهم الشبشب دة لو قلتلها لا مش هقوم بتلاقي الشبشب بيتحدف في وشك علطول تروح المستشفى بعديها
عمر :او بقي لو جه في حتت خطرة مستقبلك هيضيع وربنا
مهاب :وهتبقي احلي سوسن يا كبير
كنان :هتبقي عبارة عن كورة متحركه وتفضل تسالك شكلي حلو هو انا تخنت وانت طبعا لازم تبقي كداب وتقولها لااا طبعا دة انتي فراشه
ادم :احب اقولك ان الكذب الانت كذبته في التسع شهور
قاطعه نور وقال :كفييل أنه يدخلك النااار مش بموتسيكل لا دة بطيارة وأبو لهب ماضي عليها باسمه
عمر :صح دة غير الهرمونات الهتزيد زي باجور الجاز
كنان :أيوة وكما.......
قطع كلامه صراخ اسر :باااااااااس بقي كفرتوني وربنا ايه يا بهايم دة
نور :يا غبي دة احنا بنوعيك
مهاب :مش بدل ما تخش علي عماك زينا
كنان :اه ونبي لازم تعرف من الاول
منه :هو احنا كنا كدة يا بنات
حلا :الصراحه اه
روز :😂😂 الحمدالله يا هنا احنا مش متجوزين
هنا : عندك حق 
اسر :لا بصي يا سارة كدة انتي تلمي هدومك وتروحي بيت أهلك هما اولي بالمعركه الهتحصل دي
سارة بصوت عالي :ليه انشاء الله بلوة انا ولا ايه في ايه يا اسر
نور :اهو شوفت اهي الهرمونات ذادت اهي مجبتش حاجه من عندي
سارة :😂😂 ما تلم نفسك انت وهو
اسر :انا مش عايز اعرفكم وربنا بعد الحصل دة
هايدي:لا وفي واحد هيتعلق انهاردة علي الكلام ألقاله دة هو هيشوف وربنا
كنان :حضره الكفن يا رجاله
مهاب بسخرية :يا عيني علي الرجاله
ادم :ضاااعو يا حبيبي ضااااعو
رهف :احنا مسيطرين
حلا :لا انتو مش انا
مهاب :شوفتم يا شويه خرفان
منه :لا لو سمحت انا جوزي مش خروف انا بخاف منه
نور بفخر :واحد راجل هنا سكر برة
سارة :😂😂😂 مسخرة يا نور من يوم ما عرفتك وانت مسخرة
نور بشقاوه :من يوم ما اتولدت وحياتك
اسر :خلاص خلاص كلكم رجاله خلاص
كنان :طبعا طبعا كلنا عارفين اساسا
روز :مش مقتنعه
هنا:ولا انا الصراحه
عمر بغيظ :غوري يا بت انتي وهي غورو
روز :لا لو سمحت كرامتي كدة بتنهار
هنا :يا شيخه اقعدي هو انتي عندك كرامه اصلا
ادم /نور : بوووووووم
مهاب :😂😂😂😂 جت من صاحبتك اهي
روز بغضب :اه يا بردة ميمو زيزو اضربوها كدة .....وظلت تضربها وتجمعت الاطفال معها وظلو يضربو هنا
هنا :اااه كدة دة انا بعملكو الاكل يا عرر
سارة :😂😂😂 معلش يا روز
روز :خلاص يا ولاد stop
رهف :ونبي عيشي عيشه اهلك
روز :حاضر يا برنس
ادم :مش لدرجاتي
اسر :نتكلم بجد بقي انا بكره عامل احتفال
سارة بتساؤل:احتفال ايه معلش
اسر :لا والله نسيتي عيد جوازنا حضرتك
سارة :هي دي تيجي بس انت مقولتش أن في احتفال وكدة
اسر :ما انتي عارفه اني بحتفل بي كل مرة علي العموم بكرة
نور : بكرة ازاي بس انت لحقت جهزت
اسر :هو دة سؤال يتسئل لأسر الدمنهوري بردو
مهاب :لا طبعا يا شبح اكيد جهزت كل حاجه
اسر :وعزمت الناس بردو وكل حاجه تمام وكمان العمال هيجو عشان يظبطو الفيلا والجنينه
منه :الله انا فرحانه
همس :وانا جدا بقالنا كتير معملناش حفله
هايدي:عندكو حق
روز :طيب انا وانتي يا هنا هننزل نشتري الفساتين
هنا :ايوة نخلص الشغل بدري ونروح نشتري
سارة :اسر جبت الفستان
اسر :ودي حاجه تفوتني العلبه فوق يا روحي بكرة ابقي افتحيها
منه :نور انا مشترتش
مهاب :خلاص كل واحد ياخد مراته بكرة ويشتري
ادم :ماشي
عمر :طب يلا بقي يا رهف عشان ننام انا مش قادر
اسر :يا ابني اقعدو شويه
مهاب :لا فعلا يلا احنا اتاخرنا اساسا عز يلا تعالي
ادم :مارو يلا عشان نمشي
كنان :ياسو هايدي يلا
نور :ميمو يا مصيبه يلا أنت وامك
روز :وانا كمان يلا سلام
سارة :هتوحشوني يلا سلام
كلهم:سلام
هنا :انا بقي هخش انام تصبحو علي خير
اسر /سارة :وانتي من أهله
اسر :يلا نطلع
سارة :يلا
ثم صعدو مع بعضهم الي الغرفه ثم دخلو .......
اول ما دخلت سارة الغرفه احتضنت اسر بقوة
سارة :بحبك ومش هحب غيرك ومش عايزة غيرك متزعلش مني
اسر باستغراب :زعل ايه بس دلوقتي هو انتي عملتي حاجه
سارة :علي كل لحظه ضايقتك بكلامي ممكن
اخذها اسر من زراعها ثم جلس بها علي طرف السرير
اسر :سارة حبيبتي مفيش حاجه من الأنتي بتقوليها دي خالص انا كنت مقدر كل كلامك وزعلك دة ده كان زعل طبيعي علي الحصلنا
سارة :بس كنت مافوراها شويه
اسر :لا يا حبيبتي وبعدين ممكن ننسي بقي الحصل انتي دلوقتي حامل الحمدالله ننسي بقي ايام الحزن صح
سارة :عندك حق يا حبيبي
اسر بخبث :وبعدين فكك من جو الحزن دة بقي عايزك في موضوع مهم جداااا
سارة باستغراب :موضوع ايه قول
اسر :لا ما هو دة مبيتقلش دة بيتعمل علطول
سارة بعد أن فهمت ما يقصده : تصدق انك قليل الادب
اسر :هو انا مقولتلكيش دة انا قليل الادب ومشوفتش تربيته اساسا ومنحرف ايه رائيك
سارة بضحكه دلع:😂😂😂😂😂
اسر :اموووت انااااا
*************************
اشرقت الشمس تعلن عن يوم جديد
عند اسر وسارة ......استيقظ اسر فنظر بجانبه فكانت سارة مازالت نايمه فنظر لها بحب شديد وقال :انا فرحان علي فرحك انتي مش اكتر انا اه بتمني اطفال بس انتي عندي اهم من اي حد ربنا يخليكي ليا يا عمري انتي وتفضلي مبسوطه كدة بحبك ....ثم قبلها من جبينها وكان سيقوم ولاكنها  شعرت به ففتحت عينيها بكسل ونظرت له
سارة بنعاس :رايح فين
اسر :رايح الشغل يا حبي
سارة :مش هتبقي معايا والعمال موجودين
اسر :وانتي تطلعي ليه انشاء الله انتي تفضلي في القصر لحد ما يخلصه شغلهم برة واول ما يبدء شغل في القصر حضرتك تطلعي الاوضه فاهمه
سارة بحب :بتغيير
اسر :والله انا مش بقول كلام انا بثبت علطول تحبي اثبتلك
سارة بضحك :😂😂 لا لا خلاص انا مصدقاك يلا روح شغلك شويه وهتلاقي هنا طالعه تدبدب علي الباب
اسر :زفته مزعجه بس هقوم اهو
*******************
عند نور ومنه ......استيقظ نور فكانت الغرفه فارغه فقام وارتده ملابسه ثم خرج من الغرفه متجه الى غرفه مراد فكانت فارغه فقال بصوت عالي:منه يا منه انتي فين
منه :انا تحت يا نور انزل
نور :امال مراد فين
منه :معايا متخافش
نور:طيب ....ثم توجه لها
نور وهو يقبلها :صباح الخير يا روحي
منه :صباح النور يا حبيبي
نور :ميمو حبيب بابي
نظر له مراد وتبتسم ثم قال :ب ا ب ي
نظر نور له بفرحه وشعور جديد عندما سمع هذه الكلمه
نظرت له منه بفرحه علي فرحته
نور بفرحه :دة قال بابي يا روح بابي وقلب بابي من جوة كمان ......ثم احتضنه وبعد ذالك اخذ منه في حضنه
نور :ربنا يخليكم ليا
منه :ويخليك لينا يا حبيبي
نور :ههرب من الشغل انهاردة واجيليك نخرج نجيب الفستان
منه :اعتقد ان احنا هنتاخر كدة
نور :اممم طب بس عندي فكرة أنا هبعتلك مصممه الازياء وتجبلك فساتين كتيرة معاها وانتي اختاري وانا راجع هجيب الاستاذ مراد بدله تبقي شيك عليه كدة تمام
منه بفرحه :بحبك يا ابو خدود يا عسل
نور :والله حرام عليكي يا زوزو هي الطلعت الاسم دة
منه :بس حلو
نور : مفيش احلي منك يا جميل .....طيب انا ماشي بقي سلام
منه :سلام
**************************
ومر الوقت علي الجميع وامتلئت الفيلا بألناس والصحافه والجميع ذهب وكان اسر وسارة ما زالو جالسين فوق
سارة :ممكن يلا بقي مينفعش كدة دي حفلتنا واحنا قاعدين هنا
اسر :ما هو انا مش عايز حد يشوفك بالفستان دة غيري مليش فيه
سارة :يا حبيبي هو مش انت الجبتهولي صح
اسر :بس مكنش حلو كدة
سارة بنفاذ صبر :يعني انت عايز ايه دلوقتي
اسر :عايزك تلبسي حاجه تانيه
اسر بصدمه :نعم !!!!
اسر :اه فيها ايه اللبس كتير
سارة :مس حكايه اللبس يا استاذ حكايه أن الفستان عجبني
اسر :مفيش نزول كدة
سارة بعناد:خلاص انا بقي مش نزله
اسر :سارة حبيبتي يلا قومي البسي اي حاجه هنتاخر
سارة وهي تجلس على السرير :وانا قولت لا يا اسر
اسر :سارة ممكن تهدي ويلا بقي
سارة 'لا يعني لا لو منزلتش كدا يبقي مش هنزل براحتك بقي
اسر بعصبيه :سارة في اي......
قطع كلامه دخول هنا بفستانها الاحمر الطويل وحجابها التي جعلها أكثر جمالا فكانت جميله بحق
هنا :في ايه صوتكو عالي
اسر بإعجاب :الفستان حلو عليكي جدا
هنا بخجل :شكرا
سارة : هنا شكلي وحش؟
هنا :مين دي دة انتي قمرر جدااا
اسر :اووف خلاص يا سارة اتفضلي بس متزعليش لما تتقلب معركه تحت لو حد بصلك تمام
سارة فرحه :موافقه طبعا
شبك اسر يديها بيديه ثم خرجو تتبعهم هنا وتوجه الي الجنينه وعندما وصلو تعالت أصوات الناس بالتصفيق لهم وذهب جميعهم حتي يلقو عليهم السلام والمباركة لهم والصحفيين يلتقطون لهم الصور
اسر :شكرا جدا
سارة :ميرسي ليكم
نور :أيوة يا صاحبي بقي
اسر :فين العيال
نور :واقفين هناك معاهم اهم
اسر طيب تعالي يا سارة نقول كلمه
سارة :يلا
أخذ اسر الميكرفون وقال :شكرا علي تشريفكم الحفله بتاعتي طبعا وانا مبسوط علي حضوركم دة طبعا الحلفه دي لعيد جوازي من حبيبتي سارة دة العيد التالت لينا وبقولها كل سنه وانتي معايا وكل حاجه ليا بحبك يا اغلي من عمري يا كل حاجه ليا في الدنيا دي من غيرك انا مسواش حاجه انا أقوي بيكي من غيرك ضعيف بحبك ومش عايز غيرك عايزك معايا لحد ما سنأني تقع ويبقي معانا احفدنا باذن الله السنه الجايه هنحتفل بعيد جوازنا بس مش لوحدنا هيكون معانا ابننا أو بنتنا هنبقي تلاته يا سارة مش اتنين بحبك
ثم احتضنها بقوة وهي بادلته العناق والجميع ينظر لهم بحب شديد
اخذت منه سارة الميكرفون وقالت:احم برحب انا كمان بيكم شكرا علي حضوركم وعايزة اقول لحبيبي وجوزي انا البحبك اوي ومقدرش اعيش لوحدي اساسا انت اماني انت كنت معايا في حزني قبل فرحي كنت بتعرف تفرحني ولو بكلمه كنت عندك شي غالي بتخاف تجرحه ولو بحركه مش كلمه او تصرف وعايزه اقولك انا مش عايزة غيرك في الدنيا دي انا بيك كويسه وبتمني نكون السنه الجايه تلاته انا بحسد ابني أو بنتي عشان هيبقي ليهم اب زيك اب كل الناس تفتخر بيه متأكدة انك هتبقي اب حنين احلي اب في الدنيا ربنا يخليك ليا وميحرمنيش من حضنك وكلامك ونظراتك وكل حاجه فيك
ثم حضنته وهو كذالك والجميع يصفق لهم
ثم جلسو مع أصدقائهم
مهاب :أيوة بقي الف مبروك
حلا :مبروك بجد
هنا :كلامكو حلو جدااااا
روز :فعلا ربنا يخليكم لبعض
اسر :شكرا بجد تعالي يا سارة نرقص
سارة بفرحه :يلا يا حبيبي
ثم قامو
نور :اه يلا احنا كمان روز هنا انتو مش هتعملو حاجه غير انكم تقعدو بعيلنا
روز /هنا بصدمه :نعم !!!!
مهاب :اه في ايه مالكم
هنا:خدمين الجابوكم احنا
كنان :لمي لسانك دة يا بت انتي
روز :لا يا راجل يعني انتو عايزنا نخدم عيالكم وانتو ترقصو دة ايه البجاحه دي
عمر :طب احنا متجوزين وهنرقص مع بعض إنما انتو مش متجوزين ولا مخطوبين
هنا :انتو بتعيرونا يعني
روز :استني انتي ملكوش دعوة هرقص انا مع هنا
نور :كدة يا روز علي أخرى الزمن هتبقي شاز
روز :اه يا قليل الادب
نور :😂😂 شوفتي دماغك شمال ازاي أنا مش قصدي الفي دماغك
روز :غور يا نور غور
نور :انا كدة كدة غاير يلا يا منه حبيبتي
مهاب :حلا يلا خلي بالك من عز انتي وهي
ادم :هموسه يلا بينا مارو يا هنا فاهمه
كنان :ياسو اقعد هنا يلا يا هايدي
وأخذ كل واحد مراته وذهبو ليرقصو
روز بغيظ :اه يا جزم
هنا:اووف بقي هنفضل قاعدين كدة
روز : تقريبا كدة الهي يتقلبو وهما بيرقصو هااا
هنا :يا شيخه اتهببي خلينا كدة
روز : متعصبنيش يا زفته انتي
هنا :خلاص خلاص تعالي نلعب مع العيال
روز :يلا
******
بينما وهم يرقصون
نور:انتي بتحلوي كدة ازاي
منه بخجل :بس بقي
نور :بس ايه انا بحبك
منه :وانا كمان بعشقك
نور :بقولك ايه انتي وحشاني يلا نروح
منه :نروح ايه يا نور الحفله لسا
نور :حفله ايه بس ما هو مع مراته اهو وشويه وهيخلع عادي جدا
منه :😂😂 اهدي يا حبيبي شويه ونروح
نور :ماشي مستني الشويه دول
******
مهاب :حبيبتي الجميله القمر
حلا :بحبك يا مهاب جداااا
مهاب:وانا مش بحبك بس انا بعشقك ربنا يقدرني واسعدك طول حياتك
حلا :كفايه انك معايا دي لوحدها تخليني طايرة م الفرحه
مهاب :احلي حلا شوفتها في الدنيا دي كلها وربنا
حلا :وانت احلي هوبا شوفتو اصلا
******
رهف :ياااا يا عمر مش قادرة اوصفلك السعادة الانا فيها بجد
عمر :ولا انا يا حبيبتي حبيبتي معايا و ولادي مفيش اجمل من كدة اصلا
رهف :عمر عايزين نبقي نروح كدة مع بعض شرم الشيخ ونقضي كام يوم
عمر :موافق طبعا يا روحي طب والعيال
رهف :متخافش هسيبهم مع ماما احنا نقعد يومين بس مش اكتر
عمر :ماشي يا حبيبتي هخلص بس حاجات في المستشفى ونروح
رهف بفرحه :ربنا يخليك ليا يا احلي موري في الدنيا
عمر :بعشق امك
******
كنان :عيب الحلاوة دي بقي بطلي تحلوي
هايدي :بجد يعني انا حلوة
كنان :حلوة بس قولي قمر يا قمري انا
هايدي :ااه فاكر الاسم دة
كنان :فاكره بس منا علطول بقولهولك
هايدي : اه صح انا غبيه اوي
كنان :لا انتي مش غبيه انا بقالي يوم بحاله مش قولتها 
هايدي :يوم !! 😂😂 عندك حق
كنان :يروحي عسل
******
همس :الحفله حلوة
ادم :مش احلي منك وربنا
همس :بجد
ادم :بجد الجد كمان ااه يا همس مش عارف من غيرك كنت عملت ايه
همس :ولا انا بجد مقدرش اعيش لوحدي اصلا من غيرك
ادم :ربنا يخليكي ليا يا عمري انا
همس :ويخليك ليا انت ومارو
******
اسر :عجبتك الحفله يا حبيبتي
سارة :تحفه يا حبيبي تحفه
اسر :طب وانا شكلي حلو
سارة :حلو بس ! انت قمر وموز وعسل كمان
اسر :😂😂 كل دة يا سارة
سارة :واكتر يا حبيبي والله
اسر :وانتي قمر فعلا انهاردة قمر بزيادة
سارة :بحبك
اسر :وانا مش بحبك بس انا مش عارف ايه الكلمه الممكن اقولهالك عشان اديكي حقك
سارة : متقولش يا حبيبي انا عارفه والله
اسر :كويس كويس يا حبيبتي انك عارفه
******
زينب :الولاد مفرحين قلبي اوي
زين :عندك حق انا مطمن عليهم وهما كدة
دولت :نفسي افرح بروز
زين : وهي روز مش مفرحاكي دلوقتي ما هي بتشتغل اهي وكل حاجه حلوة هو لازم الجواز يعني يا دولت
امينه :زين عندو حق الجواز جه أو مجاش مش فارقه كفايه ان مستقبلها حلو
خالد :وبأذن الله يا ستي هتتجوز وتجبلك عيال
دولت :يارب
معتز :يعني هي مش بتحب حد أو كدة
دولت :خاالص
معتز بفرحه :ربنا يفرحك بيها ثم قال في نفسه :ما اهي يا متخلف اهي لا مرتبطه ولا حاجه هتفضل قاعد كدة لحد ما حد تاني يجي يخدها ويطير انت بتحبها خلاص قولها ....لا طبعا ما امها بتقول مش بتحب حد يبقي اكيد مش بتحبك يعني اسكت وخليك كدة .....لا بس انا بحبها وممكن اخليها تحبني .....اديك قولت ممكن يعني ممكن تتكسف ومتوافقش .....ومتوافقش ليه دة انا قمر وبنات كتيير تتمناني .....مش بالشكل يعم انت .....عارف بس انا بحبها .....هقولها ..... مش هقولها .....هقولها ....ثم قال بصوت عالي :ما خلاااااااااااص بقي
نظر له الجميع باستغراب فنظر لهم بحرج وقام توجه لروز وهنا
معتز:اهلا
هنا : ازيك يا معتز تعالي اقعد
معتز : شكرا .....مش هترودي يا حاجه (كان يقصد روز )
نظرت له روز باربتاك ثم قالت :اهلا يا معتز
معتز : ميمو حبيب خالو مالك قمر كدة ليه انت
مراد :ب ا ب ي
معتز :يا دي بابي ...بابي بيرقص مع مامي وجاي
هنا :وانت يا معتز مهندس ايه
معتز : كومبيوتر
روز :ااه
معتز باحراج :هو يعني ممكن يا استاذة روز ترقصي معايا
نظرت له روز بارتباك فهي كانت تتجنبه لأنها رائته بضع مرات وكانت تحب ان تراه ففضلت الا تقترب منه منعا من أن يحدث ما لا تريده
معتز :روز روز روحتي فين
روز :هااا مفيش ت تمام يلا
معتز بفرحه :ماشي
بعد أن ذهبوا نظرت لهم هنا وقالت :اممم الحكايه دي فيها قنه وهعرفها قريب
كانت ترقص معه في ارتباك واضح 
معتز :روز انتي كويسه
روز :ها اه اه كويسه
معتز :اماال مالك مرتبكه كدة ليه
روز بحرج :لا عادي مفيش حاجه
معتز :تعرفي أن الفستان حلو عليكي
روز بخجل :شكرا
معتز:😂😂😂😂
روز باستغراب :انت بتضحك علي ايه
معتز :علي الطماطم يا حلوة
خجلت كثيرا فقالت بتلعثم :ا ا انت ب بارد علي ف فكرة 
معتز:خلاص خلاص اسف
******
نور :يلا يا حلوة
منه :علي فين بس
نور :هنروح يلا
منه :يا نور مينفعش
نور :لا ينفع يلا يا حلوة بقي ....ثم أخذ مراد وخرج
******
عمر :اه يا ابن ال محظوظه
رهف :مين دة
عمر :نور سحب منه من اديها ويلا علي البيت شقي الواد دة
رهف :😂😂
عمر :اه انتي هتضحكي وانا اتعب يلا وربنا لهنمشي
رهف :يخربيت الجنان بجد يا ابني اهدي هو انا هطير
عمر :ااه يلا ما نور مشي وكلهم هيتسحبو ورانا وأحد وأحد دول صحابي يلاااا ....ثم أخذ فيروز ولمار وخرج
وكذالك ادم وهمس ومهاب وحلا وكنان وهايدي
****
اسر :😂😂😂كلهم مشيو ولاد المجانين
سارة :وربنا حيوانات
اسر :طب يلا ننهي احنا كمان الحفله عشان نطلع
سارة :استني بس شويه
اسر : وأقسم بالله ولا دقيقه واحدة يلااااا
وانتهت الحفله وذهب الجميع الي بيته ....
*******************
اشرقت الشمس تعلن عن يوم جديد
عند اسر وسارة .....استيقظ اسر وسارة معا
اسر :صباح الخير يا حبيبتي
سارة :صباح النور
اسر: بصي كلي كويس تمام والادويه اوعي تنسي تاخديهم فاهمه
سارة :حاضر يا حبيبي
اسر :عايزاني اخلي هنا تقعد معاكي
سارة :لا لا خليها تروح عادي انا كويسه والله
اسر وهو يقبلها :طيب يا حبيبتي عايزة حاجه
سارة :تو تو انا هنام اصلا
اسر :ماشي سلام
سارة :سلام
****************
عند بيت ام منه .....كانت أم منه نايمه إلي أن ذهب اليها معتز
معتز بهدوء :امي يا امي اصحي عايزك في موضوع مهم
ام منه :بعدين يا معتز
معتز :مش هينفع يلا بقي
أم منه وهي تعتدل في جلستها :قول يا حبيبي خير
معتز :انا عايز اتجوز
ام منه بفرحه :بتتكلم جد يا معتز
معتز :جدا يا امي
ام منه :هي مين بقي الخلت معتز عايز يتجوز
معتز :انتي عرفاها روز
ام منه :روز بنت دولت
معتز :اه
ام منه :وماله بت جمال وادب ماشي نروح امتي
معتز سريعا : :نروح ايه استني مش لما اعرف هي عيزاني ولا لا
ام منه :وليه لا انشاء الله دة انت قمر
معتز:الراحه بردو يا امي
ام منه :ماشي يا حبيبي شوف وخير باذن الله
معتز :انشاء الله
***********
عند حلا .....كان مهاب خرج وذهب مبكرا الي الشغل وكانت هي تحضر الطعام ومعها عز الي أن سمعت طرقات علي الباب فخرجت وفتحت كان رجل في عمر مهاب ويشبهه في جسمه الرياضي نظرت له وقالت :نعم ؟
نظر لها الراجل بتفحص شديد وفجاه اخرج مسدس ثم دفعها بقوة الي الداخل وقفل الباب
حلا بفزع :انت مين وعايز ايه
الراجل:هوووش صوتك لو طلع هموتلك ابنك وربنا
حلا :انت انت عايز ايه
الراجل :ترني علي جوزك وتقوليلو في واحد زميلك هنا وعايزك وتخليه يجي لوحده فاهمه لاما وربنا هقتلك
حلا :حاضر حاضر.....ثم أخذت التلفون وهاتفت مهاب
مهاب :ايه يا حلا
حلا بخوف :م مهاب في في واحد ج جه هنا وبيسئل عليك وبيقول أنه صاحبك
مهاب باستغراب :صاحب ايه دة
حلا :معرفش هو بيقولك تعالي ضروري هو عايزك بس لوحدك يا مهاب لوحدك
مهاب :ايه الالغاز دي يا حلا
حلا بقلق :تعالي يا مهاب يلا ....ثم قفلت
مهاب :ايه الجنان دة لما اروح اشوف في ايه كدة كدة ادم مش موجود ....ثم خرج وتوجه الي بيته ....وعندما وصل صعد وفتح الباب وعندما دخل أنصدم
مهاب :مازن !! انت انت بتعمل ايه وماسك الزفت دة ليه
مازن :اهلا اهلا يا مهاب عز الدين خلاص ندخل المسدس
مهاب : مسدس ايه وزفت ايه انت عايز ايه
مازن : تو تو بلاش تعصب من اولها كدة اصبر انت هتتعصب هتتعصب
مهاب بنفاذ صبر :في ايه يا مازن
مازن : ابدا يا سيدي عرفت انك اتجوزت وخلفت كمان قولت لازم اجي وأشوف الحلوة القدرت تخلي مهاب يتجوزها بس طلعت فرسه مدلعاك صح
مهاب بصوت جمهوري :ماااااازن احترم نفسك فااهم واتفضل برة
مازن :بردو بيتعصب قولتلك اصبر يا حبيبي انا عرفت انك مبسوط اوي في حياتك بعد ما كنت عايزها تنتهي قولت لااا مينفعش لازم اجي واهدمها علي دماغه والانا هقولهولك دلوقتي اقسم بالله هيكسرك اوي يا مهاب
مهاب بسخرية :انا مفيش حاجه تقدر تكسرني
مازن : تو تو في الكسرك زمان هو بردو الهيكسرك دلوقتي
مهاب بترقب :انت بتقول ايه وايه دة الكسرني زمان
مازن بصوت واضح :دنياااا
أنصدم مهاب بشدة وقال بتعلثم : د دنيا
مازن : شوفت مش قولتلك
مهاب بقوة :مش عايز اعرف عنها حاجه وهي ماتت
مازن :لا دة انت لازم تسمع كويس اوى وكمان المدام تسمع
جلس مهاب وقال :قول يا مازن العندك
مازن :احبك وانت كدة اسمع بقي مش انت قبل ما تسمع خبر موت دنيا بيوم قفشتها في شقه
نظر له بصدمه فلا أحد يعلم هذا السر غيره هو وادم فقد
مهاب :انت انت عرفت منين
مازن :ادة هو انا مقولتلكش مش دنيا حبيبه القلب بتاعت زمان مظلومه وشريفة اساسا وانا العملت كل دة اصلا
وقع الكلام كالصاعقه علي حلا اللتي كانت تبكي بصمت وهي محتضنه عز ولاكن الصدمه الاكبر كانت لمهاب فنظر له بعدم تصديق وقال :انت ك كداب دنيا دنيا خنتني كداب كداب
مازن بسخريه :اهدي بس علي نفسك يا حلو لا انا العملت كدة عشان تيجي تشك فيها وتسيبها وانا الرتبت لكل حاجه وانا الخطفتها وحطتلها منوم موقت عشان اول ما تيجي انت تكون فاقت
لم يستوعب مهاب ما تفوه به مازن ايعقل أنها ليست مزنبه وكانت تحبه حقا وكانت تريدة مثلما كان يريدها لا يا الله ارجوك لا تفعل بي هكذا لن استحمل لن استحمل
فقال له والصدمه والذهول حالفهه :انت انت لييييه ليبيه يا مازن ليه عملت كدة ليه يا اخي ليه ....كان يصرخ بكل قوته وهو ممسك ياقه تيشرته
مازن وهو يبعد يده عنه ويقول بغل واضح :عشان كنت بحبها وانت جيت خدتها مني زي كل حاجه ببقي عايزها انت بتاخدها حب الناس ليك كلهم البنات الكانت بتجري وراك كل حاجه كنت محظوظ في كل حاجه وانا انا كنت فاشل بسببك انت حتي البنت الحبتها تحبك انت حبيت انتقم منك ومنها انتو الاتنين عشان كدة فكرت وظبط كل حاجه كل حاجه يا مهاب عشان تتكسر انت وهي جبت راجل وخليته ياخد شرفها وخليتك تشوفها كدة عشان تتعذبه انتو الاتنين كنت حاطط كاميرا في الاوضه عشان اشوف كل حاجه شوفت في عينك نظرة كسرة وخيبه امل انت مش هتقدر تعرف انا كنت فرحان ازاي كنت مبسوط اوي اوي طاير من الفرحه لأن النظرة دي عمري ما شوفتها في عينك مع أن النظرة دي كانت ملزماني طوول حياتي
مهاب بصدمه :انت !! انا مش مصدق كل الكرهه دة ليه انا عمري ما ازيتك ولا عملتلك حاجه ليه يا مازن ليييه يا مازن
مازن :اه يا مهاب انت عارف اول ما انت مشيت انا طلعتلها وقلتلها كل حاجه ومشيت هي بقي مستحملتش يا عيني وانتحرت بسببك انت كل دة حصل
مهاب :بسببي انا ولا انت انت البحقدك وقرفك موتها لييه كدة يا مازن ليه
مازن :عشان اشوف نظرة الكسرة دي الظهرت تاني عارف انا كنت متبعك من بعديها يوم بيوم عرفت أن انت دخلت في علاقات قذرة عشان تنتقم من دنيا وكرهت البنات لحد عشر سنين عشر سنين بشفي غليلي فيك لحد ما الحلوة دي ظهرت قولت اسيبك تتهني وعرفت انك خلفت قلت بردو اسيبه لحد ما عرفت أني لازم اسافر إيطاليا وهقعد هناك كتير عشان المهمه صعبه قلت لا مش انا الاروح ومعرفش هرجع ولا لا قلت لازم اقولك عشان تعيش تتحسر علي عشر سنين وحب الماضي ممكن تقعد عشر سنين كمان عشان ترجع كويس تاني
مهاب :وانت كدة كنت بتحبها يعني ازاي كنت بتحبها و وسخت برئتها ازاي
مازن :انا مكنتش بحبها انا لسا بحبها وبعشقها كمان طب ما انا كان ممكن اكون مكان الواد الجبته واعيش واتمتع بيها وهي ولا هنا بس قولت لا هي مش عيزاني خلاص ....سكت ثم أكمل بصوت أشبه للبكاء : انت فاكر كان سهل عليا أن اشوف الحبيتها بتحب واحد وكمان في حضن واحد دة كان صعب جامد عليا كنت مستحقر نفسي علي البعمله دة جامد لحد ما انت جيت وفرحت فيك وبعد ما ماتت وعرفت روحت شوفت الفيديو عيطت عيط جامد وكان نفسي اجي اموتك عشان هي ماتت كان المفروض انت مش هي فاااهمم انت مش هي ..... لاكن انا منستهاش ومتجوزتش وبروحلها كل يوم واتكلم معاها عشان تسامحني عارف انهاردة سنويتها قلت لازم اقولك انهاردة انهاردة حصل كل حاجه كل حاجه حصلت موتها وكله أنا هخرج من هنا علي قبرها علطول عايزها تبقي اخر مكان اشوفه في بلدي قبل ما اسافر عشان ممكن مرجعش
نظر له مهاب بعدم تصديق نعم هو حلم بل كابوس مزعج وساستيقظ الان لا اريد أن يكون حقيقه لا اريد يا الله لا اريد أهل هذا عقابك لي علي ما فعلته لا ارجوك لا يكون هذا العقاب أنه مؤلم جدا مؤلم يا الله مؤلم لا أريده ارجوك لا اريده اني تقبلت كذبته زمان بجرح لا اريد ان اتقبل هذه ايضا لا لا اريد لا .....لم يشعر بنفسه الا وهو ينقض علي مازن ويوجه له العديد من الضربات ويقول بصوت موجوع ومرتفع :ليييه يا مازن هي عملتلك ايه ليه كدة عملت كدة ليه ملهاش ذنب يا مازن ملهاش حرام عليك وسختها وسختها بنجستك ليه يا مازن كنت موتني انا ليه هي هي ليه ليه يا مازن قول ليه ها هقتلك يا مازن هقتلك وربي لقتلك وحياه العملته فيها هقتلك هقتلك
مازن وهو مسترخي من انفعاله :اقتلني برحتك حتي اروحلها بس يا عيني هترمل مراتك وتيتم ابنك عز عز الكنت عايزه ونفسك تجيبه لما يجي تيتمه حرام
نظر له مهاب بكرهه وابتعد عنه وهو ياخذ أنفاسه أما مازن فقام وهندم ملابسه ونظر لحلا التي كانت تبكي فقد وهي مصدومه وقال :فرصه سعيدة يا مدام كان نفسي اشوفك في موقف احسن من كدة بس القدر بقي ...ثم خرج من البيت ولاكن أوقفه صوت مهاب وهو يقول :هقتلك يا مازن ورحمه ابويا وامي ودنيا لاقتلك
دخل له مازن وقال :وانا مستني ....ثم خرج متجه لقبر دنيا 
عندما خرج اتهدت جميع حصون مهاب وظل يبكي بقوة وشهقاهته تعلي وقال :يعني ايه مظلومه دنيا مظلومه ....ثم بدأ في تكسير البيت بحاله جنونيه وهو يقول :لييييييه ليه حصل فيا كدة ليه انا عملت ايه عشان كل دة يحصل ليه حراااام وربنا حراااام ليه ليه يارب حصلي كدة ليه كل دة ليه هستحمل ازاي انا هستحمل ازاي
قامت حلا بفزع ودخلت عز غرفته ثم خرجت لمهاب وامسكته وقالت : مهاب عشان خاطري اهدي ونبي اهدا
أمسكها مهاب بقوة وقال :اهدي ايه دنيا مظلومه مظلومه سمعتي انا قولت ايه مظلومه اااااه اااااااه يااارب ليه كدة هي ذنبها ايه عملت ايه عشان يحصل كدة عملنا انا وهي ايه بس
ثم جلس علي الارض وظل يبكي بشدة
اما حلا فقامت وهاتفت ادم
حلا ببكاء :ادم
ادم بقلق 'قي ايه يا حلا بتعيطي ليه
حلا :تعالي بسرعه يا ادم مهاب مهاب بيكسر في البيت حصل مصيبه
ادم بفزع :ايه انا جاي حالا .....ثم خرج باقصي  سرعه متجه للبيت وعندما وصل صعد بسرعه وطرق علي الباب ففتحت له حلا فدخل ونظر بصدمه علي ما رآه البيت ملي بالزجاج المكسور ومهاب جالس ويبكي بقوة هكذا ماذا حدث اقترب منه وامسكه من كتفه وقال
ادم :مهاب ايه الحصل
نظر له مهاب بعين منتفخه من البكاء وقال :مظلومه مظلومه يا ادم مظلومه
ادم بعدم فهم :هي مين دي المظلومه
مهاب ببكاء شديد :دنيا دنيا طلعت مظلومه
نظر له ادم في صدمه وعدم صدق فقال له مهاب :والله مظلومه هحكيلك (وقص عليه كل ما حدث وهو يبكي وصوت مقطع )أما ادم فكانت الصدمه شلته كليا لا قادر علي الكلام
مهاب :شوفت يا ادم شوفت وانا صدقت انا صدقت غبي غبي انا غبي ليه يا ادم كل دة حصلي طب عملت انا ايه عشان كل دة قولي يا ادم قولي
اخذه ادم في حضنه وملس علي شعره وقال :اهدي يا مهاب اهدي عشان خاطري ومتفكرش في حاجه
مهاب :ازاي يا ادم ازاي انا مش هقدر اعيش بعد العرفته دة مش هقدر
ادم :ونبي اهدي اهدي
قام مهاب وقال :ادم وديني قبر دنيا حالا
ادم :طب ممكن تقعد شويه وبعدين نروح
مهاب :ادم ياريت لو مش عايز خلاص براحتك انا اروح
ادم :لا يا عم هوديك يلا
حلا :خلي بالك منه يا ادم
مهاب بصوت عالي :هو انا مجنون ولا ايه يا حلا اتفضلي خشي جوة اتفضلي
ارتعبت حلا من صوته فركضت الي غرفتها ....أما مهاب وادم توجهو الي قبر دنيا ....وعندما وصلو
مهاب :يلا روح انا هرجع
ادم :اقسم بالله ابدا هستناك
مهاب :هنا في العربيه فاهم
ادم :حاضر
توجه مهاب الي قبر دنيا وجلس أمامه وانفجر في البكاء وقال :ليه كدة يا دنيا ليه عملتي كدة مشيتي وسبتيني ليه خلتيني افكر فيكي وحش عشر سنين بتمني اني اموت  عشان مش عايز اعيش بعد الحصل دة اسف يا حبيبتي اسف ونبي سامحيني سامحيني انا حيوان انا زباله متخلف بس ليه انتحرتي كنتي تيجي وتقوليلي اقسم لك اني كنت قتلته قدامك وبردو كنت هتجوزك مكنش هيفرق معايا الحصلك خاالص حبي كان هيبقي اقوي بس انتي اخترتي حل صعب ليكي وليا صعب عليكي في الاخره وصعبه عليا دلوقتي هفضل فاكر كل حاجه ما اعتقدش اني ممكن اعيش كويس بعد الحصلي اصلا عارفه انا اتجوزت حلا حبيتها اوي وخلفت عز الكان نفسي اخلفه منك دنيا انا عارف انك سمعاني سامحيني عشان خاطري ونبي اسف بس عايز اقولك أن حقك هيرجعلك في الأيام الجايه .....اه انا بستأذن اني اجيلك كل يوم واتكلم معاكي معلش استحمليني شويه وحشتيني يا دنيا والله وحشاني وحشني كلامك وضحكتك كل حاجه كل حاجه عماله تظهر قدامي علي شكل فلم نهايته حزينه اسف كنت انا وانتي ضحيه ضحيه لواحد وسخ وحياتك عندي لهموته وربنا شاهد عليا اهو هريحك في تربتك يا دنيا انا عارف انك زعلانه عشان هو علطول بيجي هنا بس خلاص من انهاردة مش هيجي تاني ......دنيا ارجعي يا دنيا ارجعي ونبي عايز اشوفك تاني تعالي محتاج حضنك دلوقتي يا حبيبتي محتاجك اوي اسف يا حبيبتي اسف علي كل لحظه جيت هنا وشتمتك المكان ده شاهد علي قذارتي سامحيني يا دنيا سامحيني ......كان يتكلم والدموع تغرق وجه كالشلال
وفجاه ربط احد على كتفه فنظر له فكان ادم.
ادم.:كفايه كدة يا صاحبي ويلا تروح
مهاب وهو يقوم :حاضر يلا
ثم تحركه بالعربيه و وصلو الي البيت
مهاب :انا نازل
ادم :استني انا عرفت خبر
مهاب :ايه
ادم :الطيارة الكان ركبها مازن انفجرت وكل الكان علي الطيارة مات وكان منهم مازن
نظر له مهاب بوجه خالي من التعبير ثم خرج من العربيه وصعد إلي شقته ودخل وعندما دخل كانت حلا جالسه تبكي بصمت إلي أن رأته فذهبت إليه
حلا :مهاب مهاب انت كويس
مهاب بهدوء :حلا خديني في حضنك عايز انام
حلا :طب طمني
مهاب :حصليني يا حلا عايز انام في حضنك ......ثم دخل
نظرت له حلا بحزن وقالت :يا تري عايزة ايه يا دنيا مني شكلك عايزة تنتقني مني عشان خد حبيبك صح اعملي فيا الأنتي عيزاه بس بلاش مهاب عشان خاطري ......ثم دخلت الي مهاب حتي تخفف عنه ما حدث .......