الشيخ والقاصر

البارت الثالث

الشيخ والقاصر

بقلم الكاتبه سحر البغدادي
ميار/  دخلت لبيت شيخ شنو من فخامه اويلي نكسر راسي واني اباوعله اول مره اشوفلي هيجي بيت عبالك البيوت الي بمسلسلات كويت دخلت لكيت ثنين نسوان وحده سمره طوخ ومو حلوه ولخ لا تشبه شيخ هزاع توقعتهه هذي اخته واكفات ويباوعن عليه
مروه / انتي الفصليه
ميار/ اي اني الفصليه
نور/ هلا حبيبه هلا بيج تفضلي البيت بيتج هسه يجي شيخ ويعقدلكم انتي وليد امشي سلمي عله امي هاي غرفتهه
ميار / بهل اثناء اول ماجينه ندخل للغرفه سمعنه عيطه رجت البيت رج
نور / يمه اسم الله خويه
ميار/ اني ماعرف شسوي بقيت مصتكه بمكاني  وكلهه كامت تتراكض بنيه تصيح عمو وليد مات شويه واجه شيخ يركض ومخطوف لونه
**********************
شيخ هزاع/ كاعدين بديوان ويا اولاد عمومتي ما نسمع غير عيطه امي عبالي عله الفصليه ماتريدها ويتصارخن واجت بتي زينب بويه الحك عمو وليد ميت واني سويت البيت شبختين
ميار/ اخذوه للمستشفى وهوه خطيه بعربانته بس هزاع شاله مثل طفل وركض بي بس يمكن ميت خطيه لان شفته صاير ازرك

***************
شيخ هزاع / ركضت بي بالمستشفى  اجه دكتور اخذو مني
دكتور/ البقيه بحياتكم الولد منتهي واني كتلكم ميطول ويموت
شيخ هزاع/ جن اني هموم الدنيا وتكومت عله راسي ولك بويه وليدي وين اطي وجهي بعدك ضليت اصرخ بالمستشفئ كوه كوموني
ورحنه للبيت واخذنا ويانه يودعونه علمود نغسله وندفنه
*************************
نور / اجه شيخ وجهه تعبان عرفت بوكتهه احنه بكدنه وليد وكمت اصرخ واملخ بشعري ولك خويه يبطول الحلو  بعدك ترف التراب موش الك ياخويه
ميار / اجو شيخ وقرايبهم وبيتهم نخبص ومحد منتبهلي كلهه تصرخ يكولون مات واخت شيخ كطعت نفسهه  صراحه كسرو خاطري شكول عليك حسين دومك متهور بسياقه اوف منك
شيخ هزاع/ نور وين امي
نور / خويه شفت شصار بحالنه ياخويه منو ياخذ مكانك حضني اخوي وطبطب عله ضهري سويلي طريج خلن اشوفن امي
ام هزاع/ ولك وليدي راح اخيك راح حازم ضهرك وليدك ربيته عله ايدك راح منك يايمه وليدي ربي ماخذت من عمري عله عمره بعده شاب ماشايف من حياته شي
شيخ هزاع/ يمه طولي بالج ترحميلو هسه هوه العند ارحمي مني ومنج لو باقي جان تعذب بحياتو يا امي كوي روحج ام هزاع لجن وليدج متعوب مايكدر عله فراك عزاز كلبو بعد
ميار / اني بس اطمش عليهم والبيت نترس اول مره اشوف هيج نسوان غريبه عجيبه وكلهه تباوع عليه حسيت روحي مهرج
نور/ تعاي حبيبه رتاحي بغرفه امي
ميار / رحت لغرفه الحجيه بستهه عله راسهه واخذت من خاطرهه خطيه بس تون عله ابنهه وطلعت اساعد اخت شيخ غسل وطبخ لمن طاح حضي وصارت دنيا الليل واجتي اخت شيخ
نور/ حبيبه تعاي فرشتلج رتاحي ونامي. بغرفه امي
مروه / سالمين نويره شنهي تنومينهه بغرفه عمتي هاي فصليه المفروض تنام بالمطبخ موش بالغرفه
نور/ سكتي مروه والله لو يدري بيج شيخ اله يكلب الدنيا عله راسج تكفي شر خيه وروحي لزلمتج تعبان
ميار/ نمت اول ماخليت راسي غفيت يوم مليء بالتعب وشغل
شيخ هزاع / دفنا وليد ورجعنا وكملنه لفاتحه مده 3 ايام واني روحي ماشايلهه وهاي تنج فوك راسي الفصليه تنام بغرفه امك ويا الفصليه وياطلابه الفصليه لمن زكحت بيهه يلا سكتت انام واكعد العصر واشوفلهه حل. هل بت كاسره خاطري بعدهه طفله وينهه وين الزواج اني بكد ابوهه اوف منج يمه
.............
رجع بذاكرته قبل يومين
ام هزاع/ وليدي هزاع انته شيخ والمفروض عندك وليد لييند كبرتك يايمه وهل تشوف دنيا ماترحم اني اشوف تعقد عله هل بت هاي وتاخذهه لغرفتك بلكي تجيبلك الولد
شيخ هزاع/ شنهي يمه ماعندي عكل اخذلي وحده بكد زري مايصير يايمه البت بكد زينب بتي شنهي اخذلي وحده جاهله تالي عمري وشيبي تارس راسي
................... لهنا وينتهي البارت اذا اكدر انشرلكم باليوم بارتين وحسب انشغالي تابعو حسابي ونطو تصويت حبايب