The end (النهاية)

تعريف

الرواية عبارة عن خيال وتطور ومستقبل

الرواية بتكون بزمن غير زمنا بتكون بعام
(2120)
يعني بعد 100 سنة من هلق
طبعا الموبايلات تغيرت والتلفزيونات والكبيوترات وكل شي تطور 

يعني بزمنهم ما كان في شي اسمو كتابة كانو بس يسجلو النوت بوك - الماسيدج اي شي

وكانو يركبو سماعات على ادنيهم حتا يحكو كانو بس يضغطو على السماعة ويقولو اتصلي ب........
وهو بيتصل

والموبايلات عندهم كان شكلها غير  بتكون شفافة بس ما حدا بيشوف اللي فيها غيرك

واحيانا بتدوس على الهوا فبيطلع شاشة ادامك بتقدر تعمل فيها اللي بدك ياه 😂

والسيارات ما الها سائق بتقلها انا بدي روح على مكان...... بتاخدك 

"حبيت بدي روح على مستقبل😂" 

وهاكذا.......

و هم كمان ما بيستخدمو الفلوس بيستخدمو الطاقة ال(E C)
بتبقا بطاقة مربعة سميكة ولونها اسود وبيبقا فيها نقط الطاقة فهنن بيحاسبو بالنقط

(يعني أنا رايحة اشتري كنزة " بكام هاد التيشيرت " *ب 50 نقطة*)

وبيحاسبو فيه هيك 👇

(يعني مثلا في عنا مولات بيبقا فيها العاب اطفال فهاي الالعاب بتبقا الها كارد خاص بيحطوه على مكان بالحيط وبيقلك انت معك (***نقطة)يعني مثلا متل كارفور "مابعرف ازا عندكم منو ببلدكم بس هو مشهور" وهيك تماما عندهم ، بس الكارد اللي عنا بيبقا كارد واحد بس وكل ما بيفضا بتقدر تشحنو ، اما عندهم فكان عحسب الغني والفقير ، يعني بيبقا في كزا بطاقة ولمن تفضا بتروح على (energy co)(شركة الطاقة) بتشحنو وبيبقا معك كزا واحد)

وازا انت فقير ما بيبقا عندك ضوء كتير وازا انت وضعك متوسط بيبقا الضوء مش كتير قوي وازا انت غني بيبقا الضوء عندك كتير قوي يعني على حسب الطاقة اللي معك

الرواية خيالية مش كل شي فيها حقيقي

بهاد الزمن العالم انتهى وبلاد الأجانب اللي كانو محتلين العرب او غيرهم بلادهم كلها تفجرت وانتهت ، والأجانب كلهم ماتو ما بقى حدا غير العرب ولانو العالم انتهى والبلاد كلها انتهت تجمعو العرب كلهم بمدينة القدس (بفلسطين)  وعاشو كلهم ، بس هون انمنع التعليم للأطفال واللي بيعلم بينسجن

"صح صح بزمنهم ما كان في شي اسمو شغل كان عندهم شي اسمو شرك ومش شرك كثيرة *متل عنا مليون محل تياب الخ....*
هنن عندهم (energy company) أو (energy co )

هاي الشركة للطاقة وهي الشركة الأصلية لكل القدس لانو هي اللي بتصنع الطاقة أو النقاط اللي بيعيشو منها (متل المصاري بالظبط)
وهاي الشركة بتبقا هي الأساس يعني صاحب شركة (energy co) هو اللي بيتحكم بكل شي تماما متل الرئيس

وعندهم (green co)
هاي الشركة تاني اهم شركة بالقدس لانو هي اللي بتعمل الخضار و الفاكهة والأكل اللي بنعيش كمان منو

وهاكذا الخ.......

(ملاحظة انا مازكرت غير هدول الشركتين لانو هنن اللي جايين بالقصة)

انا ذكرت فوق انو كان ممنوع التعليم وكانت الحياة بائسة عندهم

فهون بيجي بطل القصة جمين انسان بيكون كتير زكي ، وبدو يصلح العالم

اي صح نسيت اقلكم قصة مهمة كتير

"من زمان كانو الناس يصنعو روبوتات احيانا مشان يخدموهم احيانا مشان لعبة شر احيانا مشان جرائم الخ.....

*وهاي الروبوتات بيبقا شكلها متل البشر تماما وصعب كتير تفرقي بين الروبوت والانسان*

ف بيوم من الايام

الروبوتات توحشت 👿
وصارت تقتل العالم ، تدايقت الناس وصار بدها تقتلهم بس *الروبوتات ما بتموت* و مع هيك اخترعولهم سلاح خاص وموتوهم كلهم"

*فبهيك الروبوتات الها ماضي سيء مع البشر وهاد الشي مسجل بعقل(وعي) اي روبوت بينصنع*

"بس هلق انمنع صنع الروبوتات واللي بيصنع روبوت عقابه الاعدام"

وكمان انا ذكرت انو جمين شخص كتير زكي وبدو يصلح العالم "وهو بيشتغل ب(energy co) بس مدير الشركة بدو يستغل زكاؤه وياخدو لالو "هو اصلا بدو ياخد كل الأوعية اللي بالعالم 😂"
شو بصير وفعلا  جونكوك رح يقدر ياخد وعي جمين ...

هاد كلو بتعرفو في أحداث القصة

بس هيك بكون عطيتكم نبذة عن الرواية وتشويق

안녕 👋
⁦