بعد قليل انتهت رغد من تناول طعامها وقالت :- الحمد لله عايزه اروح الحمام ممكن تيجي يا اسماء معايا.
ردت اسماء عليها وفي فمها الطعام :- لا انا لسه ما خلصتش وجعانه مش قايمه روح معاها انت يا فارس.
فارس بحدة خفيفة:- اروح معاها ازاي يعني.
اسماء بغمزة :- قصدي يا عم اقفلها بره يعني قدام الحمام يلا يا عم انجز متنحش البت واقفة .
قام فارس على مضض وهو يقول :- اديني قايم يا اختي افضلي انتي متلقحة اطفحي كده لما تبقى زي الفيل .
اسماء مخرجة لسانها لتستفزه :- لا يا بابا انا هفضل سمبتيك وحلوه و زي القمر مهما اكلت.
فارس وهو يمشي :- قمر بالستر يا اختي .ثم ذهب مع رغد .
بعد ذهابهم غمز عمر لاسماء قائلاً :- ايه طرقتيهم عشان تقعدي معايا عايزه تستفردي بيا. ثم اطلق ضحكه عاليه بعد الانتهاء من كلامه.
نظرت إليه اسماء بطرف عينيهاوعلامات الاستنكار بادية على وجهها ثم نظرت في طبقها مرة أخرى واكملت طعامها بدون أن ترد عليه.
عمر :- إيه يا قمر طب عبرنا بس بكلمتين ولا اي حاجه .
نظرت إليه اسماء بحدة قائلة :- ولا اتلم بدل ما المك بطريقتي .
عمر :- ايه يا ستي ما تزعليش انا بمدح بس في الجمال الرباني ده هو الصعيد بيجيب حاجات حلوه كده لا ده انا اجي عندكم بقى .
نظرت إليه أسماء وقالت في هدوء تام :- عارف لو ما قمتش من هنا دلوقت همسح بكرامتك بلاط المطعم كله .
عمر :- طب خلاص والله هسكت خالص بس سؤال واحد هو الجميل مخطوب .
اسماء بنرفزه :- ايوه يا سيدي الزفت متجوز مش مخطوب و جوزي هنا معانا بس راح مشوار و هيجيلنا علي هنا .
وقف عمر بحده في مكانه :- ازاي يعني هو ايه ده اللي متجوزه متجوزه ازاي يعني .
اسماء ببرود وهي اكمل طعامها :- متجوزه زي الناس هي الناس بتتجوز ازاي يعني.
صمت عمر وجلس في مكانه واخذ ينظر لها بحده ويزفر ويقول في نفسه :- ايه النحس اللي انا فيه ده مين البغل اللي متجوزها ده يا بخته بقي يوم مااعجب بواحده وارتاحلها وشكلي كده اتهببت وحبتها من اول نظره تطلع متنيلة على عينها وعلى عينه.
في مكان اخر في المطعم أمام مرحاض النساء يقف فارس منتظراً رغد لتخرج فلاحظ تقدم إحدي النادلات منه .
النادله بغنج أثناء خروج رغد التي سمعتها :- اؤمر يا باشا اقدر اساعدك في اي حاجه .
تقدمت رغد منهم بحدة :- لا يا اختي مش عايز حاجه هتساعديه في ايه.
لم تنظر إليها النادله وتابعت بنفس الغنج وهي تنظر لفارس :- اقصد يعني تحب اجيبلك منيو تحلى على الترابيزه بتاعتك .
YOU ARE READING
الصغيرة والصعيدي
Romanceكانت شرطاً لينفذ له ابوه طلبه ويتركه ليسافر ويحصل علي الدكتوراه خارج مصر ولكن لم يتخيل انها مجرد طفلة!!
