ရိပေါ် လမ်းထိပ်က ကော်ဖီဆိုင်ထဲ ထိုင်စောင့်နေတာ နာရီဝက် ရှိပြီ။
ထုံးစံအတိုင်း လမ်းထိပ်မှာ ဦး အလုပ်သွားမှာကို ရိပေါ်လာစောင့်တာ...။
စောင့်နေတုန်း မိုးရွာလာလို့ ကော်ဖီဆိုင်ထဲဝင်မိုးခိုနေရတာ...။ဒါပေမယ့် ဦးက အလုပ်သွားရမယ့်အချိန်ကျော်နေပြီကို ဘာလို့ထွက်မလာသေးတာလဲ။
ဆိုင်ရဲ့အပြင်ကို မြင်နေရတဲ့ မှန်ဘေးက ထောင့်ကျကျခုံမှာ ရိပေါ်ထိုင်ပြီး လမ်းမကို ငေးနေတယ်။
ဘာမှမမှာပဲ ငုတ်တုတ်လာထိုင်နေတဲ့ ရိပေါ်ကို နှင်ထုတ်မယ့်သူ ဘယ်သူမှမရှိဘူး။
ဘာလို့လဲဆိုရင် သူက ဆိုင်ပိုင်ရှင်မို့လို့...။
အလုပ်အားတဲ့ရက်မျိုးမှာ ဦးက ဒီဆိုင်လေးမှာ ကော်ဖီသောက်ရင်း စာအုပ်လာဖတ်တတ်တဲ့အကျင့်ရှိတယ်လို့ ဟောက်ရွှမ်းကောဆီက သိရပြီးကတည်းက ဦးကို စိတ်တိုင်းကျ ထိုင်ငေးနိုင်ဖို့ ဒီကော်ဖီဆိုင်လေးကို ရိပေါ် အပိုင်ဝယ်ထားတာ...။
ပုံမှန်ပေါက်ဈေးထက်ငါးဆပေးပြီး မရအရ ဝယ်ထားတာမို့ Venexa ကတော့ သူ့ကိုစီးပွားရေးအမြင်မရှိဘူးဆို ဆူသေးတယ်။
ရိပေါ်က တရင်းတနှီးဆက်ဆံလို့ Venexaက သူ့ကိုအကြောက်အလန့်ကို မရှိတော့တာ...။
Venexaက အာသာပူတာ ရိပေါ် ကော်ဖီဆိုင်ဝယ်လိုက်ကတည်းက သူပဲ မနက် နေ့လည် ညမရွေး အားတာနဲ့ ကော်ဖီအလကား လာလာသောက်နေတာ...။
ကော်ဖီဖျော်တဲ့ အစ်မကို Venexa ကြိတ်ကြိုက်နေတာကိုတော့ ရိပေါ်က မသိချင်ယောင်ဆောင်ပေးထားလိုက်တယ်။
ကော်ဖီဆိုင်ထဲမှာ Shayne Wardရဲ့ Until you သီချင်းက ခပ်ငြိမ့်ငြိမ့် ပျံ့လွင့်နေတယ်။
အေးစိမ့်စိမ့်မိုးနေ့မှာ သီချင်းဆွေးဆွေးကြားရတဲ့အခါ ရိပေါ် ဒီရက်ထဲ မျက်နှာမမြင်ရသေးတဲ့ ဦးကို ပိုတိုးလို့ လွမ်းလာတယ်။
ရိပေါ် ဟိုနေ့က ဦးရှေ့မှာ အော်ငိုမိတဲ့အဖြစ်ကြောင့် ရှက်လို့ ဦးကို မျက်နှာချင်းမဆိုင်ရဲလို့ ဦးဆီမသွားခဲ့ဘူး။
