رواية عشق فريد من نوعة للكاتبة ( روكا حسن )

البارت الرابع

في منزل سيرين :
سيرين بغضب : وبعدين يا ماما انا هتشل من جوز العقارب دول
مديحه بخبث : يابت خليكي بارده معاهم وافرسيهم مش هما اللي بيفرسوكي
سيرين بشر : والله لوريهم مين هي سيرين
مديحة : ايوة كده بنت امك بصحيح
عبد الحميد : يا ساتر عليكوا مش سايبين حد في حاله
مديحة ي رافعه حاجبها : جرا ايه يا راجل انت خليك في حالك وملكش دعوة

في منزل عم محمد :
يتحدث رامي في الهاتف : ايه يا ادهم عامل ايه
ادهم : الحمدلله ياحبيبي انت اخبارك ايه وعمي ومرات عمي وصفا وموده اخبارهم ايه
رامي : الحمدلله كلنا بخير مش ناوي تيجي بقي
ادهم : والله انا كنت بكلمك عشان اقولك اني هاجي كمان اسبوع كده
رامي بفرحة : اخيرا يا اخي فرحتني والله بس هترجع تاني ولا هتفضل هنا علي طول
ادهم : والله انا زهقت من العيشة لوحدي في يخلص كل شغلي وبصفي هنا وهرجع أقيم في مصر
رامي : احسن قرار اخدته والله يابن عمي
ادهم : ابقي سلملي  عليهم اووي
رامي : يوصل يا حبيبي مع السلامة

في قصر الشريف :
مليكة وهي تبحث عن طعام في المطبخ : ايه ده بس انا مش بعرف اعمل حاجه من الموجود ده وداده احسان لازم تروح عند ابنها يعني حاجه قرف
حازم وهو يستند على الحائط مربع يده فوق صدره
حازم بخبث : اتجننتي يا بت بتكلمي نفسك
مليكة بفزع : خضتني يا حازم اخص عليك مش كفاية هموت من الجوع يبقى جوع وخضه
حازم : طيب وفين داده احسان
ملكية بضيق : عند ابنها وانا جعانه ومش عارفه اعمل ايه
حازم : طيب ماتعملي وكلي
مليكة : ياحازم ما انت عارف اني  مش بعرف والبنات فضلوا يتريقوا عليا وتراهنت اني اعمل اكل لوحدي
حازم : ولما انتي مش قدها بتتحديهم ليه
مليكة بزعل : اهو اللي حصل ساعدني ونبي انا عارفه انك بتعرف تعمل اكل
حازم بغرور : تدفعي كام
مليكة  : بطل بواخه بقى  ويلا جعانة
حازم ببرود : بواخه طيب اعملي انتي انا ماشي
مليكة قبل أن يغادر : خلاص حقك عليا اسفة والله مش هقول كده تاني ساعدني بقي
حازم بتكبر : ايوه كدا ناس متجيش غير بالعين الحمرا

في شركة الشريف :
"قصي" وقد غضب دون سبب مما فعلته مودة
مودة بفرحة وهي تحتضن اسر : وحشتني اووووي بجد اختفيت فين انا وادهم ورامي كنا هنتجنن
آسر وهو يرفع يده علي كتفها : ده موضوع طويل لازم قاعدة وبعدين همووت واشوف ولاد الابلسة دول وحشوني اووي وصفا كمان كبرت ولا لسة
مودة وهي تضحك : كبرت جسما وعقلا لسه بيبي
اسر بضحكة : هههههه وعمو وطنط اخبارهم اية
مودة : الحمدلله بخير هيفرحوا اوووي لما يشوفوك
اسر : اكيد طبعا هاجي بس اظبط اموري هنا واستقر ونتقابل. ، هاتي رقمك عشان ابقي اكلمك.  ،اعطته مودة رقمها
قصي بضيق : نشوف شغلنا بقى ولا ايه
مودة بحرج : اسفه مستر قصي اتفضل الملف
أخذ قصي الملف وقال : شركة المنصور بعتت فاكس بالمعاد بتاع المناقصة ولازم نخلص التصميم قبل الميعاد طبعا بشمهندس امجد فهمك كل حاجه
مودة : ايوه افندم وانشاء الله هيخلص قبل الميعاد
قصي : تمام وانا هكون معاكي وانتي بتعملي التصميم عشان مش عاوز غلط لازم نكسب المناقصة دي
مودة : اللي تشوفه حضرتك يامستر قصي
قصي : اتفضلي انتي وبكرة نبتدي التصميم
أسر : دودة هكلمك وخليني اشوفك عقبال ما اجي عندكو
مودة بأبتسامة : تنورنا هستنى مكلمتك
وغادرت المكتب.
قصي : انت تعرفها منين و ازاي تحضنك كدا
اسر : ده موضوع طويل اوى هبقى احكيلك علية بس يلا نمشي عشان انا ميت من الجوع
قصي : يلا

بمنزل عم محمد :
دق جرس الباب وفتحت سامية :  ادخلي يا حبيبتي حمد لله على السلامة
مودة وهي تقبل يدها : الله يسلمك يا سوسو ياقمر
خرجت صفا ورامي 
مودة : امال فين بابا
رامي : بابا نايم جوه المهم قولي لي عملتي ايه
مودة مبتسمة : الحمدلله اليوم كان حلو وعندي مفاجئ
صفا وهي تركض ناحيتها : مفاجأة ايه هه ونبي قولي يلاا
سامية  : يابت هتقول ازاي وانتي مش مدياها فرصه
صفا : سكتت اهوه قولي بقي يابارده
مودة : شوفت أسر النهارده وقالى انه هيجي عشان يشوفكوا
سامية بفرحه : يا حبيبي يابني مقلكيش هو كان فين
مودة : لا والله قالي لما اقعد معاكوا هحكلكوا
رامي : طب مقالش هيجي امتى
مودة : لما يظبط اموره هنا ويستقر وبعدين خد رقمي يعني هيكلمنا
رامي : وادهم كمان جي كمان اسبوع
صفا وهي تقفز من الفرحة : هيييييييي بتتكلم بجد اخيرآ هنتجمع تاني متعرفوش قد ايه وحشوني
مودة بضحكه : طفلة على رأي اسر
صفا وهي تضع يدها في خصرها : نعمممم هو قال عليا طفله
مودة : الصراحه بيسأل عليكى قولتله لسه طفله
صفا وهي تركض خلفها : انا طفله خدي هنااا
وغادروا الى غرفتهم لتكمله  مشاكساتهم سوياً

في دبي :
كان يجلس ادهم ويحدث المحامي الخاص في الهاتف
ادهم : ايوه يا استاذ عبد الستار خلصت الاوراق
عبد الستار : ايوه يا ادهم بيه وخلال 5 ايام كله هيكون تمام وتقدر تسافر
ادهم : ماشي … وصفيت كل حاجه زي مقولتلك لاني هسافر ومش هرجع تاني
عبد الستار : ايوه يافندم كله تمام وحولت الحساب وشركة حضرتك المستثمر سجلها باسمه بعد مضينا عقد البيع
ادهم : تمام شكرا جدا

في قصر الشريف :
وصلوا الشباب الي القصر وذهبوا إلى الداخل
وجدو دخان يملأ القصر
آسر: ايه  الدخان ده
قصي : مش عارف
احمد : تعالي نشوف جي منين
بحثو عن مكان الدخان وكان مصدره  بالمطبخ
مراد : ده باين من المطبخ. ،ذهبوا الي المطبخ
جاسم بصدمه : يانهار اسود ايه ده

يااارب يعجبكم تصويت لاختكم الغلباانة بقي عاوزه تشجيع كدهون 😂😂😂