كرونيك :معاناتي❤_جود&يسرى_❤

35

الحلقة 35
خرجت تحت جناح بوها و دموعها تسيل وصلو لصال دخلو فرحة مش سايعهم .......تلفتت يسرى شافت جود وسط اصحاب لعريس.......باين حزين مي مزال كيما خلاتو ......دموعها سالو وحشو شعل داخلها شاددة روحها بسيف تحب تجريلو تحضنو و تشم ريحتو توحشتو توحشت كلامو حضنو شفايفو و لمساتو هي كانت معاه قلب و جسد حتى لو خدعها مي هي تحبو و تحب تجريلو تشبع منو........هو باقي على حالو........مي هي تبدلت بزاف وجها اصفر شاحب و عينيها دخلو فراسها و تحت عينيها ازرق طايها راحت ولات جلد على عضم..........الي شافوها لكل معرفوهاش لحاجة الوحيدة الي تبان كرشها.........
غاضتها فاتت من قدامو معرفهاش صح مخلتوش يتمعن فشوفتها....ّ...... مي علاه محسش بيا ههههههههههههه انا غبية يحس بلي يحبها مش بيا انا شادة دموعها تحب حببتها فرحانة متحبش تفسدلها فرحتها ........كملت تصدير و لعرس وصل لنهايتو .......... جاء وقت تودعهم و تروح مع ايهم خلات ايهم و راحت عند يسرى الي كانت قاعدة فلخر مع امها تعبتها كرشها و شدها وجع رتحت رجليها .......راحت حضنتها ودعتها و تمناتلها تسلك على خير.......هنا جود تاكد من شك ديالو هي هدي يسرى حبيبتو.......
خرجو ايهم و هند متوجهين للفندق .....
وصلهم جود للسيارة و رجع يحب يشوفها و يطلب منها سماح و يعترفلها بلي ندم و كتشف حبو و غلاوتها و قيمتها متاخر........
رجع ملقاهاش ....كانت موجوعة مي حملت بش متفسدش فرحت اختها ....اول مودعتها خبرت امها بلوجع عيطت طول لبوها جاها و خرجوها متوجهين للسبيطار.......
رجع جود حوس ملقاهاش خرج شافهم رفدينها و ركبو فسيارة و راحو......راح يجري ركب سيارتو و لحقهم......