Unfaithful

Chapter 1 : New Beginning

Doctor James adviced me nga di daw ko magpalabi og pagka stress kay maapiktuhan ang bata nga akong gibuntis.

My parents asked me kung kinsay responsible nga tatay sa akong gidala maong ako silang gisultihan mahitungod kang Joshua og sa iyang gihimo nga pagbinuang nako.

Gusto ni Papa nga atubangon ang ginikanan ni Joshua but I refused.

Di nako gusto og gubot....

Wa nako sultihi si Joshua about ani og nag decide nalang me ni Mama og Papa nga mag migrate sa America. Hangtod nga didto nalang ko nanganak og didto napud nako gipaskwela ang akong anak.

I named her Heaven tungod kay siya ang naghatag rason para mapasaylo nako ang iyang amahan. Gitudluan ko niya nga dili magdumot sa usa ka tawo maong nakalimtan na nako si Joshua.

Until I met Christian in US. Pinoy rapud siya og igsoon siya sa amiga ni Mama diri sa gawas.

Gwapo siya, taason, pution og saktog barog. Manghud ra nako siyag four years maong sa sugod mura kog ma awkward zone kay mailhan jud nimo nga bata pa siya .

I'm 29 og siya 25...

I like him dili tungod sa iyang looks. Na feel man gud nako nga mas matured pa siya mag-isip compara nako.

Og ato nga mga panahon 10 years old na si Heaven maong ako ng gisugot si Christian.

Dawat niya nga duna koy anak sa lain laki. Gihiguhma ko niya bisan paman sa akong pagkadisgrasyada.

Nagmenyo mi ni Christian og nagpakasal.

Nanguli rapud sila Mama og Papa sa Pinas kay gimingaw na daw sila sa ilang balay og sa prisko nga hangin...

Pero ako nagpabilin rami ni Heaven kauban si Christian diri sa US. Pila ka bulan akong nabal-an nga nabuntis ko. Perteng lipaya ni Christian pagkabalo niya nga lalaki ang akong ginamkon.

Ginganlan nako siyag Sky haha og lipay kaayo iyang ate kay duna naman siyay kauban nga kadula.

10 years after...

.
.
.
.
.

"Heaven's POV."........

"Ma, asa diay ta paingun nganong nag-impake man ka?"

Akong gipangutana si Mama samtang nakapanghinawak.

"Yehee makatamak najud kog Philippines."

Akong gisipatan si Sky.

"Seriously? Papuy-on mi nimo sa squatter area like yuck... Si Sky nalang ang iuban Ma kay murag ganahan man siya. I'll stay here with Papa."

Gibuno ko ni Mama og noog.

"Ma????" Ning react ko.

"Sa musugot kag sa dili muoban ka namo ni Sky sa Pinas. Namatay na imong lola og kinahanglan niya ang atong presensya. Usa raman gihapun ta ka semana didto."

"Fine. One week lang ha." Mitubag ko dayon misulod ko sa kwarto.

Nanghipos nakos mga kinahanglanon nako. Dresses, t-shirts, shorts og pants nga nipis kay ingon si Mama init daw kaayo ang clima didto.

"I'm gonna miss you Erick."

Gikuha nako ang picture frame nga gidisplay sa akong lamesa nga gamay.

"One week lang Babe."

Akong gichat si Erick og nananghid ko niya. Nasuko siya kay gusto niya nga mag stay rako diri. Nagpakilooy jud ko maong kadugayan nisugot rajud siya.

"One week lang ha? Or else magbulag ta."

Nireply kog "Promise mubalik rako."