#مشاكل_الحب

البارت الاول

نبدأ فى الجزء التانى

الابطال فى الجزء دا هما

(هند-شهد-منه-اتش-جيمى-فؤش)
‏
‏البارت الاول
‏
‏قصة #رحله _الى _الجحيم
‏
نبدا بقا

وقفنا البارت الاخير من الجزء الاول لما كل واحد رجع بيته وديه هتكون بدايه اللعنه

عدا اسبوع وابتدوا ينزلوا الجامعه من تاني ويتقربوا من بعض اكتر..وحبهم لبعض كل يوم يزيد
وجه وقت الامتحانات

فى الجامعة

سلموا على بعض وهما قاعدين

فؤش :بقولك يا منه

منه :اى قول

فؤش: مش ناويه تحددى معاد مع باباكى عشان اخطبك

جيمى : اة يا شهد وانا كمان عايز اقابل باباكى عشان نتخطب

اتش : اة يا ريت يعنى وانتى كمان يا هند

هند بحزن : مش هينفع يا هشام انا جايلى عريس وبابا موافق

اتش ب صدمه : يعنى اى انا متفق معاكى من اسبوع ي هند وانتى وافقتى ازاى بعد دا كله تقوليلي انا جايلى عريس وبابا وافق

هند بعياط: يا هشام انا بحبك والله جدا بس بابا موافق عليه واصلا دا ابن عمى بس انا بحبك انت ومش هينفع اكلم بابا عليك وهند مشيت بعدها ومنه تجرى وراها
وشهد تقف معاهم وتقول : معلش يا هشام بس هند غصب عنها هى ابوها هيغصب عليها انها تجوز ابن عمها بس انت عارف انها بتحبك انت
هشام:ايه الي يخلي اب يغصب بنته علي جواز شخص مش بتحبه..ومتقوليش عشان ابن عمها وقريبها

شهد:لا مش هقول ابن عمها وقريبها..بس هو كان خطيبها وهند كانت بتأجيل الخطوبه عشان مش بتحبه

هشام : طيب لما هى مخطوبه لى علقتنى بيها وخلتنى احبها لى تضحك عليا كدا

شهد : عشان بتحبك يا هشام

هشام بزعيق وعصبيه : بتحبنى تضحك عليا

جيمى وفؤش: اهدى يا هشام هى شهد ذنبها اى تزعقلها

شهد : طيب يا جماعة انا مضطرة امشى عشان متأخرش عليهم وعلى فكره يا هشام هند بتحبك وعملت كدا عشان حاجة كدا هتعرفها فى وقتها ومشيت

وخلص اليوم الكئيب دا 🥺😂

وجه تانى يوم واتقابلوا في الجامعه
شهد وجيمى ومنه وفؤش واقفين مع بعض
فؤش:لسه بردو ي جيمي هشام متعرفش عنه حاجه
‏جيمي:لا..من ساعه ما مشي امبارح من الجامعه وهو متعصب معرفش عنه اي حاجه
‏منه:فين هند ي شهد..اول مره تتأخر كده
‏شهد:لا انا عارفه هند كويس تلاقيها جت بس مستخبيه ومش عايزه تواجه هشام
‏وفضلوا واقفين مع بعض شويه..ولاقوا هند جت
‏منه:اتأخرتي كده ليه
‏هند:انا كنت واقفه هناك وبصراحه لما لقيت هشام مش هنا واتأكد جيت ليكم
‏جيمى :هند انتى مخبيه اى على هشام
‏فؤش :ولى مش عايزة تواجهى بالحقيقه
‏هند : انا مش هينفع
‏شهدبمقاطعه:طب يلا عشان نجهز للامتحان
‏جيمي:تعالي نروح الكافيتيريا ونراجع هناك انا وانتي
‏شهد:يلا..ومشيوا
‏هند:جيمي خد شهد وخلع خد منه انت ي فؤش واقعدوا مع نفسكوا وانا اروح اتمشي شويه..ومشيت
‏وهي ماشيه هشام واقفها ومسكها من دراعها وسحبها في مكان مفيش حد موجود فيه
‏هند بصدمه : هشام هو مش انت
‏هشام قاطعها بغضب: شهد امبارح قالتلى انك مغصوبه وحاجة هعرفها فى وقت مناسب اى هى الحاجة دى وبتتهربى مني لى ..لى مش عايزة تواجهينى
هند بعياط وحزن : هشام كل شئ قسمه ونصيب واحنا مش هينفع لبعض انا اسفة انى خليتك تحبنى آسفه انى علقتك بيا آسفه
هشام بمقاطعة وغضب وصدمه : اسفة اسفة على اى ي هند
هند جايه تمشى ومش عايزة تبص لى

هشام مسكها من ايديها وقالها : يعنى دا اخر كلام عندك

هند : يا هشام انا خايفة عليك لو سمحت ارجوك
سبنى امشى دلوقتى وهتفهم بعدين

هشام سابها: ماشى ى هند بس كلامنا لسه منتهاش

نسيبهم بقا ونروح لشهد وجيمى فى الكافي
################################

جيمى : شهد اى السبب إلى هنعرفة فى الوقت المناسب دا

شهد شغلت نفسها بحجه أنها بتراجع الامتحان

جيمى سحب منها الورق براحة وقالها بكلمك يا شهد رودى عليا
شهد :ارد اقولك اى يا محمد انا هند مأمنانى مقولش لحد حتى منه اقرب صاحبه لينا يعنى اختنا بمعنى اصح مقولتلهاش هقولك انت
جيمى : بس هند هتضيع هشام من ايديها وهو بيحبها اوى
شهد : والله هى بتحبه بس ابن عمها هددها ب ....
جيمى بفضول : هددها ب اى بقا
شهد : هددها ب .. انت عايز اى يخربيتك يلا عشان الامتحان (هى دى الصحوبيه يا شهد ماشى مش هقولك على حاجة تانى )
جيمى : يلا

*************************★******************
عند فؤش ومنه

فؤش : هو انتى عارفة حاجة عن موضوع هند

منه : والله لو اعرف كنت قولت (عشان كدا مقولتلكيش😂😂😂 )

فؤش : بس شهد قالت إنها مغصوبه على حاجة وحاجة كدا هنعرفها فى وقتها

منه : شهد إلى قالت انا هروح أسأل شهد واعرف منها ك....
قاطعها دخول شهد وجيمى وهند جايه من بعيد
شهد : يلا عشان الامتحان
وامتحنوا وخلصوا وروحوا

وجه تانى يوم

فى الجامعة

واقفين كلهم بيتكلموا وفجأة سمعوا صوت هند بتزعق ...

كاااااااااات

البارت خلص

يا رب يكون عجبكم
وياترى مين إلى كانت هند بتزعق معاه؟
وياترى اى رد فعلهم ورد فعل هشام ؟

تأليف: هند عزت

‏
‏