اما سارة كانت بتموت تحت يدين خوها قعدت تمرد تمرد لين وصلت ل تلفون امها وتصلت بي تامر لان مفيش حد يقدره الا صغار عمها
سارة : تبكي .. تامر بالله عليك تعالى بنموت تعالى بيقتلني بالله عليك ..
خوها : جاها .. ي كلبه مزالت شاده تلفون ..وزاد يضرب فيها
اما سارة فقدت الوعي
طاح الهادي يبكي ونادم ع تربية ولده والام نفس الشئ تعيط وتندم مفيش اي حد عنده جهد يقيمها ساعة وخش تامر يجري نصدممممممممم من المنظر يلي قدامه سارة متلوحه ع يدين امها وعمه طايح ويبكي
تامر : بسم الله شن فيه ! ساااارة خيرها .. وقامها يجريي وطول ع المصحة اول موصل خدوها منه .. تامر يارب ميصيرلها شئ يااارب .. وكان خايف عليهاا
لحظات ووصل سمير وتيم ف المصحة اما الهيلة مشو ل بيت سارة
تيم : من دار فيها هكي
تامر : حيله مهدود ومقادر ينطق كلمه .. مشعارف جيت لقيتها طايحه
تيم : حط يده ع كتفه .. خلاص خليك قوي وبرا ل عمي الهادي خليك معاه
تامر : لا والله منقدر برا انت مع عمي خليني معاها
تيم : باهي خلي نخش نشوفها توا .. وخش
....
فاتت لحظات ولحظات وسارة فاقدة الوعي وطلعوا قالو يبو دم
تامر : مصحة هكي كبرهااا مفيييهاش دمم تي شن هااالشعب هادا
سمير : نقص صوتك واهدأ
الدكتور : اهدا استاذ تامر احني فصيلة دم ملقيناش زي دمها
تامر : تمام فصيلة دمي زي دمها عطوها
الدكتور : هي تفضل معاي .. ودخلوه
لحظات وجي تيم وعمه للعيادة
تيم : شن سمير شنصار فيها !!
سمير : طلبو دم لانها خسرت دم هلبا وخش تامر يتبرعلها
تيم : فرح داخله تربيته وتربيت بوه ممشيتش ع الفاضي ع خوهم .. نشالله خير عمي مقلتليش باهي توا وين مشي !
الهادي : منعرف ي ولدي هادا طبعا يضرب ويطلع ياخد ف الخمر متعه
تيم : متشغلش بالك نشالله خير
