قلب الوحش بيد طفلة (قسوة ضابط)

البارت 42

آنثى 💜 ملائكيه

قسوة ضابط

تعال وياك أخذني وخـــــل نروح آبعيد
ونعيش الفرحه كافي وخل نعوف الهـمّ
تعبنه الوكــــــــــت والقدر بينه يدوس
مجروحين آحنه والجرح يلجـــــــــــم
محد بينه داري وعذبانـــــــه الحــآل
وألك هذا الحچـي يـلّ وحــــدك آلتفهم
كل شي يخـون بينه لكن انّـه ويّـــــآك
أبد منخون حبنه وربك اليعلـــــــــــــم
*****

زهره .....كللللللوش حمد لله ع سلامتهم يمه ان شاء يوم اشوفهم عرسان

أسد ...ذبحو الخرفان وطبينا جوو انصدمت من شفت امه محمد كلها موجوده نسوان عمامي وخالاتي كلهن مشاء لله عبالك عررس مو طهور
عفتهم وطلعت بالحديقه يمهم ...ليييث لييث ..

ليث... ها عمي ..

اسد ...روح اخذ صور لجهال وتعال بسررعه...

ليث.. ايي ادلل ..رحت اخذت صور وشفت ألبومه السوده يا اخي شكد اكرها باوعتلها صفح ...
هييو وخري ...

تبارك ..شبيك مبتعد خاف بيه جرب واعديك

ليث ....ايي اخاف انعدي منج ...صارت اعيونها بگصتها...

تبارك .. عووذه وهساا شتريد ..

ليث ...ارريد ...وغمزتلها ...

تبارك.... ايييا سافل ياسگط ..

ليث ....اقتربت منها ..طالع عليج حمبببي بلا وخري من طريقي جنح برميل عمبه ونوب شايفها نفسها عيني انتي مو من مقام ليث تلگين ذوله الي بشارع يگلبوج ...

تبارك ...بشهگه ...اني برميل عمبه وهذا الحجي عليه على اساس انته شنوو ...

ليث....رفعت شعري .... تروحين فدوه لكفشتيي وداعت عيونج الفسفس ....

سمر.... ليييث اطلع بررره شعندك هنا ...

ليث... ولله اجيت اكبل عندك ماانع ...

سمر ....يردلك تربيه من جد وجديد ادبسزز ...

ليث ....بيني وبين نفسي ...هسا وكتج نبع الحنان ..هههه اجيت اخذ صور ...اشو هاي ماصدگت گمزت ...

تبارك.... صدك لعد اوكف خلي امير بحضني واخذلنا سوا ...

ليث ..رفعت ايدي بوجها ....اهوو شكو حشكتي روحج جنج ذبانه تغوغي مابيها فايدا ...

تبارك... انته شعليك ...

ليث...لزگه موبيدج .. اخذت صور لها هيه وامير
ورها لجهال اربعتهم انقهرت عليهم كلش امير بس يدردم ويبجي وئاسو يصرخ والصغار ييبحون واحد يكعد واحد ينام ومحد دايرلهم بال ال من صحت امي ...ييمه لخاطر ربج تعاي ناخذهم ونروح لبيتنا
طكو من البيجي وماكو احد مهتم وما شاء لله بيبتي عازمه العراق كله ....

سمر.... اني هم فكرت هيج خلي بس يصبون الغده واخذهم ....

أسد ...انتظرت نص ساعه وجا ليث اخذت الموابيل منه وطلعت وعفت الهوسه ورايه الكل مخبووص
رحت ع صاحبي ......