·
الهام هبطت عند رجليه ..يفتح عليك يوسف ..
يوسف دخل شمخ وجهو وخرج ..روحي برك ممبعد لمفاهمة روحي .. يوسف تنه ومسح على وجهو .. رح في خيرا صعب ..اذاا خلى الهام باش يخرج رخيس ..وهي لجلتلو في وقت صعيب بزف .. وريماس هي الشخص الي بدلتلو حياتو ...
رجع للحاضر .. بقااا هكاكا .. من يوم الماتش صراو صوالح بزاف .. ندم على لنهار الي وافق ييروح مع الهام ..ندم على صوالح بزاف .. ياريتو قدر حبها وخوفهاا عليه ..بصح الشئ اليم حيرو علاش تتعامل معاه عادي .. وش صرى وش صرالهااا .. حتى انها ماعرفاتوش ..
ريماس كانت متافهمة مع الحاج علي يروحو لطبيب كيف كيف ... معا انهاا ماعندو مايفيدها الا انهااا وافقت تروح لعندو .. دخلو لعايدة طبيب الدماغ والاعصاب .. كان كاين ناس بزاف .. يهدرو ويضحكو وهي تتحس من الحس بزاف .. حتى انها ولات تجيها انهيارات عصبية .. كانت تلعب بييهااا وتحاول تتاقل واخيراا جات السيكريتار دخلتهم ..
دخلو وقعدو قدام الطبيب .. الي تبسم ..اهلا بيك بنتي .. لاباس عليك ..
ريماس تبسمت .. لاباس ..
الطبيب حط الراديوهات .. كاين تطورات ..قدرتي تتفكري كاش حاجة
ريماس شافت في جدهااا ..كل مانجي نتفكر راسي يوجعني بزاف ..بزاف ..
الطبيب امممم .. في حالتك والحادث الي تعرضتيلو شئ طبيعي يكون عندك فقان للذاكرة ..
ريماس عينيها لمعو بصح وقتاه نتفكر ..تعبت بزاف ...مانيش قادرة نتفكر حتى حاجة ..حساتهم غرب عليااا ..مانيشد ابااا راحتي ..
الطبيب قرب منهااا .. اعطي لنففسك فرضة ماتظغطيش على روحك ... خرجو من عند الطبيب وهي دايرة يدها على خدهاااا ..كان باقي غير تبكي برك ... صح حاسة روحها غريبة عليهم من يوم فاقت مالغيبوبة وهيااا هكااا .. دخلت للدار طول طلعت تجري لشومبرتهااا ..
الحلقة 3
واقفة في جببل .. كانت الريح طير .. والشتا طيح خيط من السمااا ..وهي لابسة روبة بيضاء وتبكي ..حاسة بالفراغ الي ديما موجعهااا .. حاسة فااحساس الوحشة والوحدة .. تشوف وراهااا اا مكان حتى حاجة ..وقدامهااا كاين الهاوية .. تحتهاا كاين النهاية .. رجعت خطوات للورم مبعد قلعت تجري وقفزت فالماء ..
ريماس فتحت عينيهااا .. دايما نفس لحلم .. ناضت تعرق والنفس مقطوع عليهاااا .. ناضت بلعقل شافت في ساعتها كانت 8 نتاع لصباح .. دخلت للدوش وبقات تغسل في وجها وتعاود ..حاسة بااحساس الخنقة كانت نبضات قلبها تتسارع .. مش حاسة بحتى حاجة .. بقات تشوف فالمرايا ومركزة " شكون نتي .. وش صرالك " .. دقايق مسحت وجهاا وخرجت هبطت لتحت .. وين كانت سهيلة مع جدهاا قاعدين ..
ريماس تبسمت صباح لخير ..
سهيلة صباح لنور .. وش نحطلك تفطري ..
ريماس دخلت للكوزينة ههههه نورمالمون انا لكبيرة وانا لي نحطلك تفطري ..
سهيلة توسعو عينيهاااا .. نتي تفكرتينيااا ريماس ..
ريماس طلعت حاجبها لالا .. بصح نورمالمون انا لكبيرة .. ونت يختي لصغيرة ..
سهيلة رخات روحها وقعدت ..
ريماس رفدت كاس القهوة وقعدت معاهم ..شافت القيطار المعلق على لحيط .. بقات تحاول تتفكر ..حاجة في جنينة .. طفلة نقزت عليهااا ..تسمع في اصوات "مهبولة" شوية وحكمها صداع نتاع موالف .. رفدت روحها وخرجت .. طلعت لشومبرتهااا .. رح تروح لمحل تاع الالات الموسيقية الي فتاحاتو ...
في السبيطار .. يوسف كان قاعد على كرسيه المتحرك ومقابل الزجاج .. هايم في الافكار نتاعو .. هايم بين لماضي ولحاضر .. تفكرها كي جات المرة الي فاتت ..شعال كانت تضحك وبشوشة وشعرها طوال هههه نورمالمون ضرك كون راه يعيط عليهااا ..يقولها بلاكي تقصي شعرك وهي تقولو اللحية ماتوشهاش .. تنهد والي قتلو انهااا ماتتذكرش هو شكون ..100 سؤال في راسو يخمم زعما واش يكون صرالهااا ..
رجعت بيه الذاكرة لعام من قبل ..
فات ماتش ساخن بكل معنى لكلمة ..يوسف كان لمسيطر كيف لعادة .. كان هو ملك لحلبة ... الخصم نتاعو مكانش ساهل ..ومرة من قبل غلبو في ماتش .. اما كلشي كان يخمم فيه هي ريماس ..يحب يخلص ويرجعلهااا بلخف .. كمل الماتش وجاا خارج ... وجهو مدمدم ..وعظام كامل مكسرة .. يمشي بلعقل ورافد ساك نتاعو ...اول ماربح السيد هذاك مد الطفل لالهام .. وهو ماخمم في والو ..رفد تلفون حابب يعيطلهاا ويحكي معاهاها ويقلهااا هاني راجلعلك .. جاا يعط تلمو عليه 4 من الناس ..
يوسف شكون نتومااا اه .. واحد منهم خرج الخدمي وضرب يوسف للجنب ...ولخرين كامل طاحو عليه بالضرب بالركلات .. كانو اقوى منو .. كانو اكثر منو .. اول ماكملو رماوه فالماء ..
يوسف رجع للوعي نتاعو مسح وجهو .. وبقى يحرك فالكرسي نتاعو .. اذا كانت صح فاقدة الذاكرة ولاصرالها حاجة ..لازمو يبعد عليهاااا .. لازمو مايزيدش يوجعها كثر .. لانهااا كانت تحبو والحب هو الي دارلها هكااا ..عذبهااا وخلاهاا فيه هاذي لحالة ...
ريماس بدلت وخرجت رايحة تخدم .. وبقات سهيلة مع جدها فالدار .. كانت تشوف في ريماس خارجة ...تقول كامل ماشي هي ..شخص اخر ... ماهيش ريماس المهبولة المقربعة الي تعرفهااا ..الي تحكي اي حاجة .. ماحست كان بدمعتهااا طاحت .. جا جدهااا وبقا يمسحلهاا في دموعهااا ...
الحاج علي ..هذا بلاء من عند ربي ...
سهيلة حاكمتهاا ..غصة توحشتهااا ..توحشت ضحكتهااا وهبالهاا ..مكانتش هكااا تبدلت
الحاج علي ..الحاجة الي فاتت عليها ماشي ساهلة .. دارت اكسيدون وغيوبة 3 اشهر كاملين ماشي ساهلة
سهيلة حابة نروح نبقااا نرج فيهاا نقولها تفكري .. براسكو خلاص عييت من كلش .. محتاجتهااا
الحاج علي حضنهااا ..اه يابنتي هذا كامل من عند ربي والي يجي من عندو مرحباا بيه ..
ريماس كانت وصلت للمحل نتاعهااا ..تبيع فيه قطع اثرية ..والات موسيقية .. دخلت واليانور دخلت قبلهاا .. شعلت الضو .. وقعدت .. هذا هي حياتهااا ..الي تعرفها وتتفكرهااا .. اول مافتحت عينيها فالسبيطار كانت سهيلة وجدهااا معاهااا ..وهي حست بضعف لانهاا ماتفكرتهمش .. شوية ورفدت صوالحهااا وبقات تمح فازجاج وكلش .. قربت من بواطة تاع زجاج فيها سلحفات صغيرة ...
ريماس بقات ترمليها فالماكلة ... اه نتي ماكيش مليحة .. واقيلا نديك للطبيب .. بقات تطبطلها فالزجاج والسلحفات ماتتحركتش .. تنهدت ريماس .. بقالي همك غي نتي ..نديك للطبيب وربي جيب لخير .. خلات واحد فماااا وخرجت داية السلحفات للطبيب هههه مريضة ..
أنت تقرأ
اصم تربع على عروش قلبي الكاتبة منال منولة /In love with deaf
Romanceليس بالامر السهل ان تتحدى القدر والظروف وبالاخص ان كنت شخصا هشا وطيب القلب هي حكاية ريماس تلك الفتاة الكاتبة التى تعشق القصص وفي طريقها للبحث عن قصة ملهمة تلتقي يوسف الاصم الذي يحاول هو الاخر الوصول الى حلمه في الملاكمة ولكن العقبات الكثيرة واولها ج...
