😥أتہٰعبٰٰنيٰ قدريٰ😣

آلُِجٍزْء آلُِآوُلُِ

كانت كتقرا القرآن ومتخشعة فكلام الله سبحانه ..قرات اخر اية من سورة يوسف وشدات المصحف وهي كتقول :صدق الله العضيم.

ناضت صلاة لفجر موراها صلات الصبح وشي ركيعات ديال الاجر وحيدات شال من فوق راسها شافت فساعة وتنهدات:اووف تعطلات
مشات طلات من شرجم كما على الله تبان ليها تنهدات فاش ماشافتهاش.رجعات جلسات فوق النموسية وهي كطلب من ربي يدوز هاد ليلة على خير ماكانش عليها تخليها تمشي..شوية سمعات صوت خطوات قدام لباب قلبها ولا كيضرب فلمية خافت يكون عمها عرف انها مابايتاش فدار ..تحلات لباب تنهدات براحة وناضت طايرة لعندها:تعطلتي ندمت لي خليتك تمشي.

دخلات وجلسات فوق النموسية:اجي جلسي أنعمة
نعمة جلسات:عاوديلي اش وقع
تنهدات وحنات راسها نزلو دموعها:مابغاش باقي كيهددني اختي.
نعمة عنقاتها:صافي ماتبكيش غنلقاو شي حل
بعدات عليها وهي كتمسح فدموعها:ماكاين تاشي حل هو عندو تصاور غيوريهم ليه ويوريهم حتى لبابا.عرفتي غيقتلوني..ومصطفى ايسمح فيا..كون غير سمعت لهضرتك.
.انا لي هبيلة متبعة الطيش ديالي وزاطمة على الهضرة دبابا
وغادة كنغني فلكباري وييلي ويسیق لي لخبار يدبحني
نعمة تنهدات كتحاول تلقة شی حل:ودابة شنو قالك
مریم:قلتلو انا غنتزوج وانحبس لغنا بقة کیضحك قالیا فسخی
الخطوبة ولا غنفسخها بطريقتي قالك الكبري خدام مزيان
بفضلي انا ولكليان كيجي غير على ودي مايمکنش نمشي
ونخليه..قالي غيصيفط تصاوري لخطيبي ولبابا. .
سكتات وهي كتبكي
نعمة:عرفتي شغا ديري نوضي نعسي ورتاحي دابة نشوفو شغا
ندیرو
مريم:ياربي ماسمح لیا يا ربي مافاجيها علیا
نعمة:امیيین
مریم ناضت بدلات عليها وتخشات فبلاصتها.نعمة ماجاهاش
النعاس بقات کتفکر شغا دیر تا صبح الصباح عاد نعسات
نهضرو شوية على نعمة ومريم. . .نعمة بنت عم مریم ولیديها
ماتو ودابة هي عايشة معاهم . .ومخطوبة لولد عمها لي هو خو
مریم. المهم . .هوما عائلة ملتزمة من صغير لكبير. . ونعمة تربات
معاهم على نفس الریتم دايرة حجابها ومحافضة على صلاتها
وكلام ال له ماكايحيدش من فمها..من غیر مريم لي بعيدة عليهم
كل البعد مامقتانعاش بهاد الالتزام . .حلمها تولي مغنية ولكن
المحيط والجو لي عايشة فيه ماکیسمحش ليها تحقق
حلمها..خصوصا الاب والاخ دیالها متشددين بزاف مستحيل
يرضاو يشوفها كتغني يفضلو يدبحوها. عليها قر رات
تغني فواحد الكباري ماشي حبا فلفلوس لا .غیر باش تحقق
حلمها واخا بطريقة غیير لائقة .بما انه باها فارض عليها دیر
الحجاب فكاتضطر ديرو وملي كتخرج كتحيدو عايشة علامها
الخاص. .ولكن دابة تنادم معاها لحال فاش تخطبات و ولات
كتبغي خطيبها..بغات تبعد على هاد المهنة المسخة ولكن
طاحت فمشكل كبير هو انه مول هاد الكباری هددها بتصاور
وفيديوهات وهي كتغني خاص تبقا خدامة ولا يصيفطهم
لعائلتها. .

صبح صباح
حلات عويناتها زريرقين كتحس براسها کيضرها حیت
مانعساتش مزيان . .ناضت غسلات وجها لبسات عليها
وقدات شالها فوق راسها هبطات لتحت لقاتهم مجموعین
کیفطرو صبحات عليهم جلسات شافت فمریم کی حانية
راسها وباين على وجها الخوف تنهدات ماعرفاتش باش
تعاونها
محمد (عمها):بنتي فطري
نعمة:واخة اعمي
بدات كتاكل واخة مافيها لي ياكل بالها مع مريم. .بتاسمات
بدون شعور فاش سمعات صوتو ضارت لجيهتو وهي
مبتاسمة . .شاف فيها تاهو وبتاسم وجلس وعنيه عليها. .
محمد:غیر نساليو عرس مریم نفرحو بیکم تانتوما.