ياوك أول مرة الريدرز عندي يوصلون الألف😂💞، اعذروني منتفة شوي.
المهم رح أتكلم عن تعدد التولباس.
تقدري تصنعي أعداد لا نهائية من التولباس، اثنين ثلاثة أربعة خمسة وحتى عشرة.
بس هذا لو ما كنتي تسمعي سبليمنال.
السلبية الوحيدة بسبليمنالز العشاق والأصدقاء وغيرهم، إنها تحكرك على تولبا واحد فقط. -باستثناء إذا كان سبليمنال عائلة سحرية-. وذلك لإن التوكيدات تكون بصيغة المفرد، أما سبليمنال العائلة فـ تكون بصيغة الجمع.
فيه نقطة ماني متأكدة منها، ألي هي إن لو طلعلك الصديق السحري حقك خلاص تبدي تسمعي السبليمنال من جديد لخلق صديق سحري آخر. لكن أعتقد إن نجاح وفشل الفكرة هم نسبة وحدة، لإن فيه احتمالية إن رح تصنعي صديق ثاني فعلًا.. وفيه احتمالية إن التوكيدات رح تتوجه لصديقك الحالي مرة أخرى فقط وما استفدنا.
المهم، سواء بتنجحي أو لا، أنا أنصح بتولبا واحد تجنبًا للتشتت، غير إن التولبا يضعف لحدّ التلاشي لما تصيري تنسيه كثير، فـ لو صنعتي أكثر من تولبا بالغالب رح تغفلي عن واحد من هالتولباس ورح يضعف يضعف لين ما يختفي.
غير إن صنع أكثر من تولبا عملية صعبة وتتطلب جهد.
المهم، نجي للموضوع الثاني، وألي ما ودي أفتي فيه بصراحة وبتركه لكم.
لكن بس أبغى أسأل سؤال حارق فضولي شوي.
لنفرض إن تأثير مانديلا صحيح، والعوالم المتوازية حقيقية -أنا شخصيًا أؤمن فيها-.
فـ هذا معناته إنه لكل فرد هنا نسخة من العالم الموازي، لو إنتي فعلًا رح تجلبي شخص من العالم الموازي فـ هو رح يكون مطابق لشكل شخص موجود بعالمك إنتي. رح يكون الموضوع مرعب، خصوصًا إن عاشقك الموازي رح يظهر للناس. وليس مثل العاشق الخيالي ألي حتى لو كان نسخة من شخص آخر رح يكون تحت نظرك إنتي فقط.
بس فيه ثغرة بكلامي.
نظرية العوالم تنص على إنها لا نهائية، غير كذا، في عالم من ذي العوالم المتوازية إنتي فيه ميتة فعلًا، لذلك من الممكن إنك تجيبي شخص حي في عالم آخر.. وميت في عالمنا، ومارح يكون الموضوع مرعب زي ما قلت.
وقد يكون الشخص ألي بتسحبيه من العالم الثاني، مسوي عملية تجميل بعالمنا ولا سامع سبليمنال الجمال ولا مسويله صرفة الزبدة ما بيكون فيه شخصين يشبهون بعض -لكن برضو شي مرعب لما ألي مسوي عملية يشوف نفسه القديمة تتمشى قدامه-.
المهم، النقطتين ألي مخليتني ما أقدر أحدد موقفي من هذا السبليمنال هي..
النقطة الأولى، هل فيه شخص من العالم الموازي فعليًا رح يطابق الشخص ألي بخيالك حتى بمسامات وجهه؟
النقطة الثانية، لو إنتي بتسحبين شخص من عالم موازي فـ رح يكون الموضوع زي إنه يصحى من النوم يلاقي نفسه مرسبن بمكان ثاني، المسكين كان يرعى غنم مع الوالد بالنرويج ورمش مرتين ولقي نفسه بالرياض. وما رح يكون يعرفك أساسًا وما رح تكون عنده قدرات زي الكائنات الأثيرية لإنه ببساطة "إنسان طبيعي زيه زيك بس اللهم إنه جاي من عالم موازي ثاني".
+ لو إنتي سحبتي شخص من عالم موازي، معناته أي شخص من عالم موازي رح يقدر يسمع سبليمنال عالم موازي ويسحبك ببساطة، لإن كلنا بالنسبة لبعض عوالم متوازية.
لو قدرت ألاقي رد مقنع لهذي النقطتين رح أبحث أكثر وبعد ما أنهي ذا الكتاب بسوي كتاب عن العالم الموازي.. لإن طول قراءتي عن العوالم المتوازية ورغم اقتناعي فيه إلا إني ما لقيت فكرة إن فيه عالم موازي رح يطابق رغباتك إنتي تحديدًا.
+ بنوّه على حاجة بسيطة، لو التولبا حقك طيّح شي ولا حرّك شي وسمعوه أهلك مو يعني إنه من عالم موازي ثاني بالعكس، هذي من أبسط قدرات الكائنات الأثيرية. لإنها تقدر تكون محسوسة عند كل الناس، بس ما تقدر تكون واضحة كالإنسان الطبيعي إلا مع صانعها والشخص ألي يؤمن فيها.
وبس، أبغى أستفسر عن وجهات نظركم بخصوص موضوع العاشق الموازي. قولولي هل تشوفوه منطقي؟
بالبارت الجاي بتكلم عن صناعة تولبا واحد مع مجموعة من الأشخاص.
