مرحبا💕
(عيون الريم )
للكاتبه هاجر ألمياحي ✍️
ريم
مر سبوع ثاني وابوي مايحجي وياي ابدا مع انو بس اني وياه بلبيت يكول لأمي على أي شي يريده بس مايحاجيني صادفت سبعه مالت رنا اليوم قررو يرحون لزياره أني مااكدر اروح وأبوي زعلان عليه احس حتى زيارتي ماتنقبل رحت علي صبح جان اليوم ماطالع كاعد يم التلفزيون ويمه أمي كملت تنظيف ورحت كعدت يمه
ريم. بويه اني اسفه والله موقصدي أكسر كلمتك
ابوي.كسرتيهه وماحترمتي وجودي وخليتيهه تكولهه بوجهي ماعرفت تربي ياحسافة التعب تعبته عليج جان حلم عدي وحده من بناتي توصل وخليتج تكملين اخواتج بطلن من وكت وكعدن بس انتي طلعتي بيهن شاطره وتالي ظيعتيهه بلسانج
ريم.بويه الله يخليك سامحني والله المي مامتهنيه بي لان ماتحجي وياي
ابوي.حجايتي وحده وكتلج دراسه ماكو بعد
ريم.تريده يصير بس ارجع احجي وياي مثل كبل حباب
ابوي فتح حضنه الي .تعاي بس لسانج اذا طلع مره ثانيه اكصه الج
ريم.انشاء الله
رحت بست راسه وهوه سحبني بحظنه وكال
ابوي.اوف شلون بغزالتي اني
ريم.ماشتاقيت لغزالتك يعني
ابوي.هههههههه اشوفج تلوبين كل مااريد اصيحج اكول لاخليهه تتادب وتتعلم تلزم لسانها
ريم.بويه والله ماتحملت بعدين ماشفتهه شلون تحجي وياي الي يكول عبده عدهه
ابوي.هيه بويه من زمان لسان وكحه ماتنجرع ماشوفين عمج كدامهه لاحوله ولاقوه
ريم.دخيلك بويه لاتورطني وياهه يمكن ابتلي بيها
ابوي.ومنو كالج اني اطيهم مره بس ماردت اكسر بخاطر عمج كلت بعدين ورجعله خبر ماموافقين بس انتي خربتي سالفه وخليتي الحك علينه
ريم. ادري مجان لازم احجي بس ماكدرت أسكتلهه وهيه تكلي ماترفضين هيج عيشه قابل شبيهه عيشتنه ليش مو عمام احنا شو بعدنا بسم الله كامت تعيير بينا
ابوي التفت علئ امي. ها شكتلج موكتلج بتج لو مامطلعهه جا سحلت المره كدامنا لان حجت عليهه
ريم.والله سكتت لان انته موجود واله هيه مو شكول حترامات
امي. ولج كافي بعدج شايله على المره عوفيهه وانسي الحجي الكالته
ابوي.ماتسمه ريم اذا سكتت ونست السالفه يكولون كلمن يطلع نفس صفات اسمه واضاهر ماجان لازم اسميج ريم
ريم.اصلا لايكلي بويه أني ريم غزالتك حجي
ابوي.هههههه ملعبه ام لسان فريتيهه عليه
أنت تقرأ
عيون الريم
Romanceعيناك سحروني بل صعقوني ماذلك السحر الذي بين عينيك لماذا تشديني اليكي كل مارايتك عيناك سحر لاكن عذرا فاتنتي فاانا لم اعد اثق باي انثى ولابقلبي حتى فبتعدي قدر المستطاع عني لااريد ايذاءك ولا ايذاء نفسي مره ثانيه .
