بين الشياطين 🔥 (مكتمله )

الحلقـه (2) 🔥

#بين_الشياطين (2)🔥

————

كنزى :- كانت متخافش وناضتله ... نعم شن قلت ؟ مستشفى بوك هوو ؟؟ مكانـي هني ومش حنطلع ليـن يطلع عمـي ... وشافت للشاب .. وانت يا استاذ ، كلنا عندنا مرضى ونبوهم يعيشو مش انتو بس ....

... :- عصب وجي بيقرب منها
يوسف :- شده ، تي خلي البنت فحالها شاهين ...
شاهين :- نفض ايديه وقعمز يستنى ... خيـر امهم عطلوو هادوو ؟؟؟.....
يوسف :- اااياه برا عاد ، بتدخل حتى فشغلهم ....

.........

كنزى :- طلعـو عمـي لحجـرة ومشينـا معاه اني وسوزان ... عمي حالك باهـيي ، تبـي شي ؟...
ابراهيم :- مش قادر يتكلم زين من الالم .. ااه لالا كوويس ...
سوزان :- كان تشبح بنت خوك ، دارتلنا العار مع شباب قريب قتلونا ....
ابراهيم :- شبح لكنزى وفنص ... خيرهااا ؟؟؟
كنزى :- طبست راسها 😔... وساكته ...
سوزان :- قالولنا اطلعو من الممر ، مابتش وجت بتعارك معاهم غر جاب ربي واحد منهم هدا الوضع 😒....
ابراهيم :- ديما بمشاكلك ، امتى بتبطلي ؟؟؟ قالولك اطلعي اطلعي ، مش حنموت لو مشيتي ...
كنزى :- بس يـاا عمـ....
ابراهيم :- لابس لاشي ، مره تانيه الي تقوله سوزان يمشي ، ومزاال حسابك في الحـوش ...
سوزان :- كانت فرحانه بطير 😌، مزال تبي تطول يدها على كنزى وتتحكم فيها 😏...

...

كنزى :- ناضت عساس بتجيب العشـي ، وتتكلم مع روحها .. تي يمشي يملحوو طز ، تو تشبحو كان ماندير الي فراسـ...
حي شكله الي معاهم طلع ، ترا بنشبحه ، اييي لالا فكيني ، والله لما نشبحه ....

...

                 ... ✨ روايات كارمن ✨ ...

شاهين :- شن صار معاكم ؟
يوسف :- طلع من العنايه وحطو في المراقبه تو نشبحو شن يصير ....
شاهين :- تي قصدك بيقعد هني ...
يوسف :- لااازم ...
شاهين :- حمار ولا غبي انته ، وكان يشدوه ؟؟....
يوسف :- تو نديروله اوراق مريض تاني ، واهو حني بحداه ، بعدين ماعندهم علاش يشدوه ...
شاهين :- بالله عمايله كلهم و ماعندهمش ليش
يوسف :- لازم دليل ، ومافيش 😉....
شاهين :- اني ماشي توه ، دير راي ....

....

كنزى :- قربت من باب الدار ، كان واحد من الولاد واقف بعيد عنها شوي ويتكلم وعـاطي ظهره ... 

كنزى قعدت واقفه قريب من الباب وتحاول تشبحه ... خشت وقربت شوي ...

مُهيب :- يفتح فعيونه بشوي ، يشبح في ضباب .... مش مركز هلبا ، بس الي متاكد منه شاف بنت واقفه ... شد راسـه وهو مش شايف زين ،  ... من انتِ ؟...

كنزى :- الولد ناض وحسيته شبحني .. طول طلعت خفت .... حي عليا وااه شن دخلني اني 🤦🏽‍♀️.... تو يقتلوني .. ومشت جري لدار عمها

....

يوسف :- خش لدار مهيب ... حي امتى نضت انت ، خلي ننادي الدكتور .....
مُهيب :- هز براسه ... وساكت ....